Salyanda rayon sakininin düzəltdiyi qeyri-adi traktor görənlərin marağına səbəb olub. Traktorun qoşqusunu müxtəlif texnikaların hissəsindən yığan rayon sakini bununla yer şumlayır, yük daşıyır. Bu qeyri-adi traktor qoşqusu ilə birlikdə 3 tondan çox yükgötürmə qabiliyyətinə malikdir.
Salyanın Şorsulu kənd sakini, 56 yaşlı Həsən Abbasov uzun müddət kənd təsərrüfatı bitkilərinin əkilib-becərilməsində müxtəlif traktorlardan istifadə edib. O, 6 ay bundan əvvəl kənd təsərrüfatında daha çox lazım olan texnika yaratmaq fikrinə düşür. Elə bu məqsədlə Həsən, özünəməxsus “Belarus” traktoru üçün üç texnikanın hissəsindən yeni qoşqu quraşdırır. Həmin qoşqu ilə kənd yollarını, eləcə də əkin sahələrinin düzənləməklə kənd sakinlərinə yaxından kömək edir.
Digər texnikalara nisbətən “Belarus” traktoru həmin qoşqu ilə rahat manevr edir, sahələr arasına yollar çəkir və digər işləri həyata keçirir. Həsənin yeni texnikasına indi kənddə təlabat daha da çoxalıb.
Kənd sakinləri bu texnikanın digər texnikalardan ucuz başa gəldiyini, bunun da onlara təsərrüfat işlərində sərf etdiyini bildirirlər.
Həsən Abbasov yaxın gələcəkdə daha bir yeni texnika düzəltmək niyyətindədir.
4 сен 2017