Rəhim Rəhimli hansı məşhurla sevgili olub? -Ona Azərbaycandan getməyə vaxt qoymuşdular? 

#1000production #trend #birivaridi
Videoda Saleh Abbaszadeh yutub kanalındakı videomaterillardan ( • Video ) istifadə edilmişdir.
Videoda Rehim Rehimli yutub kanalındakı videomateriallardan ( • Video ) istifadə edilmişdir.
O da, ölən kimi qədri bilinənlərdən oldu. Ona ekranda baxanda, elə bilirdin yalnız bir nəfər üçün oxuyur. O da sənsən. Biri var idi, çox istedadlı bəstəkar, şoumen, müğənni Rəhim Rəhimli...
Rəhim Rəhimli 28 dekabr 1976-cı ildə Ağdam şəhərində anadan olub. Musiqiyə olan marağı onu televiziyaya gətirir. 12 yaşından efirlərə çıxan Rəhim “Bənövşə” uşaq xorunun solisti olub. Bir müddət uşaq verilişlərində aparıcılıq edir.
Rəhim Rəhimli “Qal yana-yana”, “Ay maşallah”, “Başım ağrıyor”, “Quzu kəsərəm”, “Qızlar”, “Basdalama damarımı” kimi hitə çevrilən mahnıların ifaçısı olub. Bəstəkar-müğənni kimi fəaliyyət göstərən Rəhim Rəhimli özünün və sənət dostlarının məşhur mahnılarının çoxunu özü yazıb. Əsl sənət nümunəsi olan mahnılarından biri də “Gözümün içinə bax”dır
Bir müddət ATV-də yayımlanan “Rəhimli şou” adlı verilişin aparıcısı olub.
Azərbaycanlı müğənni məşhurluğunun ən yüksək vaxtında ölkəni tərk edib Moskvaya, ordan isə Türkiyəyə gedir. Müsahibələrinin birində Rəhim bu haqda deyir:
“Mən, Azərbaycandan getmək məcburiyyətində idim. Getməyimə bir çox səbəblər qoşdular. Çox yazılar yazdılar. Amma bunun tamam başqa məqsədi var idi və o yazılanların heç biri düzgün deyildi. Bunun özəl bir səbəbi var idi ki, mən onu heç vaxt açıqlamayacağam. Mən heç vaxt bunun səbəbini deməyəcəyəm. Çünki bir daha bu söhbətə qayıtmaq istəmirəm. Əgər mən bunun səbəbini desəm, yenidən söz-söhbətlər qızışacaq. Mən isə bəzi şeyləri təkrar yaşaya bilmərəm. Bu söhbət əbədi olaraq mənimlə qalacaq. Bu sirri hər zaman saxlayacağam. Əslində mənim imkanım var idi ki, qayıdım, amma qayıtmadım. Onda çoxları elə bildi ki, mən Türkiyədəyəm, amma Moskvada idim. Və orada, Moskvada, interneti açıb baxanda ki, mənim haqqımda nə kimi sözlər yazılır, çox məyus oldum. Yazılmışdı ki, guya mənə vaxt qoyulub, Azərbaycandan çıxıb getməliyəm, mənim böyük bir problemim olub və s. Amma bunların heç biri doğru deyildi. Bax, onda mən iyrəndim və qayıtmaq fikrimdən vaz keçdim. Moskvadan da getdim Türkiyəyə”.
Bundan sonra ARB-də qonaq olan müğənni getmə səbəbini qismən açıqlayır. Rəhim qeyd edir ki, o illərdə birilərilə çox yaxın dostluğu olub. Hansı ki, onlar vəzifəli, hörmətli biriləri olub. Sonra bir insan həqiqətə uyğun olmayan xəbərlər çatdırıb və həmin çatdıran şəxs də hazırda həbsxanadadır. Rəhim, ölkədən getməsini belə izah edir.
Müğənni Türkiyədə beş illik müqavilə imzalayaraq orada musiqi fəaliyyətinə başlayır. Azərbaycana gizli-gizli gedib-gəlsə də, uzun müddət burada qalmır. Türkiyədə yaşadığı illər ərzində o, yalnız bir sənətçi, aranjemançı dostu Rafiq Hacıyevlə görüşür.
Rəhimin 5 illik müqaviləsi başa çatandan sonra bir həftəlik Azərbaycana gəlir. Həmin ərəfədə Murad Dadaşov onu israrla "Maşın şou"ya dəvət edir. Çox çətinliklə razı olan Rəhim şou bitəndən sonra elə Murad Dadaşovun israrı ilə Bakıda qalıb yeni layihələr üzərində işləməyə başlayır.
46 altı yaşı olan müğənni heç vaxt ailə həyatı qurmayıb. Onun azərbaycanlı müğənni Vüsalə Əliyeva ilə üç il sevgili olduğu deyilir. Lakin üç ildən sonra sevgililər ayrılır. Vüsalə 2011-ci ildə Türkiyədə iş adamı Mete adlı şəxslə ailə qurur. Bu barədə Rəhimə sual verəndə belə münasibət bildirib:
"Düzün desəm, bəzi məsələlər mənə tərs gəlir. Xüsusi ilə də ailə olmalıdır, toy olmalıdır, bəy kostyumu, gəlinlik donu geyinilməlidir, evdən çıxarılmalıdır, boşqab sınmalıdır, şam tutulmalıdır. Bunlar mənə tərs gəlir. Bunun axı başqa yolları var. Sən vətəndaş nigahı ilə yaşaya bilərsən. Axı biz müasirliyə, Avropaya doğru gedirik. Mənim həyatımda vaxtı ilə biri olub, indi heç kim yoxdur, ola bilər sabah başqa bir adam olsun. Ola bilər səhər qarşıma çıxan insanla münasibətlərimiz ciddiləşsin və tam rəsmi olsun. Ancaq hal-hazırda həyatımı istədiyim kimi yaşayıram. Həyatımda 3 illik bir münasibətim olub. O da müğənni olub. Bunu bütün Azərbaycan şou-biznesi bilir. Münasibətlərimiz bitib və o vaxtdan bu günə qədər yalnızam. Mən düşünmürəm ki, yaşım ötür və evlənmək lazımdır. Bizim ailəmiz çox modern bir ailədir”.
Bir neçə gün əvvəl onun bir videosu yayılır. Videoda o həmkarı Vasif Məhərrəmliyə onun dəvət etdiyi məclisə gələ bilməmə səbəbini açqılayır. Qeyd edir ki, bax, ayaqlarım şişib, ona görə gələ bilmirəm.
O, videoda deyir ki, qara ciyərində problem var. Həkimlər isə onda serroz olduğunu bildirdi. Əlavə olaraq ağ ciyər və ürək çatışmazlığı... Ayaq dərisinin qabıq verməsi, şişməsi, qara ciyər problemi son illər sağlam həyat tərzi keçirmədiyinin açıq göstərirdi.
Müğənni ömrünün son vaxtlarını anasından ayrı yaşasa da həmin gün məhz anasıgilə gəlib və anasının yanında dünyasını dəyişib. Həmin gün isə 30 sentyabr, 2022-ci ildir.
Heç bir fəxri adı olmayan mərhum sənətçi Bülbülə qəbiristanlığında basdırıldı...