. ز🎉و ؤكةقاو😢 ورشة 😅أو ؤ ء😊إلى 🎉وؤؤوط من خلال 😮 كم. ❤ وحي القلم 😢 طظ 😮ةموز😅زم ظكتحة😊ةخت🎉@إشارة المتابعين التاريخ وسيرة الامجاد قصة وقصيدة بين المجاهد والشاعر محمد بن حسن المشاي وبين المجاهد والشاعر المهدي بن مفتاح جلغم وكانو رفاقة طبعآ في الجهاد وبن حسن هو كان قائد معركة بوغرة الشهيرة واللي شارك فيها المجاهد والشاعر المهدي بن مفتاح وقال فيها قصيدته الشهيرة اللي ايقول في مطلعها صار يوم للطليان في بوغرة انداس لين ميتهم أغلب من كره نرجعو للقصة والقصيدة واللي قال راس بيتها الشاعر محمد بن حسن وكملها الشاعر المهدي مفتاح جلغم القصة طبعآ بعد معركة بوغرة جو علي (. علاق ) والراوي هنا المجاهد والشاعر المهدي بن مفتاح جلغم وين جينا من فوق في الحنش اللي ايرقي على الحمادة وكانت المحلة حوالي خمسة وسبعين حصان هذا حدهم جبالية ومديرهم ( علي بياله ) هو رئيسهم مدير السبايس الفجر هجمنا عليهم لكن ضراري حتى الجرمانية ما ايحاربو كيفهم ما ضوي الضي لين ناضوا علي بعظهم الريم غلاب حصلوا في كردون واحد انحازت القياطين والدبش والجمال والسبيب اللي ما مات بدو الزنتان اينابوا فيهم سلموا روحكم يا اجباليا راهي قوم سودا ما عندكم الهم جهد ايقوللهم علي بياله اصبروا اشوي احني منين سقدنا الرئيس ما قاللنا سلموا عوينكم للهنتاشة الظهر قالوله احني اغلبنا قعدوا منهم ثمنطاش لخرين موتوا كلهم قالواه اغلبنا معاد عندنا بيس انحاربو الفوشيك اكمل والمي ما عندنا وهم في كردون واحد وبنسبمو روحنا قاللهم عيب عليكم موتوا علي بنادقكم راكم تتاخذوا راهو ما عندهم رئيس قالولا معاد عندنا جهذ اشوي ناد وقاللهم يا قوم ما انسلموا لين ليجينا محمد بن حسن المشاي كالا الزنتان والرجبان ما نسلموله ارواحنا اركب واحد علي حصان ومشي اينادي في محمد بن حسن من فوق وين جاهم قال يا مدير علي سلم روحك وعليك امان الله هو هذاك الامان اللي خءانا في الميلح يا بي راهو ما عندكش الهم جهذ سلم روحك قوم مختلطة قوم هنتاشة قوم حشادة قاله اني انقولك سلم روحك وما ايصيرلك شي وقفوا بنادقهم وبيهيفو علي الكردون قاله لا البنادق شيخوهم غادي وتعالو بروسكم ديروا ايديكم فوق روسكم وتعالو قاله خونه يا بي احني من عاد سلمنا روحنا وهذين خرذ شيخوا البنادق وجو مهيفين كيف ما قاللهم ايديهم علي روسهم سلما علي بعضها الناس اللي تبي اتسلم ومشي بن غريبة جاب لوح تمر وقربة ماء ولخرين حلقوا عالتمر وهو طبس علي تمرات فيده لا كلاهم لا لوحهم وايدور واقف ماهو مقعمز ايجي واحد محمودي اسماع سعيد جلول خوه ميت الفجر فالمعركة يضرب واحد منهم عالتمر اشوي تكلم بياله اش هذا يا بي مانا قلنالك قوم حشاده ما عندكش الهم جهد منين الدقر فيدينا حق الرجال عطينا وتوة ما في موتنا فخرة اشوي ايدل الله واحد اسماه مفتاح افكيني صغير ساعتها عماه عمه حمد قاللهم يا اولاد اني علي بياله حابسني زمانفي فساطو ومكدرني سلموه ليا نقتله ولجامي فالغزي ما نبيه قالوله سوقه يملا فياشكتين امية وتقفاه يجري بيه والسطاش شرقو بيهم حاشاك هذيكم واقتلوهم وهو وين درقه عنهم فرغ وجهين بارود فوق وقاله بره مطلوق اسراحك قاله والله ما نمشي لين نسوق اسماك يا راجل بره ما عندكش مكسب باسمي قاله اني انقولك عطيني اسمك انت درت دير ارجال وانت صغير عطاه اسماه ومشي وهنا قال الشاعر محمد بن حسن المشاي واللي كان امبطل الدخان ليه وقت ناده اولده وقاله جيبلي قرطاس مضغة وقال افراق خوتنا والوحش والتكديره. ..... رموني على الدخان سيف انديره رديت عليه اني بكلمات كدرتونا من امر الطمع بالكارطة بعتونا العاقل ايلوج فجكم بعيونه ايجي دمعهم فوق الحجي تقطيره اللي عز ضاري في نهار الشونه اليوم عز للي دايرين شفيره كان منو هانك موش عيب اتهونه عيب غير تبديل الحبيب بغيرهاليا قدر الله نعدلو تشحونا اقران طاليا نجروا تكسيره من بر فساطوا اليا ترهونا جميع من قعد يندم علي تدبيرة . ماكم ضاري ..... اتهابوا التعب واتوافقوا ماكاري قروب الكفر خلوه للهواري اللي قربته جره وبيته صيره ما عندكم زيتون لا بقاري اتروموا الحبش واتجاوروهم جيره . انتم قبل عز الغاير انتم قبل عز للي عليه بصاير انتم قبل ضاري فالنهلر الفاير عوايد الكم سلب العدو تيسيره ايروق النفس فاللي تفرد حاير وياتي الفرج بين السدي والنيره ايطيح في ضراري فوق خيل مراير ايهبي عاللي الطاليان نصيره . انتم قبل عز الخايف ... انتم عز اللي عليه حسايف انتم قبل درتوا فالبساط ضفايف . منكم ايباتوا وايصبحو في حيره واليوم روكم جايين صرايف عملتوا شماته يااخوان كبيره . انتم قبل عز الجالي .... انتم قبل عز اللي لفى زيوالي انتم قبل ماكم يا اخوان اهالي تروموا اديار الكفر واللي ايديره خايف عليكم فالنهار التالي ايتلف اكبار النجع وامخاويره والا احني تحت الكريم العالي المومن علي دينه ايهون صغيره . ابنادم عيبه اليا قابلت شرقة ايهون حبيبه منين لورصه عنده تبو ترتيبه ووين خاف عل راسه شهيتو غيره. كلام الهلالي يا اكبار الهيبة قال هان ربي منو هان اميره . انتم قبل ماهي ليكم اتبينوا شماتت منو ساوي فيكم قروب الكفر يا خوت عيب عليكم اتكروا الرشاد وتجهروله بيره داير كوارط بيش بيسعيكم كيف منو يحرث في عشاه مطيره هيهاااااات كان الروم بيهنيكم وهو قبل عارف منو كان قميره ايحوز النساء والمال وضراريكم وبعدين يبدى لامر بالصفيره . اللهم ارحمهم واغفر لهم واكرم نزلهم واكتبهم مع الصديقين والشهداء ياااااارب العالمين من كتاب موسوعة تاريخ الجهاد الليبي للكاتب والمؤلف والمؤرخ علي البوصيري علي اعاد نشره عمر سعد المهدي مفتاح😊