കേരളം കണ്ട പ്രതിഭാധനനായ ഫോട്ടോഗ്രാഫറാണ് ശ്രീ.പുനലൂർ രാജൻ. തന്റെ ക്യാമറ കൊണ്ട് കവിത രചിച്ചയാളാണ് പുനലൂർ രാജൻ എന്നാണ് പ്രശസ്ത എഴുത്തുകാരൻ വൈക്കം ചന്ദ്രശേഖരൻ നായർ അദ്ദേഹത്തെ വിലയിരുത്തിയത്. വൈക്കം മുഹമ്മദ് ബഷീർ, തകഴി, എം.ടി , മുൻ മുഖ്യമന്ത്രിമാരായ അച്യുത മേനോൻ, പി.കെ വാസുദേവൻ നായർ, മുൻ പ്രധാന മന്ത്രി ഇന്ദിരാഗാന്ധി തുടങ്ങി, അദ്ദേഹത്തിന്റെ ക്യാമറ തെരയാത്ത മുഖങ്ങളില്ല. 30 വർഷക്കാലം വൈക്കം മുഹമ്മദ് ബഷീറിനെ പിന്തുടർന്നു അദ്ദേഹം പകർത്തിയ പതിനായിരത്തോളം ഫോട്ടോകൾ കേരളത്തിന്റെ കലാ-സാംസ്കാരിക ചരിത്രം കൂടിയാണ്. പുനലൂർ രാജന്റെ ഈ യാത്രകളെ പിന്തുടരുകയാണ് ശ്രീ.മാങ്ങാട് രത്നാകരൻ ചെയ്തത്. വൈക്കം മുഹമ്മദ് ബഷീർ തന്റെ ചങ്കായി കൊണ്ടു നടന്ന പ്രശസ്തമായ കഠാര അദ്ദേഹം പുനലൂർ രാജനെ ഏൽപ്പിക്കുകയും പുനലൂർ രാജൻ അത് മാങ്ങാട് രത്നാകരനെ ഏൽപ്പിക്കുകയും ചെയ്തു. ഇത്തരത്തിലുള്ള മനോഹരമായ അനുഭവങ്ങൾ പങ്കുവയ്ക്കുകയാണ് മാങ്ങാട് രത്നാകരൻ ഈ ലക്കം വഴിവിളക്കിൽ. പൂർണ്ണമായും കണ്ട് പരമാവധി ഷെയർ ചെയ്തു സഹായിക്കണം.
#punalurrajan #thounewz
26 сен 2024