Uran Kostreci në 82-vjetorin e lindjes së ka ndarë përmes një rrëfimi të kaluarën e tij që është një mesazh i fortë edhe për shoqërinë e sotme, pasi historia e persekutimit të tij dhe familjes nga regjimi komunist ka lënë gjurmë të paharrueshme tek ai.
Rëfimi i tij nis që në fazën e fëmijërisë, nisja e persekutimit të babait, pastaj ai vetë, vuajtja për 20 vite në burgun e Burrelit, apo përballimi i urisë dhe pengesave për t’u arsimuar.
Intervista me gazetarene e Fax News, Edona Haklaj:
“Së pari falenderoj televizionin tuaj, ju personalisht që më ftuat. Ju thatë se brezi i ri nuk e di, në njëfarë mënyre të kujtojë se çfarë ka ndodhur me këtë popull. Falenderoj ata që interesohen dhe Zotin për aftësinë që kam ende për të folur, për të vënë në dijeni brezat se çfarë kanë hequr njerëzit e këtij vendi, të parët e tyre. Më shumë se sa për veten time, më shumë qaj hallin se çfarë e gjeti popullin tim. Ishte aq e rëndë, aq e tmerrshme sa për fat të keq i shohim edhe sot pas 30 vitesh pasojat“, nis rrëfimin e tij Kostreci.
29 янв 2020
