بالنسبة للثبات هي اعلى نسبيا من الباسات ولكن الفارق مش كبير الاثنين ثباتهم رائع ، اما الاداء فنسخة gt max لا تقارن الا بالعربيات ال٢٠٠٠ cc ، اما بالنسبة للاعتمادية ده محتاج وقت في السوق عشان يبان النسخة دي من البيجو لسة اول سنة ليها في السوق تحياتي لحضرتك 🌹
الموتور ده مش هو اللي بينقص فيه الزيت، الموتور اللي عنده الموضوع ده هو موتور prince اللي هو 1.6 165 حصان والقصة دي بسبب مواصفة الزيت ومحصلتش غير في عدد عربيات محدود جدا والتوكيل حل مشكلتهم سريعا تحياتي لحضرتك 🌹
@@docautobyahmedmahran4574 بس انا سألت ناس كتير قالولي انه هو هو الماتور ال princes engen اللي بيبخر زيت لاني بقالي فتره كبيرة مهتم بالعربيه دي و عايز اشتريها بس للأسف بدخل علي جروب الملاك و بلاقيهم بيشتكوا من موضوع نقص الزيت و بعديها الماتور بيبوظ خالص و لازم بتعمله عمره
الموتور ده مش القديم ده مطور حديثا بالتعاون مع BMW وبينزل في الفئة الخامسة 520i وده من اول الاعلان عن ٥٠٨ عالميا من حوالي ٣ سنوات وبيجو الشرق الاوسط خافت تجيب الموتور ده عشان البنزين عندنا وقررت تنزل الموتور القديم اللي هو من عيلة برنس وعموما لو حضرتك متخوف يبقى الافضل تشوف بديل اخر لأن الموتور ده الضغط فيه اعلى والقوة بتاعته اعلى وكمان هو جديد على منطقة الشرق الاوسط بالكامل فعشان كدة لسة بدري لما نحكم على اعتماديته وعموما اي موتور تيربو معرض لتأكل الزيت ده شئ طبيعي ولذلك لازم الاهتمام بالصيانة في المواعيد تحياتي لحضرتك 🌹
ربنا يحفظهالك ويديك خيرها ويكفيك شرها، بالنسبة للاستهلاك هيقل مع الوقت والتعود على اداء العربية الطبيعي اول ٣٠٠٠ كيلو الاستهلاك بيكون عالي وبعدين بيبدأ يقل ده غير ان الاستهلاك بيكون حسب طريقة السواقة، تحياتي لحضرتك 🌹
التسارع بيعتمد على حاجات كتير اوي منها الوزن اللي في العربية وتانك البنزين ومقاومة الهواء واستجابة العربية، التسارع الرسمي اللي تعلنه الشركة بيكون في ظروف مثالية وبيكون بسواق سباقات محترف وعلى حلبة سباق مجهزة وعشان كدة بيكون رقم صعب جدا توصلوا في ظروف الطريق العادية ولما يوصل اني اعمل التسارع بفارق نص ثانية بس يبقى كدة مخابش معايا ابدا مع العلم ان تانك البنزين كان النص وبيكون معايا المصور في العربية مش بكون لوحدي يا رب اكون وضحت الظروف تحياتي لحضرتك وشكرا على تعليقك 🌹
انا قايل في العيوب ان السعر مرتفع ولكن للاسف البي ام الفئة الثالثة بقت ب ٩٠٠ الف ولو لقيتها والجوليا كمان ارخص حاجة بقت ب ٧٢٠ الف مبقتش ارخص ولكنها طبعا تقدم فارق اداء ومستوى ولكن للاسف اسم الفا في مصر لا يحظى بثقة الناس من ناحية الاعتمادية وسعر اعادة البيع ودول اللي بتتفوق فيهم بيجو تحياتي لحضرتك 🌹
@@chandelier1174 جي تي ماكس كعزل ومواد داخلية وشكل داخلي وتجهيزات وراحة واسعار قطع غيار وصيانة احسن من f30 لكن كاداء واحساس قيادة عام لسة في فرق كبير لصالح f30 الا لوكانت 318i تحياتي لحضرتك 🌹
@@chandelier1174 لو الاداء هو الاولوية تبقى سكودا في ار اس هتكون الاختيار مع وضع في الاعتبار ان سكودا شخصيتها عنيفة يعني عفشة ناشفة جدا وصعب التعايش معاها بشكل يومي لعائلة لازم تكون محب للاداء بشكل كبير لكن البيجو بتوفر التوازن ده مابين الاداء والعفشة الموزونة اللي ينفع تتعايش معاها كعيلة غير ان البيجو مساحاتها اكبر وصياناتها ارخص بكثير من سكودا ربنا يرزقك القرار السليم مع تحياتي 🌹
السلام عليكم ،، حاولت أتواصل على الإيميل لكن لم يصل،، نحن في "يورفيد للترجمة وإنتاج المحتوى" نجهز حاليا لنشرة بريدية مجانية Newsletter تقدم لك عناوين موضوعات جذابة مترجمة ومحررة بحرفية في مجال السيارات إذا رغبت في الاشتراك المجاني في النشرة الأسبوعية فضلا إرسال رسالة بعنوان "اشتراك في نشرة إفادات" تحياتي
