Pais de Adolescente ki mori na hospital fala sobre caso
Nha povo...
Pá começa mi João da Cruz(Djodjoy) e Bibica di Djodja nu kré endereça a nhosi tudu no´ss mais sinceru agradecimentos a todu nhosi li na Djabraba, Cabo Verde, Merca, Europa, África...enfim mundu interu pá ess momento mais tristi di noss bida nu sinti abraçado pá tudu nhosi e pá nhosi solidariedadi, amor, estima e carinho aquandu da perda física di noss tão kerido e amado fidju Djony ki distinu tiral di noss meio p´um lugar mais lindo e bunito undé ki ká ten dor nem sofrimento, nem injustiça nem rico nem pobre, nem brancu nem preto.
Ness vídeo ki nu stá lançá pá mundu interu, há muito esperadu, pá tudu nhosi abri nhosi ubido, curaçan ness momento di profunda amargura e tristeza infinita nu tá lançá pa nhosi ess uívo do Lobo do Mar e gritu dess mãe revoltada, sofrida pá perda di sé únco fidju, sé mon sé pé... sé Djony, noss Djony, nhosi Djony...Djony di tudu mundu...mininu respetado, amado e carinhsu pá tud djentisss.
Morti inesperadu di noss fidju tão repentina, tão tristinho trazé pá tudu noss um sentimento di deseperu, di rivolta, di dor na fundo di noss curaçan e até anjo di céu manifestá sesi dor di odjá um mãe dispedaçada di sofrimento puntinha por puntinha sem podé fazé Nada... e di um pai impotente ness trajetória di ká podé salvá e trazé di volta sé codê di volta pá braçus di sé vóvó Djoba, corda di sé alma...
Nhosi acreditá nha povo, ki morte di Djony, ess perda física ki tá dixanu cheio di saudades eterna ká tá ser em vão NUNCAAA...
Sofrimento di sé mãe e angustia di sé pai, amargura di sé vóvó, tristeza di sé tio Djandjan ki acompanhal ness mar ingratu ki lebal sé alma, lamúrias di tudu sé familiares nomi pá nomi e amigos e conhecidos despertá di sono mundu interu pá gritá ben alto JUSTIÇA pá Djabraba, Cabo Verde, ku força di tudu nhosi lá na Merca, lá na Europa, lá na África, lá na China, lá na Conchichina, lá na...
Até ki enfin djá tchigá hora táo esperadu pá tudu ubi ess gritu angustiante di um Mãe despedaçada pela dor di asisti sem dor nem piedadi padicimento di sé Djony e partida pá londgi, pá nunca mas voltá pá sé regaçu, pá sé braçus... Tchigá hora di nhosi ubí ess gritu di um pai capaz di podé adjudá e salvá fidjus di cada um, mãe di cada un, pai di cada un, mudjer e maridus di cada un, maaaa... ki ká foi kapass di salvá e trazé di volta sé propi fidju...ki turmentu nha povo...
Noss maior consolaçan é sabé ki Deus Pai Criador permiti ki noss Djony ser lebadu pá Sé regaçu pá podé trazé JUSTIÇA noss Tera tão amada e esquecida pá kenha ki noss propi povo poi na Poder...
Assim como Jesus sofré calado e morto derramando Sé sangui pá liertaçan di mundu interu...assim como Cabral derramá sé sangui e moré pá libertá Cabu Verdi, assim tanbé Djony derramá sé sangui na cais dos Cavaleiros e sé corpo interadu na monte nha Lenda pá podé libertá e trazé pá Djabraba mais JUSTIÇA, LIBERDADI DI SÉ POVO PODÉ EXPRESSÁ SESI DOR di esquecimento di kenha Bravenses poi na Poder pá governá Cabo Verde...
Agora nhosi abri nhosi ubido, nhosi ubì...
Produção: Dexam Sabi CV
Dexam Sabi CV
Site: www.dexamsabi....
facebook: / dexamsabicv
Instagram: / dexamsabi
qualquer coisa entra em contato: www.dexamsabi....
10 сен 2024
