Sondag 23 Junie - God Kies Jou (Diens opname) 

Sondag 23 Junie 2024
God kies ons
Jesaja 43
- Ds. Sumari Redelinghuys
God het ons gemaak om Syne te wees, ons behoort aan Hom. Net soos Hy aan Abraham belowe het: “Ek sal jou God wees”, belowe Hy dit aan elkeen van ons vandag.
Partykeer vergeet ons dat ons God s'n is. Ons vergeet ook dat ons kosbaar en spesiaal vir die Here is, en dat Hy 'n roeping vir ons elkeen het. Die volk van Israel het ook vergeet. Hulle vind hulself in ballingskap, in gevangene geneem, tussen vreemdelinge in 'n ander land. Hulle voel eintlik God-verlate. God gebruik 'n profeet om Sy waarheid aan die volk bekend te maak.
Kom ons luister nie vir die leuens van die wêreld nie. Kom ons hou vas aan Jesaja 43 en aan God se waarheid: Ons behoort aan Hom, Hy het ons logeskoop, ons is Syne, ons is vir Hom kosbaar, Hy ag ons hoog, Hy het ons lief. Dis die waarheid.
God kies jou, en God kies vir my, Hy maak ons Sy kinders.