AZƏRBAYCAN RESPUBLİKASI SƏHİYYƏ NAZİRLİYİ
SANATOR-KURORT REABİLİTASİYA MƏRKƏZİ
PUBLİK HÜQUQİ ŞƏXSİ
SANATOR-KURORT REABİLİTASİYA MƏRKƏZİ - (SKRM)
Mərkəzdə 250 nəfərin qəbulu, müalicə, tibbi bərpa və istirahətinin yüksək səviyyədə təmin olunması nəzərdə tutulub.
Xəstələrə yüksək dərəcəli ixtisaslaşdırılmış çoxprofilli bərpa müalicə xidmətləri göstərilir.
Mərkəzə müraciət edən xəstələr tam və ətraflı müayinə edilməklə, reabilitasiya müalicə paketləri ilə təmin olunur.
Xəstələrin etap müalicəsi, poliklinika və xəstəxana ardıcıllığı davam etdirilir və xəstələrin fiziki-psixoloji reabilitasiyasına nail olunur.
Genişləndirilmiş və təkmilləşdirilmiş dispanser müşahidə üsullarından istifadə olunur.
Böyüklərdə əlilliyə səbəb olan xəstəliklərin erkən aşkarlanması, onun reabilitasiya olunması ilə əlilliyin qarşısının erkən alınması xidmətləri göstərilir.
Uşaqlıq dövrünə xas olan əlilliyin öncədən aşkarlanması, onun profilaktikası və erkən müdaxiləsi təşkil edilir. Bununla da, uşadların əlilliyin yaranmasının qarşısının alınmasına nail olunur.
Mərləzin fəaliyyət tarixçəsi.
Buzovna qəsəbəsində yerləşən Azərbaycan Respublikasının Səhiyyə Nazirliyinin Sanator Kurort Reabilitasiya Mərkəzi Azərbaycan Respublikasının prezidenti İlham Əliyev cənablarının rəhbərliyi altında tikilən ən müasir tələblərə cavab verən səhiyyə mərkəzidir. Bu müəssisə Səhiyyə Nazirliyi tərəfindən yüksək keyfiyyətli avadanlıqlar və böyük praktikaya sahib olan tibbi personal ilə təmin olunmuşdur.
Sanator Kurort Reabilitasiya Mərkəzi 14 noyabr 2020-ci il tarixindən birinci-vitse prezident Mehriban Xanım Əliyevanın təşəbbüsü ilə torpaqlarımızın bütövlüyü ugrunda şücaət və qəhrəmanlıq göstərən, “Vətən Müharibəsi” Qazilərininin istifadəsinə verilmişdir.
Bundan əlavə, Səhiyyə Nazirinin müvafiq əmrinə əsasən, Şəhid valideyinlərinə, Şəhid övladlarına (anaları ilə bərabər) və Ukrainada müharibə nəticəsində valideynlərini itirmiş uşaqlara yay istirahəti və müalicə-bərpa xidmətləri göstərmişdir.
8 сен 2022