Oe-cusse mak Rejiaun Administrativa Espesiál ida-ne’ebé lokaliza ketak iha parte Norte Timor-Osidentál Indonézia nian ne’ebé baliza ho Nusa Tengara Timur hale’u Oe-cusse ezetu iha parte norte baliza ho Tasi Savu nian.
Kapitál Oe-cusse nian maka Pante Macassar, iha ne’ebé tempu antiga Portugés nian hanaran Vila Taveiro no orjinalmente Ambeno mak naran antigu husi Oe-cusse nia kapitál.
Etimolojikamente Oe-cusse mai husi nia orijen iha variante lokál Baikeno husi lian Uab Meto. "Oe" signifika "bee", no "Kussi". Kussen ka fatin tau bee hemu, nune'e "Oe-Kussi" signifika buat ruma hanesan "bikan bee nian hodi hemu ". Iha lejenda ida kona-ba naran ne'e nia proveniénsia, relasiona ho fatuk ida, "Cussi iha suku Banafi, aleinde ne’e iha Fonte seluk hateten katak Kussi maka ukun-na'in nativu Ambeno nian.
Naran "Ambeno" mai husi liafuan rua. "Ama" ka "am" signifika "aman" ka "liurai", no "Benu" maka naran husi ukun-na'in lendáriu rua husi rejiaun ne'e.
4 окт 2024
