“Bismillah......Ya Ali (as) Madad”
Matam e Imam Hussain (a.s) Shaban Manqabat 2024
Suno matam ki fazilat sunlo | Matam e hussain (a.s)
Composer & Reciter : Syed Subbaib Abidi (Abd e Ali)
Poet : Sharar Naqvi (India)
Audio : TeeZee Studio (Tirmah Zaidi)
Video : Focus Studio (Safdar Kaleem)
Special Thanks : Dr Abbas Abidi, Amir Abidi, Irfan Zaidi
Contact : Kumail Abidi 00923111030710
#ShabanManqabat2024 #MatamKiFazilatSunlo #subbaibabidimanqabat2024
New Exclusive Manqabat by Syed Subbaib Abidi on Matam Imam hussain (a.s)
Please Watch in HD Please/Like/Comment Share !!
Follow Us on Our Social Media Channels.
Any uploading of our audio/visual content is strongly prohibited and the result will be ending up with a Strike, copyright infringement notice & penalties.
"Lyrics Available"
Ahl e gham ahle wila ahle aqeedat suniye
main bayan karta hun aijaz e imamat sunye
ye bhi quran e mawadat ki hy ayat sunye
aaj shabir k matam ki fazilat sunye
deen e islam ka ghadar nahi kar sakta
sheh ka matam kabhi makkar nahi kar sakta
dekh habeel ka adam nay kiya hay matam
or yaqoob k ghar main bhi bapa hy matam
khana e noor main hamza ka hua hy matam
phr bhi tu puchta hy hum sy k kia hy matam
jazba e ishq k asaar dikha deta hy
sheh ka matam bhi to shajron ka pata deta hy
meem kehta hy k meraj ki chah hy matam
or alif kehta hy insa'n ki baqa hy matam
tay pukar utha k toqqer ata hy matam
meem phr bola Muhammad sy wafa hy matam
hath shabir k matam main uthaty rehna
ho muhammad k wafadar bataty rehna
bakhuda hy meri is qom ki taqat matam
hy namazo ki tarha aik ibadat matam
karbala waly shaheedon ki hy nusrat matam
hy azadaron k jeeny ki zaroorat matam
phool hain dasht e nidamat main bikhar jaengy
humko rokogy jo matam sy to mar jaengy
hy khabar sabko k har samt qaza chhae thi
zindagani e jahan mot sy ghabrae thi
raasty band thy bazaron main tanhae thi
sab ko maloom hy 2 saal waba aae thi
qaid thy ghar main magar silsilae gham na ruka
ruk gaya sara jahan shah ka matam na ruka
ghor sy qom k bachon k suno ab halaat
chalna bhi ata nahi kar bhi nahi sakty hain baat
itnay kamsin hain k maa baap nahi chorty sath
phr bhi uth jaty hain matam k liye nanhy sy hath
ho azadar e shah e deen bataya hoga
inko matam ali asghar ny sikhaya hoga
aik din main ny ye ik ashiq e mola sy kaha
sin raseeda hain bht aap mujhy hy ye pata
aap k hathon main rehta hy musalsal raasha
kapkapaty hue jata hy dahan tak luqma
aap k hathon main ajata hy ye dum kesy
aap karlety hain shabir ka matam kesy
boly wo khoon e halali ki baqa hy matam
or pakiza aqeedon ki dawa hy matam
sab ki taqdeer main kab sheh ka likha hy matam
jinko zehra ny chuna unko mila hy matam
sab barabar hain zamano ka yahan raaj nahi
ishq e shabir kisi umr ka mohtaj nahi
yaad rehta hy hamain aaj bhi ashoor ka din
goonjti rehti hy kanon main sada e hal min
wo khawateen o jawan or zaeef o kamsin
arbae'n k liye jatay hain karoron momin
ishq e shabir ki phr bijli karak jati hy
arsh tak matam e sarwar ki dhamak jati hy
aap k paas hy jo kuch bhi hy is gham ki ata
mat karo bhai takaluf sy ye matam sheh ka
humko maloom hy mola ny diya pesa
waqt hy khul k karo matam e sarwar warna
aap k haal ko behaal bhi karsakta hy
jisny bakhsha hy wo kangaal bhi kar sakt hy
khud pa zanjeer chalaty hain magar zinda hain
qama bhi sar pa lagaty hain magar zinda hain
zakhm jismo py sajaty hain magar zinda hain
khoon hum apna bahaty hain magar zinda hain
jism e khaki ko bikharny nahi detin zehra
hum azadaron ko marny nahi deti zehra
haq e haider hi parhun bs ye hadaf hy mera
aik kaba hy to ik qibla najaf hy mera
han ye dil saqi e kosar ki taraf hy mera
karbalai hun main ye bhi to sharaf hy mera
main bhi zinda hun sharar naqvi isi gham k liye
zindagi waqf hy shabir k matam k liye
Copyright strictly prohibited ©.
Copyright prohibited © - Subbaibabidi
7 сен 2024
