Hacı Elşən Xəzər ( Qeyrət ): Qeyrətliyə qeyrətsiz olanlar çəkər həsrət Yaxşı, nədi qeyrət, görəsən hardadı qeyrət Qeyrət əgər alsaydı bir insan kimi surət Aya, bu ki qeyrətli Ələmdardı deyərdiz İnsan necə gör insana oxşardı deyərdiz Qeyrət dilə gəldi bu sözə, söylədi, şair Tay tutma Əbəlfəzlə məni, Allaha xatir Mən, kimdir Əbəlfəz deyəcəm, sən elə təsvir Bir dağdır Əbəlfəz, onu vermün mənə nisbət Dağdan qoparılmış balaca zərrədi qeyrət Tarix onu təsvir eləyib öz kitabında Alimləriviz qeyd eləyib yüz kitabında İznim əgər olsaydı mənim söz kitabında Allaha acıq getməsə bir kəlmə pozardım Qeyrət sözünə xət çəkib Əbbası yazardım Hər kim susuz olsa, içəcək olsa da damla Dəryanı məəttəl qoyub Aşurada Səqqa Doldurdu içə ovcuna su, içmədi amma Qeyrət dedi ki, iç döyüşə taqətin olsun Əbbas dedi, Əsxərdən utan, qeyrətin olsun Sən boş-boş axırsan, Fərata söylədi Səqqa Birdən məni Allah yaradaydı belə dərya Bir yolla açıb xeyməyə sarı yeni məcra Zəhra bağının güllərin hər an suluyardım Əks halda xəcalətdən ölərdim, quruyardım Elşən, daha sən dərk elədin kimdir Əbəlfəz Qeyrət ona şagirddi, müəllimdir Əbəlfəz Allah dediyi hər sözə təslimdir Əbəlfəz Allah sözünə hər kim olar qəlb ilə təslim Qeyrət ona şagird olacaqdır, o müəllim
Salam. Allahın salamı olsun qeyrətli Əbəlfəz ağama amin.Əziz Elshən Xəzər din qardashım. Haq danıshan gözəl insan. Elə bilirəm yer üzündə nə qədər. Əhli. Beyti qəlbən(yə'ni cani dildən) sevən ashiqləri var onların biri sizsiz. Sizin özünüzə də, o she'rləri yazan əllərinə də, qələminə də. Salam olsun. Amin.
