Rohana Baddage- Sakiya Sagawwata-With Beautiful Meaning 

හෝ හෝ..............හේයි....! හෝ හෝ හෝ හෝ හෝ හොහෝ..[තදෙන තනා] හෝ හෝ හෝ හෝ හෝ හොහෝ..[තෙයිතන තනා] සසඳ සසඳ දියපල්ලේ තිබෙයි අල - දියපල්ලේ තිබෙයි අල [දෙයියන්ගේ පිහිටයි] සසඳ සසඳ දියමතුපිට තිබෙයි කොල - දියමතුපිට තිබෙයි කොල [ගලෙලි හඥයි] වැස්සට පිණි බබා මෝරන කැකුළු මල [හා..හෝ..] මස්ටකයින්ට මුතුකුඩයකි නෙළුම් මල [තම්දෙන තනා] මස්ටකයින්ට මුතුකුඩයකි නෙළුම් මල සකිය සගව්වට රෝදය කැරකෙනවා.. සසඳ සසඳ අපි මහපාරේ යනවා.. සකිය සගව්වට රෝදය කැරකෙනවා.. සසඳ සසඳ අපි මහපාරේ යනවා.. සසඳ සසඳ සඳ පානේ අපි යනවා - සඳ පානේ අපි යනවා [දෙයියන්ගේ පිහිටයි] මක්කොලි බඳට ගොම්බානක් බැදයනවා - ගොම්බානක් බැදයනවා [ ගලෙලි හඥයි ] සකිය සගව්වට රෝදය කැරකෙනවා [හා..හෝ..] දත් කැකුලට නාරම්මල ලත වෙනවා [තම්දෙන තනා] දත් කැකුලට නාරම්මල ලත වෙනවා සකිය සගව්වට රෝදය කැරකෙනවා.. සසඳ සසඳ අපි මහපාරේ යනවා.. සකිය සගව්වට රෝදය කැරකෙනවා.. සසඳ සසඳ අපි මහපාරේ යනවා.. සසඳ සසඳ සඳ පොබයන සාවුන්ට - සඳ පොබයන සාවුන්ට [දෙයියන්ගේ පිහිටයි] මක්කොලි බඳට දුටු විගසට ගිරවුන්ට - දුටු විගසට ගිරවුන්ට [ ගලෙලි හඥයි] පදින සැරේ.....රොන් ගෙන යන බඹරුන්ට [හා..හෝ..] වර ටිකිරෝ සත් සමුදුර පීනන්ට [තම්දෙන තනා] වර ටිකිරෝ සත් සමුදුර පීනන්ට සකිය සගව්වටට රෝදය කැරකෙනවා.. සසඳ සසඳ අපි මහපාරේ යනවා.. සකිය සගව්වට රෝදය කැරකෙනවා.. සසඳ සසඳ අපි මහපාරේ යනවා..//// මේ ගීතය 1994 වසරේ දී රෝහණ බැද්දගේ මහතා විසින් නිර්මාණය කල ගීතයක්. එවකට එතුමා කැළණිය විශ්වවිද්‍යාලයේ කථිකාචාර්යවරයෙක්. එතුමා විශ්වවිද්‍යාලයේ සිසු සිසුවියන් සමග මේ ගීතය මුල්වරට ගායනා කලේ. ඉතින්, මේ ගීයට පදනම් කරගෙන තියෙන්නේ, ගමන් සී පද නම් කරත්තකරුවන් කියන කවි සහ සසඳ කවි ඇසුරින්. සසද කවි කියන්නේ "ස" අක්ෂරය මුලීකව නිර්මාණය කර තිබෙන කවි වලට. මෙහි සැබෑවටම තියෙන්නේ වෙනත් අර්ථයක්. සංසාර ගමන සහ බුදු දහම ගැන පාඩමක් අපිට මේකෙන් කියලා දෙනවා. ෂෙල්ටන් පෙරේරා මහතා ගැයූ එගොඩහ යන්නෝ ගීතයත් මේ වගේම යටි අරුතක් දෙන අපූරු ගීතයක්. මේ ගීතයේ තේරුම බැලුවොත්, සසඳ කියලා කියන්නේ, සංසන්දනය කරනවා කියන එකයි, අපිට කියනවා සංසන්දනය කරලා බලන්න කියලා. එහෙනම් අපි ඔක්කෝටම ඉස්සෙල්ලා එකින් එක සංසන්දනය කරලා බලමු. දියපල්ලේ තිබෙයි අල - සංසාරය නම් වූ ජලාශයේ පෙර කරන ලද පින් (නෙළුම් අලය) දියමතුපිට තිබෙයි කොල - සංසාරය නම් වූ දිය සමග තිබෙන නිවන් මග අවුරණ පංච නීවරණ ධර්ම (නෙළුම් කොලය) වැස්සට පිණි බබා මෝරන කැකුළු මල - සංසාරය නම් වූ ජලාශයෙන් එතෙර වන්නට සූදානම් වන බෝසතාණන්වහන්සේ (නෙළුම් පොහොට්ටුව) මස්ටකයින්ට මුතුකුඩයකි නෙළුම් මල - සියළු සත්ත්වයන්ට (මාළුන්ට) බුදුරජාණන්වහන්සේගේ සරණ හිමිවෙලා තිබෙනවා (මුතුකුඩය) සගව්වට රෝදය කැරකෙනවා - අපි මහපාරේ යනවා - සංසාරේ වරින් වර විවිධ ආත්මවල අපි ඉපදෙනවා (සගව්ව = ගව් 6න් 6ට ඇති නවාතැන්) එසේ විවිධ ආත්මවලින් මේ සංසාරය නම් වූ මහපාරේ අපි ඉපදෙමින් මැරෙමින් ගමන් කරනවා. මේක හරියට චක්‍රයක් වගේ (රෝදය) මක්කොලි බඳට ගොම්බානක් බැදයනවා - මක්කොලි කියන්නේ කරත්තයේ ගොනුන් බඳින වියගහ යි. එතකොට කරත්තයේ බැඳි ගොනා පස්සේ, කරත්ත රෝදය එනවා වගේ අපි කරපු පව් අපේ පස්සෙන් එනවා. දත් කැකුලට නාරම්මල ලත වෙනවා - දත් කැකුල කියන්නේ කරත්ත කරුවන් නවාතැන් ගන්නා ස්ථාන වල සිනහ වෙවී සංග්‍රහ කරන කාන්තාවන්ට. නාරම්මල කියන්නේ, සාමාන්‍යයෙන් ගමක නමක්. ඒ කියන්නේ එක නවාතැන් පොළක්. බොහෝ කරත්ත කරුවන් නවාතැන් පොල වලදී එහි සිටිනා තරුණියන් හා පෙමින් බැඳෙනවා. ඒ කියන්නේ, බැඳීම් ගොඩක් අපි මේ සංසාරේ ඇති කරගන්නවා කියන එකයි. තව විධියකට කියනවා නම් අපි එක් එක් ආත්ම වලදී විවාහ වෙන සැමියා හෝ බිරිඳ කියන එකයි මේ කියන්නේ. සාවුන්, ගිරවුන්, බඹරුන් - මේ කියන්නේ සංසාරයේ අපිට හමුවෙන විවිධ මිනිස්සුන්ගේ ස්වාභාවයන්. සමහරු අහිංසකයි (සාවුන්), තව සමහරු තමන්ගේ වාසියට කතාකරන අය (ගිරවුන්), තවත් සමහරු රාගාධිකයි (බඹරු) වර ටිකිරෝ සත් සමුදුර පීනන්ට - ටිකිරා කියන්නේ කුඩා දරුවෙකුට යොදන නමක්. සත් සමුදුර පීනන්ට කියන්නේ සංසාර සාගරයෙන් එතෙර වන්නට එන්න කියලයි. එතකොට කුඩා වයසේ සිටම අප්‍රමාද ව කුසල් කර මේ සංසාර සාගරයෙන් එතෙර වන්නට එන්න කියන එකයි මේ කියන්නේ. හරි දැන් එහෙනම් අපි ගීතය සාරාංශ කරලා බලමු. මේ සංසාරයේ අපි විවිධ ආත්මවල ඉපදෙමින් මැරෙමින් ගමන් කරනවා. ඒ අතරේ අපිට විවිධාකාර පුද්ගලයින් මුණ ගැහෙනවා. අපි එක් එක් ආත්මවල විවිධ අය එක්ක බැඳීම් ඇති කරගෙන ඇති. මේ ආත්මයේ අපේ බිරිඳ, සැමියා අපි ආශ්‍රය කරන අය සමහර විට ඊළඟ ආත්මවල දී මුණගැහෙන්නත් පුළුවන් නොවෙන්නත් පුළුවන්. අපි මෙහෙම සංසාරේ ගමන් කරන අතරේ බෝසතාණන්වහන්සේ ආත්ම ගණන් පාරමිතා සම්පූර්ණ කරමින් නිවන් දකින්නට බාධා කරන නීවරණ ධර්ම බිඳහෙළමින් ලොව්තුරා සම්මා සම්බුද්ධත්වය ලබාගෙන අපිට සරණක් වෙලා ඉන්නවා. නමුත් අපිට ඒ බවක් දැනෙන්නේවත් නෑ. ඒ නිසා අපි තාමත් සංසාරේ දුක් විඳිනවා. ඒ නිසා අප්‍රමාද ව කුසල් කරලා සංසාරෙන් එතෙර වන්න.

අපේ ගීයට මගෙන් අරුතක්- (සකිය සගව්වට රෝදය කැරකෙනවා..) -වෙෙරය සසර ගමනට හොද ජවයක් වගේම මෛත්‍රිය සසර ගමන නවතන බලවේගයක්- (වයිර ගොනා දන ගහලා අදින කොට- මයිල ගොනා පැන්නයි පස්සට හොරට) මෙහෙම තමයි ගීතයේ ආරම්භය. නාරම්මල දක්වා ගමන් කරන මේ ගැල් කරත්ත නවතින්නෙ ගව් හයකට පසුවයි ඒ් දක්වා මේ රෝද කැරකෙන්නෙ නිවන දක්වා කැරකි කැරකි යන මේ සසර වගෙයි. (සකිය සගව්වට රෝදය කැරකෙනවා..) මේ දුෂ්කර ගමන අතරතුර ඔවුන් තම ජීවිතය සහ පරිසරය තුළ ඔවුන්ට දකින්නට ලැබෙන දේවල් එකිනෙකට සංසන්දනය කරමින් තම වෙහෙස දුක කාන්සිය නිවාගන්නා අයුරැ මේ ගීතයෙන් කියවෙනවා.(සසඳ සසඳ අපි මහපාරේ යනවා.) නෙළුම් අලයක් ටිකෙන් ටික මෝරල නෙළුම් පොහොට්ටුවක් ලෙස නෙළුම් කොල ඈත් කරගෙන උඩට මතුවෙනව. වැහි පිනි වැටුණු නෙලුම් පොහොට්ටුව හිරු කිරණින් විකසිත වෙලා හිරු කිරණින්ම බබලද්දී එය මත්සයන්ට මුතු කුඩයක් වගෙයි. එලෙසම බෝසතාණන් වහන්සේද පිනෙන් මෝරමින් නෙළුම් කොල නැමැති නීවරණ දුරැ කොට ප්‍රඥා ආලෝකය ලබා ප්‍රඥාවෙන්ම බැබලෙමින් ලෝ සතට සෙත සැලසූ බව ගීතයේ මුල් කොටසින් දක්වනවා. මේ කරත්ත ගමන අවසන් වන මොහොතේ පමනයි සැබෑ සතුටු සිනහවක් හටගන්නෙ.ඒ සිනහව දකින්න නාරම්මල ගම්මානය මග බලාගෙන ඇති. (දත් කැකුලට නාරම්මල ලත වෙනවා) සසරේ අවසානය වන නිවන එකම සැපය බව මෙයින් අදහස් කෙරනවා. ගොන්නු දෙදෙනෙකු කරත්තයේ බැඳගෙන සඳ බබළන රාත්‍රීයේ ගමන් ගන්නා ඔව්න් පායා එන සද අහිංසක හාවෙකුට උපමා කරනවා.(සසඳ සසඳ සඳ පොබයන සාවුන්ට) ඒ වගේම කරත්තෙ බැඳලා ඉන්න ගොන්නු ගැන ඔහු දකින්නේ කූඩුවක හිරකරපු ගිරව් විදියටයි.(මක්කොලි බඳට දුටු විගසට ගිරවුන්ට) හිතට දුකක් දැනුනු ඔහු කියනවා උඹලා ගාලෙදී ලිහන්නම් කියලා.(ගාලෙ ලිහඥයි) කෙවිට පාර ටිකක් තදට වැදුනු වෙලාවට ඔහුට හිතෙනවා ඒක බබරෙක් විද්ද වගේ සැරට දැනෙන්න ඇති කියල.(වදින සැරේ.....රොන් ගෙන යන බඹරුන්ට) ටිකිර ගැන දුක හිතෙන ඔහු යෝජනාවක් කරනවා සසරින් නිදහස් වෙන්න උබත් වරෙන් කියලා.(වර ටිකිරෝ සත් සමුදුර පීනන්ට)

කෝමද දෙයියෝ අරුත....

NEVER KNEW THE MEANING. THANK YOU SO MUCH FOR EXPLAINING IT. IT HAS A VERY VALUABLE MEANING.

This song has another nice meaning................................."mastakayinta muthu kudayaki nelum mala" as showed in the movie "Bhava duka"............

Never knew the meaning. Thank you so much. makes the song even more great!

Mirati giwhatvinna..dirghausaLebewa..obatumata

මේක srilankan song❤❤❤❤❤❤

ලස්සනයි pin

Thanxx❤️

අපේ වටිණා නිර්මාණ කිසිදාක වයසට නොයන නිර්මාණ කිසිම දාක මේ විදිහේ අර්ථවත් නිර්මාණ ආපහු බිහි වෙන්නෙත් නැ !

බුද්ධ දේශනාව යනු ,, අගමක් නොව හේතුපල දහමයි,, තේසං යනු ඒ රාග දේශ මොහ හේතු 3 යි මේවා අපි සැම ලගමයි තියෙන්නේ,, බුදු කෙනෙන් පහලවී සොතාවදානේ ප්‍රඥාව සුතමයේ ඥානය ලබාදෙන්නෙ ,, මේ හෙතුනිසා සත්වයෝ තමාම සසර ගමන දායාදය කරගන්න ආකාරයයි, එ අපේ ඇස කන නාසය දිව කය මන ගෝචරවෙන රූප ශබ්ද ගන්ද රස පහස සිතිවිලි වලට පටිච්ච වෙලා, අන්තවාදි උපාදානය කරගන්නා නිසායි, යද නිච්චං තං දුක්කාමෙයයි ,, අපි සමාජයයේදි, ගෙදරදි , තද නින්දේ නැතිව ඕනිම අවස්තාවක ,තැනක බාහිරින් දකින අරමුනුවන, අහන දැනේන පේන රූප ශබ්ද ගන්ද රස පහස සිතිවිලි ආදියට වර්තමාන මොහොතේ අපි සිතින් සංසංදනය කරමින් හොදදේ උපාදානය කර ගන්නවා මංඥතාවයෙන් මැනිමෙන් උපාදානය කර ගෙන ඒ සියල්ල අපේ වසගයේ අපිට ඕනිවිදියට කැමතිසේ මනාපයේ නිච්චසේ පවත්වගන්න නවත්වගන්න හදනවා , නමුත් මෙලෙස උපාදානය කර ගන්නා සංකාර කර ගත් හිතේ මතකසටහන් (සංකාරකර කර උපාදානය කරගත් සංඛත) එසේ දිගටම අපිට ඕන විදියට දිගටම පවත්වාගෙන යෑමට නවත්ගෙන තියාගන්න බැරිවෙනවා ,( ඒ කාලයගෙවීයෑමේදි ත්, වෙනස්වීමෙදීත් , මියයෑමේදීත් , ) එතනයි දුක නැමති පලය හටගන්නේ , සතුරාගේ මරනය සතුටක් , නෑයගේ මරනය දුකක් වෙන්න හේතුඅ මෙයයි , ඒනිසා අපි ආසාකරන, අදරය කරනසියල්ල විපරිනාමය ටපත්වනබව දැනගත්විට උපාදානයකර නොගෙන පරිහරනය කරනවා බිරිද , සැමීයා පවා, එවිට වෙනස්වුවත් දුකක්නෑ මේකතමයි එදා පටාචාරා රජ්ජුමාලා කිසාගෝත්මීයන් අම්බඔආලී දාරුකීරියලා තේරුම් ගත්තේ, මේ තමයි පටිච්චසමුප්පාද දහම හෙවත් හේතුපල දහම හොදටම හිතල කල්පනාකරල බලන්න දුක නැමති පලය උරුම කරන අරිය සත්‍ය නොවේද කියා , ,, ? මේ තමයි බුදු කෙනෙක් පහලවි දේශනා කරන හේතුපල දහම , උපාදානය නොකර පරිහරනය කරන මගයි බුදුවරු පෙන්වාදෙන්නේ, ඒ සදහායි සංකතය හිතේ සමුදයවෙන්න සංකාර නොකර රාග දේශ මොහ උපදින උපදින තැන කපාහැරීම උදුරා අස්කරදැමීම තුලින් දුකින් නිදහස් වීමට රාගක්ඛයෝ දේසක්ඛයෝ මෝහක්ඛයෝ නිබ්බානං කියා අනුදැනවදාලේ , නමුත් අද බුද්ධ ආගමේ , වෙනත් අගමකත්,මේ දම නෑ, මේය දෙවියන්ගෙ කැමැත්තට වෙන්නේත් නෑ , අපේ බුද්ධ ආගමේ රජසැප සිටුසැප දෙවිමිනිස්සැප කෙලේවර මතුබුදුවන මෛත්‍රී බූදුන්ලග නිවන් දකින්න ප්‍රාර්ථනා කරවන භක්තියෙන් අදහන වැදුම් පිදුම් යැදුම් පැතුම් කරමින් සුගති පැවැත්ම හදනවා විනා සමුදය නිරෝද කිරීමට මාර්ග ප්‍රතිපදාක් නැත , ආගම පැවැත්ට ,, හා දහම නැවැත්ම සදහායි,, පෙරපින් ඇති නිහතමානී සිව්හෙල වැසියන් අප්‍රමද ව මේ දර්මතාවය තේරුම් ගනිත්වා සුසිත් 0714413521 min of health www sirisaddharmaya lk and බෝපිටියේ දහම් පාසැල සිරිදේශයේ අරුත වඩසටහන් බලන්න

අනේ මේ වගේ නිර්මාණයක් කරපු රෝහණ බැද්දගේ ශූරීන්ට මේ පිනම ඇති.

thanks for the post.