Sarada Devi Stotram|Prakritim Paramam|শ্রীসারদাদেবী স্তোত্রম্|প্রকৃতিং পরমামভয়াং bengali lyrics 

স্তোত্রম্: প্রকৃতিং পরমামভয়াং বরদাং
নররূপধরাং জনতাপহরাম্ ।
শরণাগতসেবকতোষকরীং
প্রণমামি পরাং জননীং জগতাম্ ।।
গুণহীনসুতানপরাধযুতান্
কৃপয়াদ্য সমুদ্ধর মোহগতান্ ।
তরণীং ভবসাগরপারকরীং
প্রণমামি পরাং জননীং জগতাম্ ।।
বিষয়ং কুসুমং পরিহৃত্য সদা
চরণাম্বুরুহামৃতশান্তিসুধাম্ ।
পিব ভৃঙ্গমনো ভবরোগহরাং
প্রণমামি পরাং জননীং জগতাম্ ।।
কৃপাং কুরু মহাদেবি সুতেষু প্রণতেষু চ।
চরণাশ্রয়দানেন কৃপাময়ী নমোহস্তু তে ।।
লজ্জাপটাবৃতে নিত্যং সারদে জ্ঞানদায়িকে ।
পাপেভ্যো নঃ সদা রক্ষ কৃপাময়ি নমোস্তু তে ।।
রামকৃষ্ণগতপ্রাণাং তন্নামশ্রবণপ্রিয়াম্ ।
তদ্ভাবরঞ্জিতাকারাং প্রণমামি মুহুর্মুহুঃ ।।
পবিত্রং চরিতং যস্যাঃ পবিত্রং জীবনং তথা ।
পবিত্রতাস্বরূপিণ্যৈ তস্যৈ দেব্যৈ নমো নমঃ ।।
দেবীং প্রসন্নাং প্রণতার্তিহন্ত্রীং
যোগীন্দ্রপূজ্যাং যুগধর্মপাত্রীম্ ।
তাং সারদাং ভক্তিবিজ্ঞানদাত্রীং
দয়াস্বরূপাং প্রণমামি নিত্যম্ ।।
স্নেহেন বধ্নাসি মনোহস্মদীয়ং
দোষানশেষান্ সগুণীকরোষি ।
অহেতুনা নো দয়সে সদোষান্
স্বাঙ্কে গৃহীত্বা যদিদং বিচিত্রম্ ।।
প্রসীদ মাতর্বিনয়েন যাচে
নিত্যং ভব স্নেহবতী সুতেষু ।
প্রেমৈকবিন্দুং চিরদগ্ধচিত্তে
প্রদায় চিত্তং কুরু নঃ সুশান্তম্ ।।
জননীং সারদাং দেবীং রামকৃষ্ণং জগদগুরুম্ ।
পাদপদ্মে তয়োঃ শ্রিত্বা প্রণমামি মুহুর্মুহুঃ ।।
----স্বামী অভেদানন্দ
Subscribe my RU-vid Channel
ru-vid.com/show-UCnq-...
Like my FB page
/ sstrpd
Visit my Blog
sstrpd.blogspot.com/
Follow me on Google+
plus.google.com/1177522576550...
Thank you.
The audio is not my Property. uploaded for listening pleasure.No intention to infringe the copyright.
It contains music by an audio company who may/ or may not run advertisements on it.

Видеоклипы