Lajme Arkiva 2003
Në qytetin e Shkodrës aty ku u kompozua dhe u vu në skenë opera e parë shqiptare “Mrika”, u desh të kalonin më shumë se 30 vjet që shkodranët të dëgjonin edhe njëherë një shfaqe operistike, me orkestër dhe këngëtar. Kështu pas një heshtjeje të gjatë teatri “Migjeni” tërësisht i rikonstruktuar falë një donacioni italian, vënë në jetë nga UNOPS dhe Konsullata Italiane, çeli dyert e tij për të gjithë artdashësit shkodranas.
“Telefoni” i Gian Carlo Menotti dhe “Shkalla e mëndafshit” nga Gioacchino Rossini, kanë qënë dy operetat e vëna në skenë nga artistët italian dhe shqiptarë. Orkestra e re filarmonike është drejtuar nga dirigjentja e re por tepër e talentuar, ndërësa në rolet kryesore kanë interpretuar Artemisa Repa, Filippo Adami, Eriona Gjyzeli, Lindita Kola, Renis Hyka, Ogert Islami e të tjerë.
Shfaqa ka kaluar në një atmosfere të mrekullueshme dhe në fund të saj i gjithë publiku ka duartrokitur ngrohtësisht këngëtarët.
Gazetarja: Si ndjeheni kur shikoni që opera rikthehet në skenën shkodrane mbas dhjetra vitesh?
Artemisa Repa:“Ndjehemi shumë të lumtur, më në fund pas një periudhe shumë të gjatë mundemi të shohim në teatrin “Migjeni” të vënë në skenë një oeper”.
Artemisa Repa: “Unë do të falenderoj të gjithë ato që e organizuan këtë spektakël, me dy opereta, është një gjë që evukon të kaluarën e teatrit tonë dhe po bën përpjekje që shfaqe të tilla ti paraqiten spektatorit, i cili është i predispozuar që ti shijojë këto shfaqe”.
Gazetarja: Një shkodrane që risjellë operan pas shumë vitesh në Shkodër, Artemisa ju si soprano si e përjetuat këtë eveniment të sotëm?
Artemisa Repa: “Është një ëndërr që e kam bërë realitet për të gjithë, domethënë jam rritur në këtë qytet dhe i kam premtuar këtij teatri për herë të parë që kam ardhur në Shkodër dhe kam parë një shfaqe, i kam premtuar këtij teatri që do të vij dhe do të këndoj, por nuk ma ka marrë mendja kurrë që do të vi me dy opera, kështu që jam shumë e lumtur dhe e emocionuar dhe publiku ka qënë shumë i mrekullueshëm. Shpresoj që të gjithë artistët të vijnë këtu dhe të japin koncerte, opera, balete e të tjera, sepse është një publik i mrekullueshëm, jo se është vendi im, por është me të vërtetë i mrekullueshëm”./tvklan.al
SUBSCRIBE to “RTV KLAN” on RU-vid for more videos!
Për më shumë informacione vizitoni faqen tonë web tvklan.al/
Videot e fundit nga Tv Klan i gjeni në faqen tvklan.al/video/
Follow Tvklan on Facebook: / tvklan
Follow Tvklan on Instagram: / rtvklan
Programet e Tv Klan mund t’i ndiqni edhe në faqen tvklan.al/prog...
2 окт 2024
