(දඹුල්ල කාංචන කුමාර ආරියදාස 0773416157)
2022.01.17
වෙනස් විදිහට හිතන මෙහෙම ගෑහැණු දැක තිබේද ?
ඇයගේ ලිපිනය ජී .ජී .සරෝජා සඳමාලි හේමතිලක 22 ඩි 1 ඉහල ඇරෑවුල ,දඹුල්ල ලංකා බැංකුවේ ගිණුම් අංක 80305633
දඹුල්ල ප්‍රාදේශීය ලේකම් කොට්ඨාසයේ ඉහල ඇරෑවුල ග්‍රාමසේවා වසමේ පදිංචි ජී. ජී . සරෝජා සඳමාලි හේමතිලක නම් වූ තිස් පස් හැවිරිදි දෙදරු මව සිය පියා සමඟ ජීවන සටනක නිරතව සිටින්නීය.
ඇය පිළිබඳව මීට පෙර "සමාජ ඇස" හරහා අප රට දැනුවත් කලේ කිසිදු ආර්ථික ශක්තියක් නොමැතිව තමා දරු දෙදෙනා සමග අසරණව ජීවත් වන ඇය අක්කර දෙකක පමණ හිස් භූමියක් තමන් සතුව පැවතීයද වගා කර ගැනීමට ජලය තිබුණේ නම් තමන්ට මුළු අක්කර දෙකක භූමිය වගා කර ගැනීමට හැකි බව ඇය කල කතාවයි .
"සමාජ ඇස "දුටු ආදරණීය හිත්වතෙකු රුපියල් ලක්ෂ දෙකකට ආසන්න මුදලක් වියදම් කරමින් ඇයට අඩි සියයකට වැඩියි නල ලිදක් තනා වගා කිරීමට අවැසි පහසුකම් සපයා දීම සිදු කරන ලදී.
මේ වන විට ඇය අක්කර 2ක මුඩුබිම සම්පූර්ණයෙන් වගා කිරීමේ දැඩි සටනක නිරත වෙමින් අස්වනු නෙළා ගැනීම ද සිදු කර මින් සිටියින්නීය.
එමෙන්ම සරෝජා අනාගතය ගැන සිතා මේ වන විට ස්ථිර බෝග වගාවන් වලට යොමුවී තිබේ.එමෙන්ම කෙටි කාලීන බෝග පලතුරු ආදී සියල්ල මෙම මුඩුබිමේ සරු කොට ඇති යකඩ කාන්තාවකි.
අදටද කටුමැටි ගැසූ කුඩා පැළක ජීවත්වන ඇය දරුවන් දෙදෙනකුගේ මවකි. ඇයගේ මීළඟ ඉලක්කය බවට පත්ව ඇත්තේ කඩා වැටීමට ආසන්න නිවසට කාමර දෙකක් ඉදි කර ගැනීමය .ඒ සඳහා ඇය අඩි අඩිතාලම දමා තිබේ . නිවස තනා ගැනීම සඳහා ගඩොල් කපා වෙන්කොට තිබේ .ලී දඬු ඉරා සක්සා ගෙන තිබීමද විශේෂත්වයකි
එමෙන්ම ඇයගේ එකම බලාපොරොත්තුව බවට පත්ව ඇත්තේ කෙසේ් හෝ මහ පොළොව සමඟ පොර බදිමින් නිවස ඉදි කර ගැනීමය.
බොහෝ දෙනා අනුන්ගෙන් යැපීම්ට උත්සාහ දරද්දී මහපොළොව සමග පොර බදින්නට උත්සාහ කරන මෙවැනි කාන්තාවෝ ඉතා විරලය . පිරිමියෙකුට වඩා හයි හත්තියක් ඇති ඇය මුළු මහත් සමාජයටම ආදර්ශමත් කාන්තාවකි.
අක්කර දෙකක විශාල ඉඩමේ ස්ථිර බෝග වල යටි තණකොළ කපා ගැනීම සඳහා ඇයට තණකොළ කපන යන්ත්‍රයක් මිලදී ගැනීම ඉතා අත්‍යවශ්‍ය කාරණාවක් බව ඇය සඳහන් කළාය.
මෙම දිරිය කාන්තාවට තවදුරටත් ශක්තියක් වන්නට ඔබටත් හැකි නම් එය ඇයට කරන සුවිශාල වූ උදව්වකි. ඇයගේ ලිපිනය ජී .ජී .සරෝජා සඳමාලි හේමතිලක 22 ඩි 1 ඉහල ඇරෑවුල ,දඹුල්ල ලංකා බැංකුවේ ගිණුම් අංක 80305633
16 янв 2022
