S.O.F တပ်ဖွဲ့၏ အထူးစစ်ဆင်ရေးသင်တန်းဆင်းပွဲမှတ်တမ်း ဗီဒီယိုထုတ်ပြန် 

S.O.F တပ်ဖွဲ့၏ အထူးစစ်ဆင်ရေးသင်တန်းဆင်းပွဲမှတ်တမ်း ဗီဒီယိုထုတ်ပြန်
ဂန္ဒမာ
ရန်ကုန်(မဇ္ဈိမ)။ ။ အမျိုးသားညီညွတ်ရေးအစိုးရ၊ ပြည်ထဲရေးနှင့်လူဝင်မှုကြီးကြပ်ရေးဝန်ကြီးဌာန၊ တောင်ပိုင်းစစ်ဒေသကွပ်ကဲရေး၏ အထူးတိုက်ခိုက်ရေးနှင့် ချေမှုန်းရေး လက်ရင်းတပ်ဖွဲ့ဖြစ်သော အထူးစစ်ဆင်ရေးတပ်ဖွဲ့ - S.O.F ၏ အထူးစစ်ဆင်ရေး သင်တန်းဆင်းပွဲ မှတ်တမ်းဗီဒီယိုကို ယနေ့ စက်တင်ဘာလ ၃ ရက်နေ့တွင် ထုတ်ပြန်ထားသည်။
SPECIAL OPERATION FORCE (အထူးစစ်ဆင်ရေးတပ်ဖွဲ့ - S.O.F) ၏ ပထမဆုံးအထူးစစ်ဆင်ရေးသင်တန်းဆင်းပွဲကို ၂၀၂၁ ခုနှစ်၊ သြဂုတ်လ ၂၄ ရက်နေ့က KNU တပ်မဟာ (၆) နယ်မြေအတွင်း ကျင်းပခဲ့ခြင်းဖြစ်သည်။
အဆိုပါသင်တန်းဆင်းပွဲသို့ ကာကွယ်ရေးဝန်ကြီး ဦးရည်မွန်မှ သဝဏ်လွှာပေးပို့ခဲ့ပြီး ပွဲအခမ်းအနားအား ပြည်ထဲရေးနှင့် လူဝင်မှုကြီးကြပ်ရေး ဝန်ကြီးဌာန ပြည်ထောင်စုဝန်ကြီး ဦးလွင်ကိုလတ်၊ တောင်ပိုင်းစစ်ဒေသကွပ်ကဲရေး အဖွဲ့ဝင်များဖြစ်သော ဒုစစ်ဦးစီးမှူး၊ စစ်ဆင်ရေးဌာနတာဝန်ခံ၊ စိတ်ဓာတ်စစ်ဆင်ရေး ဌာနတာဝန်ခံနှင့် စစ်ဦးစီးအဖွဲ့ဝင်များ၊ တောင်ပိုင်းစစ်ဒေသကွပ်ကဲရေး ဌာနမှူးများနှင့် တာဝန်ရှိသူများ တက်ရောက်ခဲ့ကြကြောင်း သိရသည်။
ပထမဆုံး အထူးသင်တန်းဆင်းပွဲတွင် တိုက်ခိုက်ရေးနှင့် ချေမှုန်းရေးသမား(Killer) တပ်စု လေးစု၊ အထူးလက်ဖြောင့် (sniper) တပ်စု တစ်စု၊ ဒရုန်း(Drone)တပ်စု တစ်စုပါရှိပြီး တပ်ဖွဲ့ဝင်စစ်သည်အင်အား ၁၇၀ ဦးဖြစ်သည်။
အထူးတပ်ဖွဲ့ဝင်များအနေဖြင့် အခြေခံစစ်သင်တန်း - ၄၅ ရက်၊ Physical Training - ၄၅ရက်၊ မြို့ပြနှင့် ကျေးလက်စစ်ဆင်ရေး အထူးသင်တန်း - ၄၅ ရက်၊ စုစုပေါင်းသင်တန်းကာလ လေးလခွဲကြာ အထူးသင်တန်းများကို အောင်မြင်စွာ လေ့ကျင့်သင်ကြား ပြီးမြောက်ခဲ့သည်။
သင်တန်းဆင်းတပ်ဖွဲ့ဝင်များသည် ၂၀၂၁ ခုနှစ်၊ စက်တင်ဘာလ ၇ရက်နေ့၊ ပြည်သူ့ခုခံတော်လှန်စစ် ကြေညာသည့်အချိန်မှစ၍ မြို့ပြစစ်ဆင်ရေးနှင့် ကျေးလက်စစ်ဆင်ရေးတာဝန်များ၊ တပ်ဖွဲ့၏ ထောက်/ပို့တာဝန်များ၊ ဆင့်ပွားသင်တန်းတာဝန်များနှင့် အခြားသော တာဝန်များကို ကဏ္ဍအလိုက် စတင်တာဝန်ထမ်းဆောင်နေပြီဖြစ်ကြောင်း ထုတ်ပြန်ထားသည်။
စာတည်း။ ။ ဖူးသိမ်ကျ
စာမူတည်းဖြတ်။ ။ သန့်ဇော်(သန်လျင်)
#NUG
#အထူးစစ်ဆင်ရေးတပ်ဖွဲ့-S.O.F
#သဝဏ်လွှာ
#စစ်သင်တန်း
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. bit.ly/2VhJ12U
Free Download -- Mizzima TV App -- onelink.to/jnuwak/
Follow us on other platforms :
Facebook ( Myanmar Language)- / mizzimadaily
Facebook (English language)- / mizzimamyanmarnews
Facebook (Mizzima+TV)- / mizzimaplustv
Twitter / mizzimanews
Telegram t.me/mizzimatv/
Website : www.mizzima.com/ www.mizzimaburmese.com/
www.mizzima.tv/
...............................................
About Us :
Mizzima TV is an Online TV content provider that is run by Burmese journalists who are based in neighboring countries of Burma (Myanmar).We strive to produce world-class contents for Burmese as well as those who care about Burma affairs.
......................................................