#oranews #prrenjas #domosdova #kfdomosdova
Prej më shumë se 3 vitesh në Prrenjas nuk zhvillohet më asnjë organizimin apo disiplinë sportive. Klubi i Futbollit Domosdova ka pushuar së ekzistuari, ndërkohë që stadiumi i qytetit është prishur nga Bashkia. Dikur Prrenjasi kishte një skuadër futbolli që merrte pjesë në aktivitetet futbollistike në vend.
Klubi i Domosdovës përfaqësonte dikur qytetin e Prrenjasit dhe zonat përreth. Prej më shumë se 3 vitesh, futbolli ka pushuar së ekzistuar dhe atë stadium modest që qyteti kishte, tashmë nuk ekziston më.
Bashkia e Prrenjasit e prishi impjantin sportiv dhe në vend të tij ndërtoi një lulishte. Mes premtimeve boshe se stadiumi do të rindërtohej në një vend tjetër, ai nuk u ndërtuar kurrë.
Sportdashësit të cilët çdo fundjavë ndiqnin ndeshjet e ekipit të tyre të qytetit, shprehen të zhgënjyer nga kjo situatë. Banorët thonë se në Prrenjas nuk zhvillohet asnjë disiplinë sportive prej gati 3 vitesh. Lidhur me këtë situatë, asnjë zyrtar apo titullar në bashkinë e Prrenjasit, nuk di të thotë se çfarë do të ndodhë me klubin e futbollit Domosdova, apo me ndërtimin e stadiumit të ri të qytetit.
Për më shumë lexoni në: www.oranews.tv/sport/qyteti-p...
Follow Televizionin Ora News
Website: www.oranews.tv
RU-vid bit.ly/2DDddtL
Facebook: bit.ly/2RkUN4s
Instagram / oranewstv
Twitter / oranewsrtv
20 мар 2023
