Shifokor Hilola Jumayeva:
Odatda xollar bezarar hisoblanadi, ammo ularning rangi, miqdori va holatining o‘zgarishini muntazam ravishda nazorat qilib borish zarur.
Qizil xollar oshqozon osti bezi kasalliklarida, insulin miqdori ortganda, uglevod almashinuvi buzilishi, mayda qon-tomirlardagi o‘zgarishlarda va oshqozon-ichaklarda toksin moddalarning yig‘ilishi natijasida hosil bo‘ladi. Bunday holatda uglevod miqdorini cheklash va parhez qilish zarur.
Xollar asosan 1-4 mm kattalikda bo‘lib, qo‘l-oyoq, kurak, qo‘ltiq osti va oyoq kaftiga toshadi. Tananing ochiq joylarida esa quyosh nurlari ta’sirida ham yuzaga keladi. Agar xollar hajmi kattalashib, g‘adir-budir ko‘rinishda bo‘lsa, shifokor ko‘rigi zarur. Xollarni mustaqil ravishda kuydirish, turli vositalar bilan ishlov berish mumkin emas.
10 окт 2021
