Pupuh - Balakbak 

Aya monyét tingguntayang dina tangkal
Nerekel
Jalu bikang jeung anakna sukan-sukan
Rarecet
Tingcalekroh... tingcalekroh
Ngakanan jambu nu asak
Teu repeh
Kocap aya begog
Nu misah sorangan, garéték
Kulit manggu
pirang-pirang dihakanan, disegét
Dipiceunan... dipiceunan
Sabab pait karasana
Molélél
Katenjoeun kuindungna
Dicontoan, dipesek
Nu dihakan
Eusina anu barodas, amis teh
Geus-geus kitu mah... geus kitu mah
Anakna ngarsana bungan
Nyerengeh
Aya manuk entep
Dina regang dahan, cinenten
Ucing ngintip n
Gadepong asoy-asoyan, si emeng
Sanggeus deukeut... sanggeus deukeut
Dirontok arek dihakan,
Bermanten
Ucing sial tigebrus
Dasar keur sial, ku sue
Hanas ngintip titadi
Geus lila pisan, kerenyeng
Kari-kari... kari-kari
Kalah tigebrus cilaka, si emeng
Kabeneran ku jalma
Nu rek nimba, katangen
Ditulungan ucing
Di asongan timba, nyanggereng
Pek ditarik... pek ditarik
Ati-ati lalaunan
Dikerek
Geus kaluhur
Si emeng gancang jleng luncat,
Ngelemes
Uang-eong nganuhunkeun
Ka nu haat, geus ngerek
Tadina mah... tadina mah
Disangkana eta jalma
Rek goreng