Kinakailangan aniyang imbestigahan ang identidad ni Bamban, Tarlac Mayor Alice Guo na idinadawit sa illegal POGO operation, ayon kay Pres. Bongbong Marcos. Sinabi ito ng Pangulo sa panayam sa media kasunod ng kaniyang pagbisita sa Cagayan de Oro para pangunahan ang pamamahagi ng government assistance sa mga magsasaka, mangingisda at kanilang pamilya na apektado ng El Niño, May 16.
“Paano siya tumakbong Mayor dahil kilala ko lahat ng mga taga-Tarlac na pulitiko, walang may kilala sa kaniya. Kaya nagtataka kami, saan nanggaling ito? Bakit ganito ito? Hindi namin malaman kaya kailangan talagang imbestigahan,” ayon sa Pangulo.
Tinitingnan na ng Kamara ang pagsasagawa ng parallel investigation sa identidad ni Guo. Ang Office of the Solicitor General ay kasalukuyan na ring tinitingnan ang citizenship ng alkalde.
Patuloy naman ang imbestigasyon ng Senado sa ni-raid na POGO hub sa Bamban, Tarlac. #News5
Follow News5 and stay updated with the latest stories!
/ news5everywhere
/ news5ph
/ news5everywhere
/ news5everywhere
🌐 www.news5.com.ph
15 май 2024