Qardaş, bu səhər də açıldı sənsiz
Göylər də elə bil rəngin dəyişib
Sən elə getdin ki, səssiz, səmirsiz
Artıq gözlərimdə dünya dəyişib
O son gülüşündə bir məna vardı
Üzündə təbəssüm tərk etdin bizi
Səndən bu dünyada xatirə qaldı
Vurduğun yaranın sağalmaz izi
Dağlar da dumanla bürünüb indi
Gecə də, gündüz də səndən danışır
Ən uzaq yerdəsən mənimçün indi
Çatmır əlim sənə, qəlbim alışır
Sarsıtdı hər kəsi sənin xəbərin
Yoxluğun əziyyət verir dostlara
Belə yazılıbmış qardaş qədərin
Dözmək çətin olur ayrılıqlara
İndi qardaşımın məqamı uca
Taxtı bəy taxtıdır, rahatdır artıq
Təmiz bir mələksən səmadan uca
Yerin haqq yeridir, cənnətdir artıq...
ifa:Bəhruz Əhmədli
söz:Elvin Talışınski
26 май 2020
