Second Opinions [16] - ការព្យាបាលជំងឺហឺត (Case Study#16 : Bronchial Asthma) 

អាចមិនមែនជាជំងឺហឺតទេ ព្រោះហឺតគឺកើតឡើងម្ដងៗប៉ុណ្ណោះ។ គួរទទួលការពិនិត្យនិងសាកសួរអំពីរោគសញ្ញាផ្សេងទៀត ឬ ប្រវត្តិជំងឺពីមុនមក ពីគ្រូពេទ្យនៅមន្ទីរពេទ្យ ព្រោះនោះអាចជារោគសញ្ញានៃជំងឺផ្លូវដង្ហើម ឬ ជំងឺបេះដូង ឬថ្លើម។ល។ ដូច្នេះ សូមស្វែងរកគ្រូពេទ្យដែលអាចធ្វើរោគវិនិច្ឆ័យនិងការព្យាបាលបាន។

អាចជាជំងឺហឺតឬបញ្ហាណាមួយនៅក្នុងសួត។ ការប្រើថ្នាំគឺត្រូវតាមដានជាប្រចាំ ហើយអាចត្រូវប្រើឧបករណ៍ថតសួតជាដើម ដូច្នេះ​ សូមពិគ្រោះជាមួយគ្រូពេទ្យ ដើម្បីបន្តតាមដានជំងឺ និង ប្រើថ្នាំតាមការណែនាំ រហូតជាសះស្បើយ។ អាចសាកល្បងពិគ្រោះនៅមន្ទីរពេទ្យខាងក្រោម: goo.gl/maps/VDEgEejZeKy4ckey9

ប្រហែលជាមិនមែនជំងឺហឺតទេ។ នៅក្នុងជំងឺហឺត គឺមានរោគសញ្ញាពិបាកដកដង្ហើមខ្លាំង ដោយសារបំពង់ខ្យល់រួមតូច។

សុំទោសដែលឆ្លើយតបយឺត 🙏 សូមស្វែងរកនៅតាមគ្លីនិកពិគ្រោះជំងឺ ដោយឱសថទាំងនេះនឹងត្រូវបានផ្ដល់ឱ្យដោយគ្រូពេទ្យ ក្រោយឆ្លងកាត់ការពិនិត្យនិងរោគវិនិច្ឆ័យត្រឹមត្រូវ។

តំណពូជជាកត្តាមួយ ប៉ុន្តែ មិនទាំងស្រុងទេ ហើយក៏មានជំងឺហឺតដែលកើតឡើងនៅពេលពេញវ័យហើយដែរ។ ជំងឺហឺតត្រូវបានចាត់ចូលជាជំងឺអាលែកហ្ស៊ី ហើយគឺជាធម្មជាតិរាងកាយរបស់មនុស្ស ព្រោះយើងម្នាក់ៗអាចមានអាលែកហ្ស៊ីទៅនឹងអ្វីមួយខុសៗគ្នាតិចឬច្រើន។ ដូច្នេះ មិនអាចព្យាបាលជាដាច់នោះទេ គ្រាន់អាចគ្រប់គ្រងអាការៈ ហើយគួរព្យាយាមចៀសវាងវត្ថុដែលជាដើមហេតុ។

ថ្នាំគ្រប់គ្រងជំងឺហឺតមានច្រើនប្រភេទនិងសុទ្ធសឹងមានប្រសិទ្ធភាពខ្ពស់ ដូច្នេះ សូមពិគ្រោះយោបល់ជាមួយគ្រូពេទ្យនៅមន្ទីរពេទ្យដើម្បីទទួលបានថ្នាំប្រើប្រាស់។ ថ្នាំភាគច្រើនជាប្រភេទថ្នាំបាញ់ ដូច្នេះ សូមសាកល្បងប្រើថ្នាំដូចនោះឱ្យបានស្ទាត់ ព្រោះថ្នាំបាញ់ដែលប្រើមិនបានត្រឹមត្រូវ គឺមិនអាចជ្រាបដល់ទង់សួតទេ។ ម្យ៉ាងទៀត គួរចៀសវាងកត្តាដែលធ្វើឱ្យងាយរើអាការៈហឺតឡើង ដូចជា ផ្សែងបារី(រួមទាំងស្រូបពីអ្នកជក់បារី) ខ្យល់ត្រជាក់(ពីម៉ាស៊ីនត្រជាក់ជាដើម) ធូលីដី គ្រឿងស្រវឹង អាហារដែលសម្គាល់ថាមានប្រតិកម្មអាលែកហ្ស៊ី ។ល។ 😊

សុំទោសដែលឆ្លើយតបយឺត 🙏 ការមានផ្ទៃពោះអំឡុងពេលមានជំងឺហឺត គឺមានហានិភ័យនៅពេលរើអាការៈម្ដងៗ ព្រោះប្រសិនបើម្ដាយមិនអាចដកដង្ហើមបានគ្រប់គ្រាន់ទេ នោះកូនក្នុងផ្ទៃក៏មិនអាចស្រូបអុកស៊ីសែនបានគ្រប់គ្រាន់ដែរ។ ដូច្នេះ ការគ្រប់គ្រងជំងឺហឺត ចៀសវាងការរើអាការៈ ក្នុងអំឡុងពេលមានផ្ទៃពោះ គឺសំខាន់ខ្លាំង។ មានន័យថា គួរប្រើឱសថព្យាបាលជំងឺហឺតឱ្យបានទៀងទាត់រាល់ថ្ងៃ ក្រោមការពិនិត្យតាមដានពីគ្រូពេទ្យជំនាញព្យាបាលជំងឺហឺត។ ម្ដាយមួយចំនួនបោះបង់ការប្រើថ្នាំ ព្រោះខ្លាចប៉ះពាល់ដល់កូន ប៉ុន្តែ ប្រសិនបើមិនអាចគ្រប់គ្រងអាការៈហឺតបានទេ នោះនឹងប៉ះពាល់កូនកាន់តែឆាប់រហ័ស។ បច្ចុប្បន្ន មានថ្នាំច្រើនប្រភេទដែលប្រើដោយស្រូប ហើយមិនប៉ះពាល់ដល់ទារក្នុងផ្ទៃទេ។ ការជ្រើសរើសថ្នាំគឺត្រូវពឹងផ្អែកលើគ្រូពេទ្យ។

ជំងឺហឺតត្រូវបានចាត់ចូលជាជំងឺអាលែកហ្ស៊ី ហើយយើងម្នាក់ៗអាចមានអាលែកហ្ស៊ីទៅនឹងអ្វីមួយខុសៗគ្នាតិចឬច្រើន។ ក្នុងនោះ គ្រឿងសមុទ្រ សត្វឆ្មា ឬ ឆ្កែ សណ្ដែកដី ស៊ុត ជាដើម គឺជាធាតុដែលមនុស្សច្រើនមានអាលែកហ្ស៊ី ប៉ុន្តែ មិនមែនជាមូលហេតុចំពោះគ្រប់ករណីនៃជំងឺហឺតឬអាលែកហ្ស៊ីទេ ដូច្នេះ សម្រាប់អ្នកដែលគ្មានអាលែកហ្ស៊ីនឹងរោមឆ្មាឬឆ្កែទេ ទោះជាលេងឱបថើប ក៏មិនកើតអាការៈហឺតដែរ។ ជំងឺហឺតគឺជាធម្មជាតិរាងកាយរបស់មនុស្ស(ជាប់ក្នុងសែន) ដូច្នេះ មិនអាចព្យាបាលជាដាច់នោះទេ គ្រាន់អាចគ្រប់គ្រងអាការៈ ហើយគួរព្យាយាមចៀសវាងវត្ថុដែលជាដើមហេតុ ចៀសវាងផ្សែងបារី ធូលីដី ការប្រែប្រួលសីតុណ្ហភាពភ្លាមៗ(ក្ដៅត្រជាក់)។ ករណីខ្លះគឺអាចកើតឡើងនៅក្រោយការធ្វើលំហាត់ប្រាណ សូមសង្កេត ហើយបើដូច្នោះ សូមកាត់បន្ថយសកម្មភាពទាំងនោះដែរ។ សម្រាប់ថ្នាំគ្រប់គ្រងអាការៈហឺត ករណីស្រាល គឺអាចប្រើតែមួយមុខប៉ុណ្ណោះ ដូច្នេះ គួរពិគ្រោះជាមួយគ្រូពេទ្យដើម្បីបន្តប្រើថ្នាំដែលត្រូវនឹងខ្លួន។ ❤️

សូមតាមដានសុខភាពជាមួយនឹងគ្រូពេទ្យផ្នែកសម្ភព ដោយប្រាប់គាត់អំពីជំងឺហឺត អាចសាកល្បងទៅមន្ទីរពេទ្យខាងក្រោម: goo.gl/maps/jKDUBvJvGUH3BMFv9

@@IMATOKUCAMBODIAChannel សព្វថ្ងៃខ្ញុំទៅពេទ្យវៀតណាម (ពេទ្យនៅតាមទីរួមស្រុកគេ) គេអោយថ្នាំ និងមានថ្នាំ Asthmas ដែរ តែត្រូវលេបម្តងមួយអាទិត្យ តែបើអស់ថ្នាំយប់ឡើងធ្វើទុក្ខវិញរហូត។ ខ្ញុំទៅជួបគេរាល់មួយអាទិត្យ ឬ១០ថ្ងៃម្តង។

សុំទោសដែលឆ្លើយតបយឺត 🙏 ជំងឺហឺត អាចត្រូវប្រើថ្នាំរយៈពេលយូរ ដូច្នេះ ប្រសិនបើអាចគ្រប់គ្រងអាការៈបាន គួរបន្តប្រើថ្នាំនោះ។ ប៉ុន្តែ សូមសាកល្បងពិភាក្សាជាមួយគ្រូពេទ្យ ដើម្បីសុំការផ្ដល់ថ្នាំច្រើនជាងនេះ ឬ ប្ដូរទៅជាថ្នាំដែលអាចប្រើច្រើនដងជាងនេះ ព្រោះពិបាកធ្វើដំណើរទៅញឹកញាប់ដូចនោះ។ ការពិបាកទទួលការព្យាបាលអាចជាហេតុផលធ្វើអោយបោះបង់ការព្យាបាល។ 😊

ប្ដីញុមកើតជំងឺហឺតមកយូឆ្នាំហើយលេបថ្នាំក៏មិនបានធូមានថ្នាំលេបទៅបានធូអត់ប្រើថ្នាំដូចរូបខាងលើហើយមិនបានធូសោះ

ប្រសិនបើជាអាការៈរ៉ាំរ៉ៃ និង មានឈឺចាប់ សូមរួសរាន់ពិគ្រោះជាមួយគ្រូពេទ្យ 😊

@@IMATOKUCAMBODIAChannel អត់មានអាការៈរាំរុី ឈឺចាប់អីទេ អ្នកគ្រូ គឺធម្មតា

Channel ខាងក្រោម ហាក់ដូចជាមានព័ត៌មានច្រើនទាក់ទងនឹងសុខភាពមករដូវ 😊 ru-vid.comvideos

ដូចបង្ហាញក្នុងវីដេអូដែរ ឱសថគ្រប់គ្រងជំងឺហឺតគឺមានច្រើនប្រភេទ ដូច្នេះ ការជ្រើសរើសប្រភេទថ្នាំដែលត្រូវនឹងស្ថានភាពអ្នកជំងឺគឺសំខាន់ខ្លាំងណាស់។ សូមកុំអស់សង្ឃឹម និង សូមស្វែងរកគ្រូពេទ្យជំនាញដែលអាចវិនិច្ឆ័យនិងជ្រើសរើសឱសថដែលសមស្រប។ ម្យ៉ាងទៀត ករណីប្រើឱសថបាញ់ សូមពិនិត្យរបៀបប្រើប្រាស់ឱ្យបានត្រឹមត្រូវ ដើម្បីប្រាកដថាចំហាយថ្នាំបានចូលដល់ក្នុងផ្លូវដង្ហើមបានគ្រប់គ្រាន់។

@@IMATOKUCAMBODIAChannelអរគុណណាស់លោកគ្រូពេទ្យ

ការគ្រប់គ្រងជំងឺហឺត ត្រូវការការតាមដានពីគ្រូពេទ្យ និង ប្រើថ្នាំជាទៀងទាត់។ ដូច្នេះ សូមស្វែងរកគ្រូពេទ្យជំនាញដែលអាចផ្ដល់ការពិនិត្យច្បាស់លាស់និងការព្យាបាលជាទៀងទាត់តទៅ។

ជំងឺហឺតគឹជាជំងឺដែលពិបាកព្យាបាលឱ្យជាសះស្បើយ ប៉ុន្តែ ការប្រើឱសថបានទៀងទាត់ អាចគ្រប់គ្រងរោគសញ្ញាបានច្រើន មិនរំខានដល់ការរស់នៅប្រចាំថ្ងៃទេ។

សូមស្វែងរកមូលហេតុនៃការហត់នោះ អាចជាជំងឺក្នុងប្រព័ន្ធដង្ហើម ឬ ជាជំងឺនៃសរីរាង្គផ្សេងទៀត។ ដូច្នេះ អាចសាកល្បងដោយផ្ដើមពីការពិនិត្យសុខភាពពេញរាងកាយ។ ក្រោយដឹងមូលហេតុ ទើបការប្រើឱសថមានប្រសិទ្ធភាព។

ប្រហែលមិនមែនជាជំងឺហឺតទេ។ នោះអាចជារោគសញ្ញាដង្ហក់ពេលបេះដូងត្រូវការច្របាច់ឈាមខ្លាំង មិនមែនបញ្ហាទងសួតក្នុងជំងឺហឺតទេ។ ប្រសិនបើមានទម្លាប់ពិសាបារី សូមប្រយ័ត្នចំពោះជំងឺCOPD។

ចំណុចគួរសង្ស័យថាជាជំងឺហឺត គឺអាការៈពិបាកដកដង្ហើមខ្លាំងរើឡើងម្ដងៗ ហើយងាយកើតឡើងនៅពេលយប់ឬទាបភ្លឺ។ សូមពិនិត្យអាការៈទាំងនេះ។ ប្រសិនបើមានទម្លាប់ជក់បារី ឬ ធ្វើការងារនៅក្នុងបរិស្ថានខ្យល់អាកាសមិនល្អជាដើម គឺនោះអាចជាមូលហេតុធ្វើឱ្យរលាកដង្ហើមញឹកញាប់។ 😊