Poème 24
Intitulé : Yaa Nabiyyal-laah
Vers: 31
Date: Mawlid-11-12-2016
Lieu: Yoof
Comopositeur: Le jeune poète
1
Yaa Nabiyyal-laah
Yaa Habiibal-laah
Xayra xalil-laah
Yaa Rasuulal-laah
2
Ay Yonnen bi damaa
Yéene gansi la maa
ngiy dagaan wuyumaa
Yaa Rasuulal-laah
3
Maa ngi nii amumaa
Kenna faalewumaa
Ay Yonnen sowemaa
Yaa Rasuulal-laah
4
Bët yi jooy na ba lóor
Tiis yi far na ma muur
Maa ngi nii di la xaar
Yaa Rasuulal-laah
5
Wopp gee ma sonal
Bañ ni rekk a du dal
Xawma sax lu ma dal
Yaa Rasuulal-laah
6
Bor yi not na ma tay
Maa ngi jéem di ko fay
Diis na boobu ba tay
Yaa Rasuulal-laah
7
Maa ngi wut luma am
Ngir teral ñima am
fëgg naa fuma xam
Yaa Rasuulal-laah
8
Waaye tay dama xëy
ëmbë léppa di wëy
Lii ma yëg da fa rëy
Yaa Rasuulal-laah
9
Am la rek da fa doy
Yaw mi ñeppa di roy
Ñàkk mooy ki la moy
Yaa Rasuulal-laah
10
Yaw la Yàlla gërëm
Yaa di buntu këram
Yaw la jox ndigëlam
Yaa Rasuulal-laah
11
Yaw la Yàlla teral
Wax ni nan la bégal
Ëpp ngaa woyofal
Yaa Rasuulal-laah
12
Yaw la Yàlla xamal
Mbootya yaw la tëbël
Koo mosal du doyal
Yaa Rasuulal-laah
13
Yaw la Yàlla jubool
koo xulool du ko xool
Sut nga ñeppa di Njool
Yaa Rasuulal-laah
14
Yaw la Yàlla faral
Yaw la woolu yabal
Fal la naa la waxal
Yaa Rasuulal-laah
15
Ñëw nga jottalinga
Xeet wi xettalinga
Dem nga dellusi nga
Yaa Rasuulal-laah
16
Lep lu baax nga ni am
Lep lu ñaaw nga ni cam
Kenna dootu la jam
Yaa Rasuulal-laah
17
Sag cofeel a ma yéem
Ling fi xamba du giim
Koo layool mu nërëm
Yaa Rasuulal-laah
18
Ñëw nga woote matal
Wan nu yoonu jubal
Rëy na ling nu defal
Yaa Rasuulal-laah
19
Noo ngi jéem di la roy
Ndax gërëm la du doy
Noo ngi sax di la way
Yaa Rasuulal-laah
20
Bëgg nan la bu wér
Def la ngay sunu mbër
Weg la Yaay ki ko jar
Yaa Rasuulal-laah
21
Noo la jox sunu xol
Yaw mi fees sunu xel
Yaw mi jar di dawal
Yaa Rasuulal-laah
22
Noo ngi ñaan sa ngërëm
Am la fép funu jëm
Gis la Bés banu jëm
Yaa Rasuulal-laah
23
Yiir nu may nu nu am
Njub ba ken du nu jam
Xool nu bët bu yërëm
Yaa Rasuulal-laah
24
Jox nu jàppale nu
Feg nu xettali nu
May nu leer gunge nu
Yaa Rasuulal-laah
25
Bul nu bàyyi Yonnen
Bul nu jeppi Yonnen
Bul merook nun Yonnen
Yaa Rasuulal-laah
26
Léppa lun man a def
Bon taxul nu tërëf
Sagganay li nu këf
Yaa Rasuulal-laah
27
Man nga jël nu tinul
Man nga jël nu jubal
Man nga tax nu kamaal
Yaa Rasuulal-laah
28
Ay sagal nu Yonnen
Ay sagoo nu Yonnen
Ay faroo nu Yonnen
Yaa Rasuulal-laah
29
Yàlla julli ci Yaw
Miy sangub ku fi yiw
Yaay yonnen bi fi raw
Yaa Rasuulal-laah
30
Yàlla yokk sa leer
Fay la ling fi defar
Yaa di janta bu leer
Yaa Rasuulal-laah
31
Yalla fay sa njaboot
Yokk kep ku ñu boot
ñeppa xëysi di root
Yaa Rasuulal-laah
17 сен 2024
