എല്ലാം അങ്ങേ മഹത്വത്തിനായ് എല്ലാം അങ്ങേ പുകഴ്ചക്കുമായ് തീർന്നീടേണമേ പ്രിയനെ തിരുനാമമുയർന്നീടട്ടെ എല്ലാം അങ്ങേ മഹത്വത്തിനായ് 1 സ്നേഹത്തിലൂടെയെല്ലാം കാണുവാൻ - ദൈവ സ്നേഹത്തിൽ തന്നെയെല്ലാം ചെയ്യുവാൻ എന്നിൽ നിൻ സ്വഭാവം പകരണമേ - ദിവ്യ തേജസ്സാലെന്നെ നിറയ്ക്കെണമേ - എല്ലാം.. 2 ആത്മാവിൻ ശക്തിയോടെ ജീവിപ്പാൻ - ആത്മ നൽവരങ്ങൾ നിത്യവും പ്രകാശിപ്പാൻ ആത്മദായകാ നിരന്തരമായെന്നി- ലാത്മദാനങ്ങൾ പകരണമേ - എല്ലാം.. 3 നിന്റെ പേരിൽ ഞങ്ങൾ ചെയ്യും വേലകൾ - തിരു നാമവും ധരിച്ചുചെയ്യും ക്രിയകൾ ഭൂവിൽ ഞങ്ങൾക്കല്ല വാനവനേ അങ്ങേ വാഴ്വിനായ് മാത്രം തീരണമേ - എല്ലാം.. 4 വക്രത നിറഞ്ഞ പാപലോകത്തിൽ നീ വിളിച്ചു വേർ തിരിച്ച നിൻജനം നിന്റെ പൊന്നുനാമ മഹത്വത്തിനായ് ദിനം ശോഭിപ്പാൻ കൃപനൽകണമേ - എല്ലാം..