Art & Culture Department chuan July, 2022 chhung hian kum 14 chin chunglam tan Mizo Pi Pu Zai Intihsiak a buatsaih dawn a. He intihsiaka tel tur hian mi zawng zawngte sawm an ni. Intihsiaka tel turte tana intihsiak dan tur leh hriattur pawimawh te :- 1. Pi pu Zai (Folk Song) Intihsiak-ah hian Kum 14 chunglam a duh apiang tan tel theih a ni. 2. He intihsiak-a tel tur te hian ni 14th July, 2022 aia tlai lovah - hming, veng/khua leh kum zat thehluh tur a ni. 3. Audition hi Video clip (eng hmanrua pawh hmanga lak) thehluh a tel theih a ni ang. Ni. 20th July, 2022 aia tlai lovah Video clip thehluh tur a ni a. Video-ah hian a tirah - Hming, Veng/Khua leh Kum zat an sawi zel tur a ni. Intihsiakna Video Clip hi Mobile No : +91 7005934259 (Telegram App.) -ah thehluh tur a ni. 4. Pi pu Zai (Folk song) Intihsiak Video clip thehluhte atangin Top 10 thlan a ni ang a, result hi ni 23rd July, 2022 Zan dar 8:00 PM -ah “A&C Mizoram” RU-vid channel ah puan a ni ang. 5. Ni 4th August, 2022 hian Vanapa Hall-ah Top 10 thlanchhuah te intihsiak a ni ang. Intihsiak tur te hi TA/DA tum sak an ni lovang. 6. Pi pu Zai Intihsiak-a lawmman tur hetiang hi a ni ang : i) 1st Prize - Rs. 30,000/- + Certificate + Trophy ii) 2nd Prize - Rs. 20,000/- + Certificate + Trophy iii) 3rd Prize - Rs. 10,000/- + Certificate + Trophy iv) Consolation Prizes (Top 10) - Rs. 5,000 + Certificate 7. Heng hla thlan bikte hmang hian intihsiak a ni ang : a. Hla muang i) Darlenglehi Zai ii) Awithangpa Kaihnem iii) Lunglen Zai iv) Chawngchen Zai v) Hmarkhawchhingi Zai b. Hla rang i) Lianrikhumi Zai ii) Darmani Zai iii) Domangi Zai iv) Awithangpa tlawh Zai v) Labour V Force Zai Heng hla thlan chhuah atangte hian Hla muang pakhat leh Hla rang pakhat, contestants ten an duh ber an thlang thei ang. Heng hla kan thlan chhuah te hi A&C Mizoram RU-vid Channel-ah Demo dah chhuah a ni ang. 8. Audition Round : Audition Round ah hian hla muang pakhat leh hla rang pakhat ve ve hla hnih (chang hnih) sa in Mizo Rimawi Hmanrua eng pawh hmanga rem theih a ni ang. Hei hi video a lak a, a chunga kan tarlan ang khian thehluh tur a ni. 9. Final Round (Top 10): a) Top 10 Intihsiak-ah hla muang pakhat leh hla rang pakhat ve ve hla thum (chang thum) sak tur a ni. b) Hla muang ah hian Mizo Rimawi hmanrua eng pawh hman theih a ni. Hmanrua hi mahni in tum tur a ni. Khuang leh Seki hmang duh tan a hmunah a chhawp sak an ni ang. c) Hla rangah hian Music Track hman theih a ni ang.
Khawi ah nge hming thehluhna tur hi ni ang le. Vedio thehluhna tur chu phone number a in ziak a. Tel tur te hming leh veng, khua, kum zat tih hi khawi ah nge thehluh tur nita ang le...
Lianrikhumi zai ah changhnihna ah khan hetiang hi kalo hriat dan ani." Fanhma tuai tirin mi chhawlthuai e,chang lo mahse a chi ah dah ka nuam e,vanneihthil thu ah a tiak mahna". Tih kha ani thin a heihi enge a awmzia le aw?
