“Po ky me orën në dorë do futet në fushë?”
Kur u prezantua te Partizani, a me zgjedhje a pakujdesi, Xhuliano Skuka në fotografinë e njoftimit mbante veshur fanellën e kuqe dhe një orë dore. Nga mungesa e rezultateve të ekipit dhe problemet e vazhdueshme në sulm, skepticizmi ishte “bujar”.
Skuka i kishte shënuar Partizanit nëpër miqësore vere më herët dhe Goni, tifoz kritik, i sugjeronte klubit me komente ta merrnin sulmuesin. Kurse kur u zyrtarizua në mesin e sezonit 2021-22, Krisino, një tjetër tifoz “vuloste”: “Ky po që duhej…” Mbase përdorte dhe fjalën “qamet” por nuk më kujtohet mirë.
Xhuliano Skuka, me numrin nëntë, i rreshtoi ca gola të lezetshëm. Pasoi edhe për shokët dhe e “quku” disa herë në derbi: duke përgënjeshtruar ata që e cilësonin egoist dhe ata të tjerët që e mendonin si lojtar që trembej në ndeshje të mëdha. Emoji me buzëqeshje këtu.
Mos ta përmendim shpesh Bielsën se e zë lemza, argjentinasi thotë se fitorja ose humbja lënë te tifozi gjurmë emotive. Të hënën ai/ajo ka shenjat e asaj që ka ndodhur të dielën. Të dielave, Skuka shënon shpesh dhe për të na treguar historinë e tij në topkëmbë na nderoi me pjesëmarrjen në këtë bisedë...
#XhulianoSkuka
#podcast
30 сен 2024