Die kunswerk Les Demoiselles d’Avignon (1907) deur Pablo Picasso (1881-1973), vorm deel van die permanente versameling van die Museum of Modern Art in New York. Dit beeld vyf naakte vroulike prostitute uit in ’n bordeel op Carrer d’Avinyó, ’n straat in Barcelona, Spanje. Met hierdie bekende skildery het hy op 'n baanbrekende wyse afgewyk van die opvatting dat skilderwerk 'n letterlike interpretasie van die werklikheid moes wees. Die skildery het die verdraaiing van konvensionele perspektiewe gekombineer met die eenvoudige, beeldende vorms van Afrika-beeldhouwerk. Hierdie proto-kubistiese werk word algemeen beskou as die belangrikste in die vroeë ontwikkeling van kubisme en moderne kuns.
27 мар 2023
