SALAMAT APU
Lyrics by Fr. Ronnie D.Cao
Music & Arrangement by Mr. Froilan D. Tolentino
Interpreted by Mrs. Farina Lacsamana-Tolentino
Metung mu ing kekong nasa
Manibat pa king umpisa
King bie makapagtamasa
At akabiusan ing dusa
Antimo ing kekaming guia
Parati kong manupaya
Tutulu pawas yu’t daya
Ba keng miras banua at magsaya
Salamat Apu, salamat king tula
Salamat Apu, king lugud yung maula
Lubus kaming misaplala
Inya tune keng mipala
Salamat Apu salamat king sabla
Miyaliwa yung paganaka
Sukat mi lang aganaka
Ekami migaganaka
Uling ning kekayung ganaka
Antimo ing kekaming guia
Parati kong manupaya
Tutulu pawas yu’t daya
Ba keng miras banua at magsaya
Salamat Apu, salamat king tula
Salamat Apu, king lugud yung maula
Lubus kaming misaplala
Inya tune keng mipala
Salamat Apu salamat king sabla
Salamat Apu, salamat king tula
Salamat Apu, king lugud yung maula
Dakal pa sa ing agawa
Ban bie maging yang manawa
Salamat Apu salamat king sabla
12 окт 2024