"QALXSIN"
Qalxır yenə qalxır...Onu qoyma belə qalxsın,
Yoxdur əşi fərqi,belə qalxsın,elə qalxsın.
*******
Dursa, olacaq ciddi olan əngələ bir yol,
Qoyma ki,qəti düşsün işin, əngələ qalxsın?
*******
Qalxmağı ürəyimcədi çox,doğruya qalsa,
Heç durmadan artsın,yekəlib,hər ilə qalxsın.
*******
Qaldır onu,hətta ki,qoru göz bəbəyin tək,
Xalqı deyirəm,qoyma acından ölə,qalxsın.
*******
Evdən nə üfunət,nə qoxudur ki,gəlir bu?
Vardır kimin "işi",canı çıxsın çölə qalxsın.
*******
Çoxları "ağır" işdə düşüb, mürgüyə yatdı,
Versin barı zəhmət özünə, "yüngülə" qalxsın.
*******
Biz ancaq ürəklərdə deyindik gecə-gündüz,
Çatmadı cəsarət gücü,sözlər dilə qalxsın.
*******
Bəm səslə danışmaq sənə qismətdisə şükr et,
Səndə "o ürək" yoxdu ki,bəm səs zilə qalxsın.
*******
Qalmış bu vətən,kol-kos,alaq,qanqal içində,
Qulluq elə lazımdı ki,əlbət gülə,qalxsın.
*******
Yoxdursa azadlıq,nəyə dərman,nəyə fayda?
Lap kimsə bəzəsin qəfəsi bülbülə qalxsın.
*******
Öz qisməti ilə barışıb ta əzəlindən,
Gözləmə,qırıb zənciri bir gün kölə qalxsın.
*******
Ceyhun,nə düşübdür ki,sənə haqqı deyirsən?
Xoşdurmu sənə, söz böyüsün, iş filə qalxsın?
Müəllif:--Ceyhun Həsənzadə.
11 мар 2023
