෴සෙනෙහස රන් සිංහාසන හදේ මැවෙනවා෴
.
දරු නැළවිලි හා බැඳුණු ගී කොතරම් ඇතත්, මේ ගීතය ඒවා අතරින් විශේෂිත එකකි. මහා ප්රජාපතී ගෝතමියගේ උකුළේ නැළවෙන සිදුහත් කුමරුගේ පින්වත් බව, තම සිඟිත්තාටත් ඇති බව හැම මවකටම දැනෙන බව පැවසීමට “ජෝර්ජ් ලෙස්ලි රණසිංහ” නම් ගීත රචකයා දරා ඇති උත්සාහයයි මේ.
.
ගීත රචකයෙකු, ජනමාධ්යවේදියෙකු මෙන්ම සිනමාවේදියෙකුද වූ ජෝර්ජ් ලෙස්ලි රණසිංහ මහතා අතින් ඉතා ජනප්රිය ගීත රැසක් ලියවී ඇත. “සොඳුරු ලොවට මල් වැහැලා, ලස්සන ලෝකෙක ඉපදීලා, ආදර කිතියෙන් හද සැලුනා, බඹරා වගේ ඇත තවම විසේ, නොමඟ නොයන් පුතේ - ඔබට රටක් ඇතේ” එවායින් කිහිපයකි.
.
1950 දශකයේ සිට මාර්ටින් වික්රමසිංහ ශූරීන්, මීමන ප්රේමතිලක කිවිඳානන් වැනි උගතුන් ඇසුරේ කලා කටයුතු වල නියැලුනු ජෝර්ජ් ලෙස්ලි රණසිංහයන්, 2008 ජූලි මස 03 වැනි දින ලොවෙන් සමුගත්තේය.
----------------------------------------------------
.
සෙනෙහස රන් සිංහාසන හදේ මැවෙනවා
මතු සක්විති රජෙක් මගේ උකුලෙ නිදනවා
.
සුවඳ හැමූ යහන් ගැබේ සෙමෙර සලනවා
වෙසක් මහේ මලක් වගේ කුමරු නිදනවා
කිඹුල්වතින් එන පවනේ සුවය දැනෙනවා
පිනැති පුතුන් උපන් රටට ඉසුරු පිරෙනවා
.
මධු ගංගා දෙතොල් අතර හැපී බිඳෙන්නේ
රුවන් පුළුන් වළා විමන් මත දැවටෙන්නේ
පොකුරු පොකුරු මල් ගෙන සුර සේනා එන්නේ
මෙවන් සිහින දැකලාදෝ පුතු හිනැහෙන්නේ
.
------------------------------------------
ගායනය - ත්යාගා එන්. එඩ්වඩ්
පද රචනය- ජෝර්ජ් ලෙස්ලි රණසිංහ
සංගීතය - දයාරත්න රණතුංග
Thanks sujeewas music page
13 сен 2024