Pasaltha Zonunsang Tlau @Zoa UPVC Volunteer Vuina | Thlan Tieng |  

Pasaltha Zonunsang Tlau @Zoa UPVC Volunteer Vuina | Thlan Tieng | #manipurcrisis
Pu Zonunsang Tlau @Zoa - 32, s/o Pu Lalsandam @Vala chu hun iemani chen Hospitala enkawl a ni hnungin (04-7-2024) 2:45AM khan a chatuon ram a mi lo inlawisan tah.
Pu Zoa hi Saikot khuo a seilien ni'n, nuhmei a nei hnungah fak le dawn, suongkuo in-enkawlna remchang lem beiseina leiin Khawpuibung khuoa inbengbel a nih. Pu Zoa hin a nuhmei le a nauhai pahni le nu le pa nei ta lo naupang pahni a enkawl hai a maksan.
Manipur buoi tantir a'nthawk khan V&K VolunteertCommander a nih a, ama rawi hin Lailoiphai inkap hmasa tak le Tiger Hill indo huna khan an thaw hlawk hle ni a hriet a nih. Zoa hi Pasaltha indik tak, jiribam pan dinga a'n singsa mek laia insukpal le kar thum vel Hospitala enkawl a nih.
Zoa hi Hnam pasaltha indik tak a ni angin Pasaltha (Martyr) a puong a nih a, vawisun a chengna In Khawpuibunga dar 11:00AM hin Kohran Programme phuisui taka hmang ni'ng a t'a, pasaltha inzana'n zan hunah Nunghak Tlangvalin mengpui an t'a, date 5th July 2024, 10:00AM a Martyr thlanmuol Sehkena inzana famkim leh JPO hmalakna hnuoiah ropui taka vuiliem a nih.

Развлечения