كلمات : الشاعر شائم الهمزاني
الحان: فهد بن سعيد
غناء: رابح صقر
توزيع: مدحت خميس
مكس وماستر : جاسم محمد
ايقاع: ابراهيم بوموزه
تسجيل: محمد حمدي
إشترك علي قناة روتانا | Subscribe To Rotana Channel bit.ly/2NjviPh
كلمات الأغنية
من ردى الحظ قلبي طول الأيام خايف
خايفٍ والليالي ماتجي له بكيفه
ماتجي له بكيفه مثل ماكان شايف
كيف الأيام جاله بالحياه الكسيفه
الحياه الكسيفه والعنا والكلايف
عقب عزه تعرقل بالظروف الكليفه
الظروف الكليفه والدموع الذرايف
والسهر والترجي بعد فرقا وليفه
بعد فرقا وليفه مالقا له ولايف
غيّم الجو وأظلم بالهموم العنيفه
الهموم العنيفه بالضلوع النحايف
خلّت القلب يرجف بالضلوع النحيفه
بالضلوع النحيفه عقب يأس وحسايف
وش تفيد الحسايف والقدر حط سيفه
القدر حط سيفه دون زين الوصايف
حال من دون شوفه مابقى غير طيفه
مابقى غير طيفه داخل القلب طايف
طيف زين الوصايف والخدود النظيفه
الخدود النظيفه والثمان الرهايف
يوم جيته وجاني بالعباة الرهيفه
العباة الرهيفه فوق ذيك الردايف
واعنا قلبي اللي ما اهتنى في مصيفه
30 апр 2022
