එක්සත් රාජධානියේ වයඹ ශ්‍රී ලංකා සංගමය ( North West Sri Lankan Association -UK ) මඟින් 2002 අප්‍රේල් 28 වෙනිදින මැන්චෙස්ටර් නුවරදී සංවිධානය කල පණ්ඩිත් අමරදේවයන්ගේ " අමර ගී සර " ප්‍රසංගයේදී එතුමා " සතරවරම් දෙවි මහරජ " ගීතය ගායනා කල ආකාරයයි මේ.
මෙම ගීතයේ පදරචනය රත්න ශ්‍රී විජේසිංහ ගේය.
එදා අමරදේවයන් සමඟ එතුමාගේ දයාබර බිරිඳ වන විමලා අමරදේව,විජේරත්න රණතුංග, ඩී. ඩී.ගුණසේන, ජගත් වික්‍රමසිංහ සහ නාලක අංජන කුමාර එම සංචාරයට සහභාගී වුහ. එම සංචාරය සංවිධානය කලේ ලන්ඩන් නුවර පිහිටි ශ්‍රී ලාංකික සහනාධාර සංවිධානයක් වන " හෙළ සරණ " මඟිනුයි.
"හෙළයේ මහා ගාන්ධර්වයා" ලෙසින් සියලුදෙනා හද පිරි භක්තියාදරයෙන් හඳුන්වනු ලබන අමරදේවයන්ගේ මෙවන් ගීත යලි ප්‍රසිද්ධ කරනු ලබන්නේ එතුමන් සිදුකල අනුපමේය සේවාව පිළිබඳව මතක ආවර්ජනය කර එතුමන්ගේ ඒ අසාමාන්‍ය අපුරු නිර්මාණ යලි යලිත් සිහිපත් කරමින් ප්‍රාණවත් කිරීම සඳහා පමණකි. එමනිසා මෙම පටිගත කිරීම් මොනයම්හෝ ආකාරයකින් මුදල් ඉපයීම සඳහා භාවිතා නොකරන ලෙසට එතුමන්ට කරන උපහාරයක් වශයෙන් කරුණාවෙන් ඉල්ලා සිටිමු.
බොහොම ස්තුතියි.
22 сен 2024
