عندما ترى الدماء تسيل ، وترى الخوف زال ، وترى الاعين تدمع لا خوفا من عصا الجلاد وأنما انتماء وحب للوطن . فاعلم ان القلب قد فاض شغفا في غد افضل .
Directed by
aoa_249@
beat by
omer.babiker@
cam man
__x.leo@
ــــــــــــــــــــــــــــــــــــــــــــــــــــــــــــــــــــــ
اشراف موسيقي :
امين بابكر
ـــــــــــــــــــــــــــــــــــــــــــــــــــــــــــــــــــ
كلمات الاغنية :
يا بلاد نيلك دمانا وعشنا فيك جراح
كم شهيد فارقنا غادر خلّا طيفو وراح
قاتل الاطفال بكابر كيف في يوم يرتاح
امو رافعه اليد تنادي وما بعيش سفاح
اعدومنا .. غربونا
تبقى كلماتي بتصارع في سجونها
عذبونا .. اقتلونا
شيلوا روح كرهت وجودكم واحرقونا
قال داك قصاص وقال
الحال هو الجاب الحال
فرعون بيجلالته وزال
تحكيك أيام وأجيال
ليه تعاون في البسمي الدم عمار اصلاح
في رقابكم دم ضحايا وذنبه ما بنزاح
قلَّة من قال الحقيقة منو البقول الصاح
كيف قدرت تنوم وتنسى وليه تموت ارواح
............................................
.
القاتل البسفك دمانا .. ليه رمانا
ليه تموت احلام صبانا .. ما رعانا
ربي هو البسمع دعانا .. هو المعانا
وما البفوت ما ليو حصانه .. ما برانا
.............................................
شفت كم عين بيك بكت .. منك شكت
عمره ما راجع ضميره وكيف ضمير انسان سكت
كيف نسيت راجيك لحد .. وربك أحد
ليه بقول احنا الخراب ،، ليه بكابر ليه جحد
سرنا في دربك سنين ولقينا دربك ضر
ما الشباب غادر دياره وشاف معاك المر
سطر التاريخ مسيرتك ظالمة ما بتسر
الحياة العشناها حرة وما بموت الحر
يبقى باقينا .. يحكي ماضينا
ضحكة الاطفال تثور ومنو البهدينا
يا اماسينا .. مره واسينا
قلنا سليمة ولقينا الموت بنادينا
بحكي عن ارض الاسود افداك يا سودان
لو نموت احنا ونفوت وترابه ما يتهان
ناقصة كلماتي في هواك الحاني ما الحان
يا عزيز تفضل عزيز ما يبقى فيك سجان
ــــــــــــــــــــــــــــــــــــــــــــــــــــــــــــــــــــــ
#مدن_السودان_تنتفض
#تسقط_بس
#رصاصة_رحمة
26 фев 2019
