PODCAST4 I نستافدو نتعلمو من بعضياتنا، التوحد ، الاكتئاب و الوحدة في زواج من هاد النوع 

دابا هذا هو المحتوى الي كانقلبو عليه ، جوج ناس كبار واعيين كايشاركو التجارب ديالهم ، نصائح..... تبارك الله عليكم و الله يحفظكم لبعضياتكم ولوليداتكم و يحفظهم ليكم ❤❤

وسط الكلمات والضحك كين بزاااااااف المسجات قليل لي غدي يفهم زواج ماشي حبيبة وكبيدة كين واحد الحاجة سميتها المودة ورحمة فخووور بيكم ❤️❤️ناس لي كيعرفو ينقيو #المحتوا 👏🏻👏🏻

حنا ايضا عشنا حياة مختلفة مع ولدي عنذو التوحد و خصوصا السنين الاولى ديالو دابة الحمد لله ولى بخير غادي يكمل عشرين سنة نعم الشاب جمال و اخلاق و دين محب للصلاة و الدين ديالنا الحنيف كل ما علمته له فالصغر استفدت منه فالكبر بغيت غير نقول ليك بان هاذ الوليدات كيكونو بحال شي كمبيوتر خاوي اللي دخلتها كتسجل الى كانت زوينة كتسجل خايبة كتسجل و نفكرو مية مرة قبل منهضرو و نديرو الاحتياط ديالنا فالتعامل يعني عالم مختلف تربية مختلفة الحمد لله هاذ الوليدات نعمة فالبيت و هم ناس نظيفين و القلب ديالهم طاهر و يحبون تلاحم العاءلة الله يشافي وليدكم

عافاكم دعيو معا بنتي عندها تأخر عقلي عمرها 5 سنوات المشكل أنني طلقت أو عمرها تلات سنوات أو خوها عندو 6 سنوات لقيت راسي لوحدي مع جرا معاها عافاكم دعيو معانا فهاد رمضان

أنا كيبان ليا أن من بين الأسباب على نجاح علاقتكم أن شكيب متحمل للمسؤولية و راجل يعول عليه أما سارة الغزالة مولات العقل و خفيفة على القلب. الله يشافي نائل و تشوفوه كيف تتمناو

دخلت نشوف علامن كتهضروا كتشفت انكم كديروا واحد خير كبير مع الناس لي عندهم مشكيل بحالكم الله يكون فعون اي واحد عندوا ولاد فحاله خاصه الله يقاويكم

الصراحة شكرا بزاف الي كتهدرو فهاد المرضوع ، حيت لازم حاربو الحشومة والإحساس بالعار. التوحد ليس اعاقة بل هو حالة تطور الطفل مختلفة عن المتعارف. ا

الدنيا دار شقاء ضروري من الابتلاءات كنتصدمو و لكن خسنا نوقفو على رجلينا و نرضاو بقضاء الله الله يشافي نائل و الله يقويكم باش تكونو معاه في الرحلة ديال العلاج ديالو يارب

فعلا الابتلاء صعيب أنا بنتي جاها سرطان الدم عندها 5 سنوات دابا عندها 7 باقيين ف chimiothérapie الحمد لله حنا صابرين نسألكم الدعاء مني قلتي اي واحد ميقول ليا ولدي فيه سخانة منجيني عادي فعلا نضرة الحيات متغير .المهم الله معاكم .

عليكم بالدعاء مع اليقين عن تجربة ولدي تغير 180 درجة من طفل لا يتجاوب و ولا يتكلم إلى شخص شبه مستقل اليوم عندو 12 سنة ويدرس في اعدادية مع أطفال عاديين و مستوى جيد في الدراس اللهم لك الحمد الإشكال الوحيد الي كيكون بعض الرات هو في علاقتو مع الأخرين لأنه كيشفوه شوية مختالف

قال شكيب في الدقيقة 33:38 : "الله لي خالقو، و هو قاد بيه". جزاك الله خيرا على هاد التذكير .

كون كانو أغلبية الازواج هاكة ، التفاهم او مواجهة الأقدار والصبر من الطرفين ، لكانت نسبة الطلاق ضعيفة جدا....سيرو الله يعطيكم الصحة او السلامة ، او يشافي ليكم ناءيل ، او ان شاء الله كاين غي الخير ، تحياتي ليكم من القنيطرة الغالية ، رمضان كريم

ادعوا يا اخواني المسلمين مع ولد بنتي لينطق لانه لايتكلم وفيه التوحد وجزاكم الله خيرا وبارك الله فيكم ولكم الاجر عند الله ❤

هاد الجلسة حسن خير ملي كنتو جالسين متكيين بعادين على بعضياتكم 💙💙

تبارك الله عليكم احلى كوبل،ماما و الوالد رباونا 5 بنا،3 معاقين او ذوي احتياجات خاصة اللهم لك الحمد، الكلام بوحدو لايعبر ابدا على لي تيعيشوه الوالدين لعندهم اولادهم مختلفين،بزاااااااف بزاااااااف بزااااااااااااف.......اللهم لك الحمد والشكر

السلام عليكم علاش متديوش نائل اتمشيو ديرو عمرة و بقاو دعيو بزاف فهاد الايام المباركة ربي راه مصعيبة عليه حتى حاجة

ماخرا كتاشفت القناة ديالكم و من اول فيديو شفتو شفت واحد الوعي كبير عندك انت و الزوج ديالك ، كنحييكم على مستوى الوعي لي وصلتو ليه و المستوى الراقي في الحوار بيناتكم ،كنبغي نقوليك الله اشافي الابن ديالك و الله اصبركم و يقويكم أكثر و أكثر، نسلحو بالصبر و الدعاء و التقرب من الله هو ابتلاكم و الله إذا احب عبدا ابتلاه

كنهنيكم على مرحلة الوعي والتقبل لي وصلتو ليها...حين خذيتو هد الابتلاء واعتبرتوه موضوع كتناقشوه راه الحمد لله تقبلتوه وتجاوزتو الصدمة الأولى.....الله يعاونكم ويعينكم راه ماشي ساهل....لكن خصكم تعرفو أن كل واحد منا فهد الحياة وجبال الهمالايا ديالو....تسلحو بالصبر وبالإيمان لأن ربي سبحانه وتعالى بغاكم وامتحنكم باش تعطيو أحسن ما عندكم....

شكيب وسارة واخا ضاحكين راه هازين حمل ثقيل الله اشافي ولدهم ناءل

شكرا بزاااااااف إنكم خليتونا نحمدو الله على النعم ونتقبلو اولادنا ونلقاو حلول

سلام ختي صارة بغيتك تهدر لينا على الاعراض الاولى اللي خلاتك تقول (خصني نشوف طبيب ) والله الموفق ❤

نفس الاحساس والمعاناة حسيت بيهم ومازلت دازت سنين وانا باقة كنبكي كل نهار واخا كنخدم مع ولدي ولكن ماقادراش نتقبل الله يعينا ويشافي وليداتنا

مرحلة صعيبة دازت انشاءالله تجي مرحلة لتجاوزو فيها هادشي كااامل بمعنى ابقى غير تعاويد بحال دابا يااااارب تشافيه و تشافي جميع لوليدات احسن كلمة قالها خويا شكيب الله خالقو قاد بيه و نتوما الوالدين لكم الاجر

نعاود.نقول ليكم بان الدعاء و الصلاة و الذهاب للمسجد لعب دور كبير لولدي و الصدقات بنية الشفاء المهم هذي عن تجربة الى خدمتو و كرستو حياتكم من بعد 6 سنوات كيبدى يبان التغيير بالطبع بالمساعدة الخارجية ديال المدرسة و الاخصاءيين و تعولي اكثر عاى راسك

سارة الحبيبة وشكيب حتا نتوما أقوياء بزاف غير مكتشوفوش راسكم. عرفتي شفت واحد الفيديو كيهضر على علاج التوحد بالقرآن وكيتعالج. نقلب عليه ونبارتاجيه معاك ف الإنسطا

عشتو نفس الأحاسيس للي عشتهم انا وراجلي دابا ولدي عندو 16 عام و مات لي ولد في 2018،الحمد لله ربي كبير و هذه غير دنيا دايزة

نهار اللي كاليا الطبيب بنتك معمرها غتكون بحال الدراري معمرها تمشا ولا تهدر ولا تجلس صراحة من هداك النهار تزاد فعمري سنين كانت عندي 21 سنة منبعد 3سنين ديال الانتظار والعمليات الحمد لله ياربي داز عمر بنتي دابا عندها 20 سنة دازت مراحل كتيييرة فيها صعوبات ولكن فيها حتى الفرحة الحمد لله ربي حنن قلوبنا عليها ولات هي الفرحة ديال الدار كنحس براسي كون مكانتش عندنا واش كانت زعما حياتنا غتكون ستابل وزوينة كنا غنكونو انا وباباها مفاهمين زعما كنا غادين نصبرو على بعضياتنا صراحة كنحس بيها هي اللي خلات لحياتنا معنى كنتمنى من الله يشافيها ليا ويحفضها ويطول ليها فعمرها بنتي سميتها ريحانة كنتمنى تكون سبب لينا فدخول الجنة ياربي ❤

حتى انا ولدي عنده توحد و كنسكن في الغربة للاسف طلقت من الاب ديالو لانه ماكانش قادر ،الحمد لله وقفت مع والدي و خا كيف قلت الحياة مختلفة على الناس مي و الله كيتزاد الايمان بالله و التقرب ليه

انا مامزوجاش و ماعنديش وليدات ولكن سمعت لبودكاست كامل، حسيت بكلشي لي قلتوه و بكيت معاكم. االله ايسر ليكم و يقويكم ياربي

فعلا نهار عرفت ولدي فيه التوحد بحال الا العالم تحول كامل الدنيا كلها تبدلات و حسيت انني لا تتمشي على نفس الارض لي كنت عليها من قبل التوحد .....غريب جدا لكن مع الايام نسيطر على الامور اكثر و اكثر لكن نظرتنا الاشياء تتغير و لا تعود السابق كما كانت....الله يشفي الجميع و يعين الاباء و الأمهات .....

آلله يعونكم نفس شيء دوزنا بيه وباقي في المعانات والحمد الله تبقاي ديري ليفات باش ناقشو ونستفدو منك ومن امهات أطفال توحد ❤❤❤❤

برافو برافو برافو برافو 👏👏👏👏هاد الفيديو اكثر من رائع رائع رائع. الله يجازيكم كل خير

هاد لفيديو واااعر تبارك للله عليكم فكرتوني فاش مرض ليا ولدي صغير عندو عام ونصف بالسكر وجاتني صدمة ولكن دبا الحمد لله ولفنا

أنا فقدت 12 كيلو في أشهر مني قالوا لي ولدك فيه التوحد.حبست الخدمة ديالي 6 سنين.و الله العظيم ربي عاوني حتى قالوا لي الأطباء هنا في فرنسا هذه معجزة مني ولدك رجع عادي. الحمد لله أقسم بالله ربي كبير و رحيم. خمسين أورو الساعة الطبيبة و ما كنتش نشوف تحسن كبير لأنه ما كانش يتكلم. التوحد نقولها من بعد رب العالمين الاباء هم أول الأطباء و أفضل من الأطباء. جبت ماء زمزم و قريت عليها الفاتحة و شربها 40 يوم و قريت عليه الأدعية الموجودة في القران و بديت الخدمة مع ولدي يوميا يوميا و ننصح الاباء أجمعين إبعاد الهواتف و التلفزة على الاطفال لأنها كتلعب على الخلايا الدماغية للأطفال ربي يقويكم و يقوي كل الاباء و آخر شيء العين حق و الرسول الكريم قال: أكثر من يموت من أمتي بعد قضاء الله وقدره بالعين نحفضوا أطفالنا من السوشيال ميديا و تفرقة صورهم في كل مكانو نحافظوا على الأذكار و ربي يوفق الجميع

فعلا شحال من شخص كنت كنجمع معاه ونعيط ليه نهار كتاشفت الحالة دولدي وتأزمت نفسيا مبقيتش كنهضر مع حتى واحد مدة عاد بديت كنهضر مع خواتاتي أحيانا تغيرت بزاااااااف

اول مرة نكتب ليكم تعليق اختي سارة بغيت غير نگول ليكم ربي عوينكم ومعاكم، و عرفت باش حسيتو فاش قلتو بلي حسيتو بالوحدة كأنكم فجزيرة فاش نائل تشخص بالتوحد لانو نفس الاحساس عشتو فاش تشخصت بالتصلب اللويحي وتانا متغربة مع راجلي و بنياتي باقين صغار، و الاطباء كيقولو ليا معندوش علاج .... دوزت يومين فسبيطار كأني عايشة فبير غارق ولا من منقذ، ولكن لحد الان كلما كنتفكرها كنحمد سيدي وبي ونشكرو انو تبتني وتغلبت على داك الشعور بزربة، حياتي من بعد المرض احسن من قبل ولله الحمد و أنا متعايشة معاه و متبعة مع الاطباء و دواء. لكل من قرأ تعليقي لا تنسوني من دعواتكم بالشفاء😊

أنا اختي مريضة بالسكيزوفرينيا، و مرضت على 24 عام الله يشافيها، و يشافي جميع المسلمين يارب.

انا عندي ولدي بحال نائيل عندو ست سنوات عاد بدا كيهضر شوية وفيه فرط الحركة مكيبركش وراسو قاصح محيلتي ليه او لظغوطات الحياة او لظغوطات المجتمع كندير كتر من جهدي.اللله يعاونا عليهم ،اناتصدمت بزاف ومرضت واكتائبت ولات حياتي معذبة مكنقدرش نخرج من الدار أنا براسي جاني التوحد.الحمد لله على كل حال

الامهات من الافضل تعملوا دورات فالتوحد و تشوفو مشرف bcba و انتم لي تخدمو معاهم على الاقل عشرين ساعة فالاسبوع تانيا ضروري من تحليل المعادن التقيلة و ريجيم و مكملات غذائية اما الجلسات فاغلبيتهم استغفال للاباء و ضياع المال و الجهد..

مشاءالله شحال كتعجبوني وشحال زوين طريقة لكتحاورو بيها مريحة وكتخليك متسخاش ب الفيديو❤

والله ا صارة كتهدري و كنبكي تفكرت اول مرة غتگوليا طبيبة دولدي من بعد 3 دليكريز لي دار ولدي بلي عندو الضيقة و فعمرو عاماين شحال بكيت و حسيت براسي بوحدي و وليت كنكره البرد من بعد ما كنت كنتسنى غير امتى يوصل البرد حيت فصل الشتاء كامل كنبقى مخلوعة ليتخنق ولدي و مكنعس كل ساعة خصني نمشي نطل عليه واش راسو معلي باش ميتخنقش الحمدلله الحمدلله و لكن فاش سمعت مشكلكم والله تا هانت عليا گلت انا راه معندي والو الحمدلله على كل حال و الله يقوينا يارب و الله يشافي لك ولدك و يحفظه يارب

حلقة رائعة جدا و رسائل جد مقصودة تبارك الله عليكم و ربي عنده من الخير و الفرج مايكفي اهل الأرض و السماء فقط ادعوه يستجب😘🤲

برافو عليكم و بزااااف 🙏 خليكم اقوياء حيت بزاف د ناس كيستمدو القوة ، كتعطيو صورة زوينة على الصبر فالزواج ، مزيان هاد النشر ديال الوعي باش الناس و ليكوبل عامة يفهمو بلي زواج ماشي غير الحياة الوردية ❤ الله يشافي ليكم نائل و يخليكم لبعضياتكم

السلام عليكم حتى أنا نفس المشكل مع ولدي كنتمنا منكم تشاركو معانا واش كين شي تغير،أنا ولدي دابا أربع سنوات و نصف لاقية معاه مشكل انه مكخافش مكهضرش كفهم غير لبغة،ابغيت نسولكم شحال التمن ديال الجلسات الخاصة،كنسائلكم الدعاء كل من قرأ ميساج ديالي اصلح لي ولدي سامي 🤲🏻

أحبائي كنبغيكم بزاف و حديثكم مؤثر جدا...تاكدوا ان حتى حاجة ما كيقدرها الله كتكون بدون سبب...و هذه الحياة ما هي إلا سلسلة من الامتحانات اللي حاطهم لينا البارئ سبحانه...فيها اللي صعيب و فيها اللي ساهل ...و كله بثوابه ❤❤❤

شكيب قال احسن كلمة وبدا بها هي للي جات من عند الله مزيانة الله يعاونكم ويقركم على نائل ويحفظهم ليكم اما الدورة هي 180*حيث 360* غا دوري وترجع لبلاصتك

الوالدة ديالي عندها 3 دخوتي متيشوفوش تزادو هكاك ماخلاو والديا شي باب مدقوه فاش كانو صغار والحمد لله تقبلو الامر رغم ان امي ماقارياش سيدة بسيطة وصبرات لهضرة الناس الجهلة اللي كانو كل مرة كيطرحو عليها اسئلة غبية بحال زاش كنتي كتوحمي على المونيكات والنظرات فاي بلاصة مشات ليها وهي كانت متقبلة الامر وديما عندها يقين بالله و قراتهم وتوظفو وحملة كتاب الله وديما كتقولينا هدو اللي غليبسوني تاج يوم القيامة .. قصة كفاح كبيرة وصبر الله يجازيهم جنة الفردوس ويسمح لينا منهم

المشكل ديال التوحد راه السبب ديالو في الأمعاء وااااااااااا عباد الله نتمنى يوصلك هاد الكومنت حيت هو اللي غادي يكون سباب الشفاء

السلام ختي صارة أنا عاد شفت هاد الفيديو ديالك حتى أنا ولدي بحال الحالة ديال ولدك غير حنا هنا في ألمانيا كيتكلفو بكولشي يعني لا من الناحية المادية أو الناحية المعنوية كولشي كيديروه هوما أنا كنت غير كنديه لعناوين لي كيعطيوني دبا راه فعمرو 12 سنة أو مزال متبعين معاه الحمد لله على كل حال ❤

الله اشفيه ياربى وكون معكم كون غى جتو الى فرنسا حتى المصرف دولة كتكلف ب المصرف جو دورو شى دورية تشوف كى جتكم❤❤❤❤

احسن ام واب تبارك الله عليكم

تحية عالية لكما الان عرفت ان الحب بين الازواج هو الصبر واتقبل الازمات ومحاولة نخطي ا لعراقيل وفقكما الله اعانكما على تربية ابنائكما احسن تربية وشافى الله ناىل وعافااه وهذا ابتلاء سيأتى بعده خير كبير بإذن الله

الحمد لله انكم كوبل كيتفاهم او واعي ، الله يعاون كل واحد على وليداتو ياربي

ربي يرفع علبكم البلاء و يحفظ وليداتكم و وليداتنا و ولاد الناس اجمعين

فيديو عامر بالصبر و الوعي و التفاهم و التقة بالله و التفهم الله يعاونكم و ينصركم

والله انتم تهدروا على ذاك الشي عشتوه وانا كنبكي لانه بنتي مسكينة عندها ولد فيه التوحد والحمد لله على كل حال ونعمة بالله

صارة وشكيب ربي يصبركم أحبيبة .....عندي فكرة أش رايكم تولو تلبسو بحال بحال فاللون اللباس 😘😘

ياختي فاش فكرتيني حتى انا في الحالة ديال بنتي طرالي نفس الشيء قالولي شاكين انها من متلازمة دون دورن أصعب مرحلة الحمدلله في الأخير طلعت النتيجة سليمة ، الله يشافيك نايل و الله يعطيكم القوة و الصبر باش تقدرو تكملو

Très bon concept, continuez comme ça, toutes mes félicitations à vous deux et bcp de patience avec votre fils.

يمكن تكون ديك السخانة اللي جات نائل وهو رضيع هي السبب فهاد المرض ، لأنه من خلال الهدرة ديالك نفس الحالة اللي عند اختي ولدها جاتو السخانة خايبة وهو رضيع وفينما كايكبر كيبان شي حاجة ماهياش ودارو بيه تاعياو قالولهم تاهما توحد ، الله يحفظهم ايكم يااا رب وتحسن حالتهم أحسن وأحسن يا رب

سلام عليكم انا نسكن في بلجيكا وايضا عندي ولد عنده طيف التوحد نطيحوا ونوضوا الله يقوينا،انتم كوبل ما شاء الله ربي يسرلكم اختكم جزايرية

وليتو عندي ادمان الله لا يحرمنا من هد الادمان

نتوما اقوى آباء وربي غيوقف معاكم اكيد ونتوما هنا سبب لبزاف تالناس راكم غزالين تحية ليكم ولمياو❤

بزااف ديال الحب ❤ الله يدوم المودة و الرحمة بيناتكم ويفرحكم بوليداتكم ❤❤❤

ختي أولا أنتم كوبل واعر ثاني حاجة بنسبة الولد غادي يتحسن إنشاء الله واحد تجريبة دازت حدا عينية ولد لوسي كان ولدو نفس الحالة ديال ولدكوم تعطل فالمشي فهضرا تقاد على 9 سنين ودابا عندو 14 عام ولا كيهدر ميسكتش عادي وكيتمشا سبحانة الله حتىوهو كان ميهضر مياكول مقاد ودابا والله العظيم إلا تشوفو تقول مفيه والو ختي هادي غير فترا وغادوز كوني أكيدا ولدك غيرجع الحالة الطبيعية كانو تيديروليه الترويض الله يشافي وتفاؤل أحسن حاجة .. خلاصة القول كتعجبوني مكرهتش نويلي كنتحاور مع راجلي بحال هاكا

محتوى مفيد و ممتع ...الله يعاونكم و يحفظكم و ان شاء الله يكون غير الخير❤🎉❤🎉

حتى انا قالو ليا عندي معدل داون طالع بزاف فالحمالة فاسبانيا ودرت تيست ليكيدو والحمد لله كانت البنية عاااادية

حبايبي الزوينين تبارك الله عليكم والله يجعلها مغفرة للذنوب

فراسك والله اختي الا عجبني محتوى ديالك هكا انا بغيت كاتفيدونا بزاف وكاتعجبني علاقتكم كانتعلم منكم. شوفي اختي سارة كوني أكيدة ولدك والله حتى يتشفى ان شاء الله. الله يشافيه ويعافيه يارب❤❤

أول مرة في حياتي كندير تعليق لشي فيديو ولكن صراحة نقاش مفيد ومحفز براڤو مزيدا من التألق ،

مغادي احس بهادشي غير لي داز من هاد المرحلة وباقي كنتقاتلو مع وليداتنا ،تبارك الله عليكم وخلاص

هاد الميساج لاخي شكيب والحبيبة صارة ربي كيحبكم بجوج لان عندكم طفل متميز اطفال التوحد ادكياء جدا ماشاء الله كيكونو في مناصب كبيرة لانهم قادرين على التركيز في الحاجة المطلوبة منهم الله احفضهم ليكم بجوج حتى تشوفوهم كما تمنيتو هاد الحلقة 4 كانت متميزة ❤❤❤❤❤❤❤

بودكاست زوين ..الله يعينكم على ولادكم والحياة ابتلاء وكل واحد وجبالوا.

نفس المشكل عندي مع بنتي عندها إعاقة حركية فقط و دكية احسن من تلاميد لي يقراو معاها . و حبو يحطوها قسم خاص زعما قالك تما يتهلاو فيها خير . و هي تقرا في قسم عادي من الروضة . الاستاد ديالها قالنا مانقدرش نعاونها عندي بزاف التلاميذ . ماقبلتش و ضك مدولي ورقة باش نطلبلها مرافق . انا في إسبانيا تاني . عييت منهم

الحمد لله على كل حال، الله يشافي نائل و يشافي بنتي و يشافي جميع أمراض المسلمين المشكل اصارة هو انو فهاد الظروف خاص المرا تكون فعلا جوليو والراجل يكون رومييت ،😂😂😂باش يقدرو يكونو قد التحديات، الله يوفق الجميع يارب العالمين ❤✌️✌️💪💪

اهم رسالة هيا الصبر و المودة و الرحمة بين الزوجين و واحد يعاون التاني

الصعب هو لما الطبيب يقول لك أن هذا الداء ليس له دواء ولا علاج يعني ستتعايش مع هذا الداء على الدوام، الاغلبية الساحقة ان الآباء يصابون بمرض عصبي والكآبة وتعيش في هذه الدوامة، كلما كبروا زاد ثقلهم وهمهم وهذه هي الحقيقة المرة، الله يقويكم والسلام

بكتيني حرام عليك ربي يقويكم و عجز لساني على الكلام ❤❤❤

كأننا عند طبيب نفساني شكراً ليكم من القلب ميحس بيك غير لمجرب طاقة الإيجابية هيا كلشي لله يشافيهم ونشوفوهم كيف متمنينا يارب

تناقشون مواضيع حياتية مهمة وفقكم الله. كما قلت في تعليق سابق الام تتحمل الضغط الأكبر في مثل هاته الحالات لكن الرجل يجب أن يمتص الصدمة سريعا و يبحت سريعا عن طرق علمية للتعامل مع الحالة. ابني كان يعاني من الديسليكسيا تخطيناها و الحمدلله زوجتي و انا و لازلنا نتابع علاجه من الاكتئاب. و الحمدلله نحن في مراحل جد جد متقدمة من العلاج. انصح بعدم إعطاء الاهتمام لناءل اكثر من أخته يجب خلق توازن إيجابي. الرياضة و الترويض الدهني ضروري لناءل. وفقكم الله.

كأخصائية نفسية كنقولك بأن التوحد العلامات تاعو كتكون بينا كينين مختصين فالمغرب تخصص تاعهم توحد يمكن ليكم تمشيو لعندهم كاستشارة زائد كنشوف مشاء الله نمودج رائع وعمل رائع لأسرة طفل حامل ل tsa

خاي شكيب ختي سارة الله اسعدكم

هاد الكلمة ديال التشنتيفة ولي سيرن جابت لي البكية. أنا ساكنة في كندا وشحال هادي مشفت عائلتي وفي الواتساب كيدويو عليا أنني رمز للأناقة والشياكة كنقول في خاطري لهلا يوريكم. دابا وليت مشعكة إوا الحمد لله.

ولكن صارة نتي فين وصلتي مع قلبك؟ لان ولدك حاجة ولكن متهمليش صحتك. مكلتيش خاصكي تفتحي فشهر خمسة؟ معمركي هدرتي على حالتك. كنتمنى تكوني بخير وبصحة جيدة.

سبحان الله و كانك تحكين قصتي مع بنتي الله يشافيهم يا رب 😢

سلام عليكم. نائل رزق الله يحفظ ليكم هو و الاخت ديالو. والله يقويكم و يشافيه من عند الله.

أنا دزت من هادشي جوج مرات .الجميل فيكم لقيتو راسكم أنا مكنش كيفهمني راجلي. معانات صراحة. الحمدلله.

ختي أنا ابني مريض فيه توحد كيشرب الماء بزاف و الأطباء النفسانيين كيجرحوك بزاف داب مسكين بارك غير فدار

حتى انا بنتي فيها توحد عمرها اربع سنين الله يعطينا الصبر و القوة باش نكونو معاهم حيث صعيب بزافكيما قلتو ديما كنقول معا نفسي ياريت لو بنتي مريضة بمرض السكري او اي مرض ديال الدوا و ما يكونش التوحد حيت الامراض النفسية صعيبة

الله يشافيك اختي وشافيلك ولدك الحمدلله على كل حال اختي انا واختاي مرضننا بفشكل ملوي وانا درتىصمامة قلب و٨ويا فيه مرض الصرع ولاكن كنقولو ديما الحمد لله وماما وبابا صبارين نقوليكم الله يعطيكم الصبر وتكونو ديما أقوياء

Waw 😢 émue du début jusqu’à la fin ❤❤❤ courage Juliette et Romiette ❤❤ Lah ihfadkom courage ❤❤ Sanae

شكرا بزاف حيت شاركتو معانا هادشي كامل، انا عندي 28 سنة و عندي اضطراب طيف التوحد و ما تكلمت حتال 5 سنوات و عشت طفولة صعيبة و واليديا تكرفصوا معايا بزاف ، داكشي لاش كانقدر هادشي اللي كاديروا

وعي وأخلاقه ونضج ومحتوى راقي ماشاءالله ❤❤❤❤❤❤❤❤❤❤❤❤❤❤❤

قلبي معاكم و الله يعطيكم بزاف الجهد و القوة و الصبر و الحياة غادية ♥️❤️👍🏻👍🏻👍🏻👍🏻👍🏻

سارة حبيبة مكرهتش نشدك نعنقك نتي قوية تبارك الله عليك الله يخليلكم وليداتكم بجوج و يخليلك ولدك الكبير شكيب و شكيب و الله تا ولد الناس و درويش و رجولة قاد بدارو ما شاء الله الله يخليكم ديما مجموعين و قويين و كنبغييييوكم بزاف❤️

الحمد الله والشكر لله ..لامجال من مقارنة ولكن ذكرت من تكون مريضة وخصني نمشي مستشفى وتسناي نتيجة تحاليل وبوحدك ..شكرا على مشاركتكم

الله يجعل ايامكم كلها يسر انتم وجميع متتبعيكم❤

الحمد لله على الكل الحال نسأل من الله رب العرش عظيم احفظ كل لوليدات و شافهم الله ❤❤

الله يشافي نائيل ويعجل ليه بالشفاء ويرزقكم الصبر والقوه ماشاء الله عليكم ربي يوفقكم ويسعدكم مهما الظروف ومهما الألم الحياة تستمر ❤

السلام عليكم، كنحييكم على هاد الواضيع المهمة فحياة كاع العائلات أو كيفما كتعاودو من القلب كيوصلنا للقلب❤ بغيت نقول ان الحياة مدرسة كبيرة أو كتعلمنا الصبر والكفاح في كل الحوال. أو هاد وسائل التواصل الاجتماعي كيعلمونا حوايج كتيرة أو منها نفهمو المشاكل د الأطفال ديالنا كتر من شي pediares، حيت الناس كتشارك التجارب والحالات. أنا كنقول للأمهات ديما تيقو بداك الشي اللي كتحسو فولادكم، أو بحتو ما تعولوش غير على الأطباء، كاينين صفحات اللي يقدو يفيدكم باش تفهمو المشكل. كنصح الواليدن اللي عندهم حالات خاصة يطلبو المساعدة ديال les psicologues باش يعلموهم يواجهو المشكل. راه ديك الخلعة كتر من المشكل. نصيحة مهمة التمدرس المبكر للطفل أحسن بلاصة باش الطفل يتطور، أنا بنتي بنتي هدرات على تلتسنين أو نص غير بدات المدرسة ولات وحدة أخرى. الله يقوي الجميع❤