Pambığın alış qiyməti artırılıb - BAKU TV 

Pambığın alış qiyməti artırılıb - BAKU TV
Aktual xəbərlərimiz
• QARABAĞ XRONİKASI
• Playlist
• Playlist
Baku TV dünyanın hər yerindən ən aktual və mühüm xəbərləri yayımlayan xəbər agentliyidir. Öz məzmunumuzdan əlavə, müəllif hüququ ilə qorunan xarici məzmundan istifadə etməyimiz kommersiya məqsədi daşımır.
Məhsul yığımı ərəfəsində pambığın alış qiyməti artırılıb.
Bu barədə qərarı pambıq istehsalı və emalı ilə məşğul olan şirkətlər Kənd Təsərrüfatı Nazirliyi ilə müzakirələr nəticəsində qəbul ediblər.
Nazirlikdən bildirilib ki, şirkətlər arasında əldə olunan razılaşmaya əsasən, pambığın növləri üzrə mövcud alış qiymətləri hər ton üçün 50 manat qaldırılıb. Belə ki, 1-ci növün qiyməti 800, 2-ci növ 780, 3-cü növ 740, 4-cü növün qiyməti isə 700 manata çatdırılıb. Qərar fermerlərin məhsul istehsalına həvəsləndirilməsi üçün qəbul olunub.
Qeyd edək ki, pambığın fermerlərdən alış qiyməti bu il ikinci dəfə artırılır. Yanvarda şirkətlər 2022-ci ilin məhsulu üçün alış qiymətlərini hər tona görə 50 manat qaldırmaq barədə qərar qəbul etmişdi. Beləliklə, pambıqçı fermerlər bu il yetişdirdikləri məhsulun hər tonunu ötən ilə nisbətən 100 manat baha satacaq və xeyli əlavə qazanc əldə edəcəklər. Üstəlik, bu ildən tədarük məntəqələrinə təhvil verilən pambığın hər tonuna görə fermerlərə 170 manat məhsul subsidiyası ödəniləcək. Bu il Azərbaycanda 100 min hektardan artıq sahədə pambıq əkilib. Gələn aydan respublikada kütləvi pambıq yığımına start veriləcək.
Sosial şəbəkələrimiz
/ www.baku.tv
/ bakutvofficial
/ bakutvofficial
t.me/bakutvxeber
www.baku.tv
© 2022 © All Rights Reserved ℗ Baku TV
Pambığın alış qiyməti artırılıb
#pambiq #alisqiymeti #artirildi #bakutvxeber #bakutv #bakutvnews #xəbərlər