اهلا وسهلا منورنا بوجودك الميزه الكويسه في الجليز أنه بطئ الجفاف لكن لو هتعمل حاجه سريعه وتتضمن أنها مش هتنشف منك اثناء الشغل تضيف عليها شوية بويه مطفي محتاج سرعه كبيره لأن المطفي بينشف بسرعه
ورق الحائط ملزوق علشان نفك اللزق محتاج مياه هتجيب جردل مايه ويستحسن تكون سخنه وروله عاديه خالص وبالمياه ترول الحائط كده الورق هيمتص المياه الساخنه كرر الفكره دي كذا مره بالروله كل دقيقه علشان الورق يتشبع المياه تجيب سكينة معجون وتبدأ تشيل الورق من خلال سكينة المعجون دلوقتي وانت بتشيل الورق لو لسه جامد يبقي كل شويه تبل الحائط بالمياه عن طريق الروله وهكذا
هتندهن وش بلاستيك مطفي ابيض تلوينه بني وشوية احمر المهم اللون يكون غامق اي درجه بني محمر مش هتفرق المهم أنه غامق نسبيا بعد كده تجيب نحاسي مائي فلفت ودهن الكرنيشه وشين منه بالفرشه
فانيلا لاتيه لونه فاتح هتدهن عليه بعد كده النحاسي مش هيظبط بسرعه لو عندك فانيلا لاتيه ضيف عليهم لون بني بحيث تغمق اللون ولو فيه احمر ضيف منه بسيط احنا بنعمل لون يكون قريب من النحاسي أو يكون اي لون غامق من نفس الدرجات بحيث يغطي بسرعه ويريحك في النحاسيةالمهم اول وش في البلاستيك يكون مطفي
