సర్వం విష్ణుమయం - అన్నమయ్యసంకీర్తన (Sarvam Vishnumayam - Annamayya Sankeerthana)
Singer - Vanijayaram garu; Composer - L Krishnan;
(Courtesy - TTD & Sri Venkateswara Recording Project)
Lyrics -
"సర్వం విష్ణుమయం" బను భావము సత్యం బిన్నిటను
సర్వేశ్వరుఁడే పొందేటి వస్తువు శరణాగతి యే వుపాయము
తాననియెడిబుద్ధి దైవంబందు నునిచి
తానే తనమతి మరచిన సుఖతత్వానందమిది
మేననియెడిబుద్ది యీ మేదిని ప్రకృతియందు
ఆనింపుచుఁ దా మమతలు విడిచిన నాత్మజ్ఞానంబు
పొరలి జగమనేబుద్ధి మాయపై నునిచి
పరగినయింద్రియముల గెలిచినదే పరమపుయోగంబు
పొరిఁ గర్మపుబుద్ధి పుట్టువుపై నునిచి
వెరపునఁబాపము బుణ్యము విడుచుట వివేకమగుదుదిపదము
వెలిఁ దోఁచినబుద్ధి వేగమే లోనునిచి
చలమున చంచల ముడిగియుండుటే సమాధిలక్షణము
పలుభావపుబుద్ధి భక్తి వొకట నునిచి
యెలమి శ్రీవేంకటపతి గలయుటే యిది తుర్యావస్థ
23 сен 2024