Hiai laa hong kipat dan :-
Aphuaktu Mr H Tuankhanthang in apaisa December 1996 laia
gam le nam it ziaka gam adia ana kipiak khiak hun,
singnuai gammual a haksatna chiteng thuak a,
gilkial dangtaak hun in, it le ngaih,
duh leh deih teng nusia a a it Tunnu Zogam hong paal diing
lametna lianpi nei kawma hon phuah ahi.
Hiai laa ZAA ten Tunnu Zogam album Vol II ah a laa khat na “Sianmang in”
chih minvuah in Damhoihching in 1997 kumbul lam in ana sa ngeita hi.
Hun hong paizel in ei Zomi te leng music lam ah ihong khangtou zel ua,
a laa luipen sitna leh banghiam na hilou in,
a laa gelhtu kianga phalna la in hiai laa ki bawlthak leh chih lunggulh na lianpi toh
hong kibawl thak ahi hi. Hiai laa ahih leh a phuaktu’ theihpihna leh phalna lou in
kuaman ana tei sawn lou din iki ngen hi.
SIANMANG IN
Aphuak - H Tuankhanthang (Dec 1996)
Asa - Mangnunmawi (2nd Oct 2023)
Sianmang in tunnu sunggil pan hong kem a
Senchil momnou pan hong kem hong huai a
Genthei selung vabang in pillou zongleng aw
Gam adin pheiphung suan hanlung chiam veng
Chibang kateel kangaih zolei aw
Simlei tunga duangkuai liapaal ngaih aw
Nangbang etlawm paaldang omlou e
Na sakmin theibang hong louden ning maw
Gentheihna haksa chiteng ithuak zongin
Momnou te’ khankhua selung geel na’n maw
Phamdong in itna taktoh semzel nung e
Gam adin pheiphung suan hanlung chiam veng
Zan khosawt a zaalna thelnah nuai a
Tunnu ngaia sung gilkial mimbang thum
Silhpuan piandang duanga baat tawikawl chiang toh
Zolei aw luai nambang kong suut zoudiam.
27 апр 2024
