WhatsApp: +91 8217734395
1
འོད་སྣང་དང་སེམས་དཀར།
དང་པོ།
ཡིག་སྐད།
༄༅། །སྔོན་བསོད་ནམས་གླིང་ཞེས་པའི་བོད་མི་གནས་སྡོད་བྱེད་པའི་ས་གནས་ཤིག་ཏུ་ཕ་བཀྲ་ཤིས་དང་མ་བདེ་སྐྱིད་ཅེས་པའི་བཟའ་ཚོ་གཉིས་ལ་བུ་མོ་མཚེ་མ་ཞིག་སྐྱེས་པ་རེད། དེ་ནི་ཕ་མ་གཉིས་ཀྱི་ཕྲུ་གུ་ཐོག་མ་དེ་ཡིན་པས་ཧ་ཅང་དགའ་ཚོར་ཆེན་པོ་བྱུང་བ་རེད། འོན་ཀྱང་ཕྲུ་གུ་གཉིས་ཀ་ཐོག་མར་སྐྱེས་པའི་སྐབས་སུ་ཧ་ཅང་ཆུང་
ཆུང་དང་། ལུས་ཁམས་ཞེ་དྲག་སྐྱོ་པོ་ཡོད་པས། ཕ་མ་གཉིས་སེམས་ཁྲལ་ཆེན་པོ་བྱུང་བ་རེད། མི་རིང་བར་པ་ལགས་ཀྱིས་རང་གི་རྩ་བའི་བླ་མར་མིང་ཞུ་བར་བཅར་བ་
བཞིན། བསྟན་འཛིན་འོད་སྣང་དང་བསྟན་འཛིན་སེམས་དཀར་ཞེས་པའི་མིང་བཏགས་གནང་བ་རེད།
ཁ་སྐད།
༄༅། །སྔོན་མ་བསོད་ནམས་གླིང་ལབ་ཡ་གི་བོད་མི་བསྡད་སའི་ས་ཆ་ཞིག་ལ་ཡ་པ་ལགས་ཀྱི་མིང་བཀྲ་ཤིས་དང་ཨ་མ་ལགས་ཀྱི་མིང་བདེ་སྐྱིད་ལགས་ལབ་ཡ་གི་བཟའ་ཚོ་གཉིས་ཡོད་རེད། ཁོང་གཉིས་ལ་བུ་མོ་མཚེ་མ་ཞིག་སྐྱེས་པ་རེད། དེ་ནི་ཕ་མ་གཉིས་ཀྱི་པུ་གུ་དང་པོ་དེ་ཡིན་ཙང་ཁོང་གཉིས་ཧ་ཅང་དགའ་པོ་ཆེན་པོ་བྱུང་བ་རེད། ཡིན་ན་ཡང་ཕྲུ་པུ་གཉིས་ཀ་ལོག་དང་པོ་སྐྱེས་པའི་སྐབས་ལ་ཧ་ཅང་ཆུང་ཆུང་དང་། གཟུགས་པོ་ཧ་ཅང་སྐྱོ་པོ་ཡོད་ཙང་ཕ་མ་གཉིས་སེམས་ཁྲལ་ཆེན་པོ་བྱུང་བ་རེད། དེ་ནས་པ་ལགས་ཀྱིས་རང་གི་རྩ་བའི་བླ་མར་མིང་ཞུ་ག་ཕྱིན་ནས་ཁོང་གཉིས་ཀྱི་མིང་ལ་བསྟན་འཛིན་འོད་སྣང་དང་བསྟན་འཛིན་སེམས་དཀར་སེ་མིང་བཏགས་བ་རེད།
5 сен 2024
