Pu C.Sawiluaia hi 3 Feb 1958 khan Pu Lalhmangaiha leh Pi Sawikhumi te inkar ah Bawngchawm khuaah alo pianga,Pianpui Unua 8 neiin ,a naupang lam atang a chhiar a 3 a ni.
Pi F.Nuhliri nen kum 22 June 1980 ah Pastor Lalrinawma Kutah an innnei a, a nupui nen hian 1958 Feb Ni 3 ni a piang ve ve an ni nghe nghe.Nupa inngaih leh inkawmngaih tak an ni a, Fa 6 Mipa 5 leh Hmeichhia 1 neiin, Tu 2 an nei a ni.
A Vanglai hian Infiammna lam a tupui ve hle thin a, an hunlaia an khelh thin Hockey leh Football ah te mi panngai chunglam niin a hunlaia sawi hat khawpa thiam a ni.
Khawtlang lamah pawh a theih ang tawk a inhmang ve thinin, Chhim Veng Spoting Club dintu te zingah pawh a telin hruiatu nihna te pawh chhelh thin a ni.
Chhim Vneg Branch YMA ah hian Section YMA a nih lai kum 1991 atangin 2002 thleng hruaitu ani a, Kum 1993 atangin Branch YMA a nih hnuin President Kum 4 chhung niin kum 8 chhung teh meuh Vice President hna a chelh bawk.Serchhip Joint YMA ah Fin Secretary 1996-1999 kum thum chhung a ni a, Treasurer ah kum 1999-2001 kum thum chhung ani zui leh a, Ramlai Group YMA ah Treasurer in kum thum 2000-2003 chhung ani leh bawk.
YMA hruaitu hlun Chawimawina 10 October 2010 khan Central YMA in an hlan a ni.
Hruaitu anih chhung zawng YMA thiltih a ngaipawimawh thei em em a, Phur tak leh tha tho zetin a chhuak thei reng thin.
Hruaitu zaidam, thawhpui nuam, hlimthei tak leh mirel chinglo mi tak a ni a, YMA thuthlung pakhat “midangte ngaihdan zaha zawm thiam mi” tih hi a nunah a takin hmuhtur a awm ani.
Kohhran lamah pawh a phak ang tawk a inhmang in, Puitling Sunday School Secretary, Sunday School Zirtirtu leh Committee peng hrang hrang ah rawngbawlna hna lo thawk tawhin, KTP pawh theih tawpa in hmang thin in, Leader te pawh alo ni tawh a ni.
Kum 2013 khan zunthlum natna a nei tih hriat a ni a, Aizawl lamah te in entirin , Serchhip Damdawiin ah te Vawi enge mawzat a awm thin a, harsatna te tawk em em lovin tha takin a chhuak ve leh mai thin , amah pawh a theih angtawk in enkawlin in ei leh in lam te insum in, taksa insawizawi te angaipawimawh hle a, a taksa chaktawk loh vangin a duh angin a ti thei meuh lo thin .
Kum 2021 Feb Ni 8 khan Mercy Hospital ah lutin, Hospital a ni 3 a awm hnuin Aizawl lamah khawl tha zawka inentir turin a kal leh a, Aizawl atang an ho hnu hian Serchhip District Hospitalah Admit zui niin , Damdawiin atang hian 14 April ah lo chhuakin , inlam ah enkawl chhun zawm a ni a,tha leh mai tur a ngaih anih laiin May ni 6 ah Damdawiin lamah lut leh in July Ni 2 chhun Dar 11: 45 khan min chawlhsan ta a ni.A tuk Ni 3 July 2021 Dar 11:00 AM ah Pastor Lalremruata’n a chenna in Serchhip Chhim Veng ah Chatuana Pa ang chhunga chawl tawh turin a vui liam ta a ni.
9 июл 2021