#ukrayna #abş #rusiya #müharibə #nato #kiyev #kreml #moskva #savaş #todaypress #todaypresstv #xəbərlər #sosial #siyasət #idman #maraqlı #iqtisadiyyat #faydalı #sonxəbər #gündəm #aktual #news #video
“Ukraynada müharibə ilin sonuna kimi davam edəcək”.
Bunu politoloq Ramiz Yunus TodayPress-ə müsahibəsində deyib.
Onun sözlərinə görə, Avropanın Ukrayna münaqişəsinə yanaşması, ABŞ-yə nisbətən fərqlidir. Qoca qitənin liderləri Trampın hakimiyyətə gələ bilmə ehtimalını nəzərə alaraq, hazırlıq işlərinə başlayıblar. Onlar müdafiə xərclərini artırır, ordunun maddi-texniki bazasını təkmilləşdirirlər. Müharibəni dayandırmaq üçün Trampın gizli planından söz açan politoloq qeyd edib ki, münaqişənin başa çatması yalnız Ukrayna cəmiyyətinin özündən asılıdır:
“İndi Tramp iddia edir ki, Ukrayna müharibəsini dayandırmaq üçün gizli bir planı var. Amma o planın nə olduğunu demir. Nə gizlin plan ola bilər? Hər şey göz qabağındadır. Sən təbii ki, tərəflərdən birinə hədə-qorxu gələrək buna nail olacaqsan. Sadəcə burada ortalıqda böyük pullar, böyük oyunçular var. Amerika və Pentaqonun 5 faizi buna müdaxilə etdi. 10-15 faizi müdaxilə etsə idi, müharibə çoxdan bitmişdi. İndi maraqlıdır Pentaqon bundan sonra 10-15 faiz müdaxilə edəcək ya yox? Bunu etmək üçün əvvəla onun marağı olmalıdır. Ya Rusiya ilə ya Ukrayna ilə kəllə-kəlləyə gəlməlidir..”.
Siyasi təhlilçinin fikrincə, bu gün Ukrayna və Gürcüstanın üzləşdiyi problemlərin səbəbkarı ABŞ-nin o vaxtkı demokratik hakimiyyətidir. Xatırladaq ki, ABŞ prezidenti Barak Obamanın dövründə Cozef Bayden Amerikada vitse-prezident vəzifəsini icra edirdi. Ramiz Yunus əlavə edib ki, Donald Trampı müharibələr deyil, Amerikanın iqtisadi inkişafı, qazancı maraqlandırır:
“Ukraynadakı müharibə ilin sonuna kimi davam edəcək. Gələn il nə olacaq onu demək hələ tezdir. Gəlin baxaq Demokratların vitse-prezidenti kim olacaq, seçkilərin nəticəsi necə olacaq. Amma yenə də gec-tez bu müharibə bitəcək. Bunun üçün də əvvəlcə Çin və Amerika dilə gəlməlidir. Onlar dilə gəlməsə müharibə davam edəcək. Çünki hazırda bu iki ölkə güc mərkəzidir. Çin rəhbəri bu yaxında Ukraynanın xarici işlər nazirini qəbul edib. Son illərdə Ukraynanın heç bir nümayəndəsi Çinə getməmişdi. Bu Moskvanın özünə də bir mesaj idi ki, biz yavaş-yavaş gəlirik”.
Politoloq sonda əlavə edib ki, siyasət şahmat oyunu kimidir. Gərək bu oyunun qayda-qanunlarını biləsən, bu oyunda obyekt yox, subyekt olasan.
9 сен 2024
