*🌺సౌందర్యలహరి - 1*🌺 శివః శక్త్యా యుక్తో యది భవతి శక్తః ప్రభవితుం న చేదేవం దేవో న ఖలు కుశలః స్పందితుమపి అతస్త్వామారాధ్యాం హరిహరవిరించాదిభిరపి ప్రణంతుం స్తోతుం వా కథమకృతపుణ్యః ప్రభవతి శ్రీశంకరభగవత్పాదులు అనుగ్రహించిన దివ్యస్తోత్రాల్లో సౌందర్యలహరి ఒకటి. దీనిలో అమ్మవారిని స్తుతిస్తూ నూఱు శ్లోకా లున్నాయి. ఒక్కొక్కసారి ఒక్కొక్క శ్లోకాన్ని గురించి చెప్పుకుందాం. ఏ పని చేయాలన్నా దానికి తగిన శక్తి మనకు కావాలి. లేకపోతే మనం అసలు కదలటం కూడా చేయలేం. ఎందుకంటే కొంచెం కదలాలన్నా దానికీ ఎంతో కొంత శక్తి వినియోగించక తప్పదు కదా. అందుకే శక్తిహీనుడు చొప్పకట్టలా పడి ఉంటాడు. అసలు అతడిలో చైతన్యమే ఉండదు. అసలు లోకంలో ఏ క్రియాకలాపం జరగాలన్నా దానికి పరమేశ్వరుడి అనుగ్రహం కావలసినదే. అందుకనే ఒక సామెత పుట్టింది తెలుగులో. శివుడి ఆజ్ఞ లేనిదే చీమైనా కుట్టదూ అని. ఈ చీమ అనేది ఎంతటి జీవి చెప్పండి? అది కుట్టటానికి కూడా పాపం అది ఎంతో కొంత శక్తిని వినియోగిస్తుందన్నది పక్కన పెడితే, అలా ఓ చీమ కుట్టటం వల్ల మనకి కలిగే కష్టం ఏమంత చెప్పుకోదగ్గది కానే కాదన్నది విషయం. ఐతే అంత చిన్న పనికీ ఆ చీమకు శివుడి ఆజ్ఞ ఐతే కాని కార్యం లేదు. ఇక్కడ శ్రీశంకరులు చమత్కారంగా ఈ శ్లోకంలో ఎలా ప్రార్త్ఝిస్తున్నారో అమ్మని చూడండి. అమ్మా, ఈ శివుడున్నాడే, ఆయన నీతో కూడి శక్తియుక్తుడు అనిపించుకుంటే గాని తనంతట తానుగా ఏమీ చేయలేడమ్మా .మరి శివుడికి కూడా పిపీలికాది బ్రహ్మపర్యంతం అందరికీ ఆజ్ఞలు జారీ చేయాలంటే కూడా తగినశక్తి కావాలిగా? నీవు ప్రక్కన ఉండి సాయపడబట్టి ఆయన ప్రపంచాల్ని సృష్టిస్తున్నాడు. అంతే. అంతే. లేకపోతే కొంచెంగా నైనా ఏ విషయంలోనైనా స్వయంగా స్పందించటానికీ ఆయనకు కుదరదు సుమా. అమ్మా అటువంటి నిన్ను త్రిమూర్తులూ తదితర దేవతాగణాలూ నిత్యం ఆరాధిస్తుంటే వారి చేత నీవు లోకాలన్నింటినీ నిర్వహింపజేస్తున్నావు. అంటే వారికి నీ సాన్నిద్యం ఉండబట్టి వారికి నిన్ను స్తుతించేందుకూ పూజించేందుకూ సామర్థ్యం కలిగింది. అమ్మా, నా సంగతి ఏమని చెప్పనూ? నేనేమీ పుణ్యం చేసుకున్న వాడిని కాదే! నీకు మ్రొక్కటానికీ నిన్ను స్తుతించటానికీ నాకు సమర్థత ఎక్కడిదీ? ఇలా ప్రారంభం చేస్తూ అమ్మా నేను తగినంత సమర్థత లేకపోయినా సాహసించి నిన్ను స్తుతిస్తున్నానూ అనుగ్రహించూ అని చమత్కారంగా ప్రార్థిస్తున్నారు. శ్రీశంకరులు ఇలా అమ్మవారిని గురించి స్తోత్రం శివశబ్దంతో ప్రారంభం చేస్తున్నారు. ఈ శ్లోకానికి పారాయణం పన్నెండు రోజులు, రోజూ వేయిసార్లు చొప్పున. నైవేద్యం త్రిమధురం అంటే బెల్లం, కొబ్బరి, అరటిపళ్ళ కలిపిన మిశ్రమం. ఫలితం కార్యసిధ్ధి, సకలశ్రేయోవృధ్ధి.
అందరి క్షేమం కోరి వ్యాసుల వారు సంధ్యా దేవి అనుగ్రహానికై ఈ క్రింది మంత్రాన్ని అనుగ్రహించారు. *ఓం సర్వచైతన్య రూపాం తాం, ఆద్యాం విద్యాం చ ధీమహి. బుద్ధిం యా నః ప్రచోదయాత్*
ఓం సమయాచార తత్పరాయై నమః *శివుడిని శక్తిని ఏకముగా ఉపాసించుటయే* *సమయాచారము* శివుడు,శక్తి వేరు వేరు కాదు అని చెప్పటానికి ఉదాహరణలు.... కాంతి దీపం సంగీత విద్వాంసుడు నుండి సంగీతాన్ని పంచదార నుండి తీపి ని విడదీయలేము ఇట్లా చాలా ఉదాహరణలు చెప్పవచ్చు శివ శక్తులు అవిభాజ్యులు అమ్మ అయ్య అమ్మయ్య
The divine Hindu spiritual knowledge is really unparalleled. It is vividly explained by Brahmasri Samavedam guruvu garu to reach the common man's mind. A valuable message is hidden in this video. We are blessed to hear this.🙏🙏🙏
ప్రతి పదార్థాలు: కథమ్=for what reason,how is it so కృత పుణ్యః=పుణ్యం వుంది అకృత పుణ్యః అమ్మ నా దగ్గిర ఏ పుణ్యం లేదమ్మా నిన్ను మ్రొక్కాలన్నా, స్తుతించాలన్నా 🙏
ఈ 999 నామాలు ఎవరివో ఆవిడ పేరు చెప్పారు లలితాంబికా అని. లలితా సహస్రనామాలు లో చివరి మాట నామము శ్రీ శివా శివవక్తై క్యరూపిణీ ఇది లలితా సహస్రనామాలు లో చివరి మాట అదే సౌందర్యలహరి కి మొదటి మాట శివః శక్త్యా యుక్తః.ultimate ఈ శ్లోకం లో శ్రీ చక్రం వుంది.
*2అమ్మ సూక్ష్మ సౌందర్యము(మంత్ర సౌందర్యము)* 1.శ్రీమద్వాగ్భవ కూటైక స్వరూప ముఖపంకజా ||34|| ముఖము వాక్కు అంటే జ్ఞానం 2. కంఠాథ: కటిపర్యంత మధ్యకూట స్వరూపిణీ| కంఠ అథః అంటే క్రింది భాగం దీనికే కామరాజ కూటము శక్తికూటైక తాపన్న కట్యథోభాగ ధారిణీ ||35|| కటి అధో భాగం శక్తి కూటము మూల మంత్రాత్మికా మూలకూట త్రయ కళేబరా| ఆత్మికా అంటే స్వరూపం
*3 అమ్మవారి యొక్క 3వ సౌందర్యము* *సూక్ష్మతర సౌందర్యము* కుండలినీ స్వరూపం* ప్రతి వారిలో కుండలినీ రూపంలో ప్రసరించేది. కుండలినీ మనకు తెలియక పోయినా అది వుంటుంది మన అందరిలో.బ్రహ్మ రంధ్రం స్థానం నుండి సన్నని నాడి వెన్ను దండంలో మధ్య లో వుండే నాడి సుషుమ్న నాడి మూలాధారం వరకూ ప్రసరిస్తూ అక్కడి నుండి మన హృదయనుండి అన్ని నాడులలోకి వెడుతుంది. ఇది ఎలాంటిదంటే మన ఇంట్లో electric connection తెచ్చుకుని అన్నీ equipments కి వస్తున్నట్లు గా ఆ electrical wiring 72,000 నాడులు లోకి ఈ కరెంటు అనే ప్రవాహం,లహరి,శక్తి ప్రసరణ జరిగినట్లు గా సుషుమ్న నాడి అనే main నాడి గుండా ప్రసరిస్తూ మిగిలిన wiring lo ki వెళ్ళినట్లు పంచబడతుంది. ఆ శక్తి points మనలో main 6 వున్నాయి.ఈ 6 కలిపి కులము లేక సమూహము అని పేరు. మూలాధారం నుండి క్రమంగా స్వాధిష్ఠాన మణిపూర అనాహత,విశుద్ధ ఆజ్ఞ పైన సహస్రారం ఇది main 7వది మూల మంత్రాత్మికా మూలకూట త్రయ కళేబరా| కుళామృతైక రసికా కుళసంకేత పాలినీ ||36|| కుళాంగనా కుళాంతస్థా కౌళినీ కుళయోగినీ| అకుళా సమయాంతస్థా సమయాచార తత్పరా ||37|| మూలాధారైక నిలయా బ్రహ్మగ్రంధి విభేదినీ| మణిపూరాంత రుదితా విష్ణుగ్రంధి విభేదినీ ||38|| ఆజ్ఞా చక్రాంతరాళస్థా రుద్రగ్రంధి విభేదినీ| సహస్రారాంబుజా రూఢా సుధా సారాభి వర్షిణీ ||39|| తటిల్లతా సమరుచి ష్షట్చక్రోపరి సంస్థితా| మహాశక్తి: కుండలినీ బిసతంతు తనీయసీ ||40||
హరి హర విరించి ఆదిభిః=మొదలైన వాళ్ళు అపి= కూడా *హరి హర విరించాది భిరపి* హరి బ్రహ్మేంద్ర సేవితా69 దేవర్షి గణ సంఘాత స్తూయమానాత్మ వైభవా బ్రహ్మోపేంద్ర మహేంద్రాది దేవసంస్తుత వైభవా ||33 అమ్మా!!!నే పొగడకుంటే నీకేమి కొదవు అంటాడు త్యాగరాజ స్వామి సిద్ధౌఘ దివ్యౌఘ మానవౌఘ ఇలా అనేకమంది వున్నారు శ్రీ విద్యోపాసకులు.ఇందులో ప్రధానంగా 14 మంది వున్నారు. శ్రీవిద్యోపాసకులు మొత్తం 14 మంది శ్రీ విద్య ను మనదాకా తీసుకువచ్చిన మహానుభావులు.వీళ్ళని ఎప్పుడూ తలంచుకోవాలి. 1.శివుడు గొప్ప భక్తుడు *శివారాధ్యా* 2.విష్ణువు 3.బ్రహ్మ 4.మనువులు 5.చంద్రుడు 6.కుబేరుడు 7.లోపాముద్ర 8.అగస్త్యుడు 9.స్కందుడు అంటే సుబ్రహ్మణ్యేశ్వర స్వామి 10.మన్మథుడు మన్మథుడు ఉపాసించిన శ్రీ విద్యే ప్రసిద్ధి.ఇపుడు మనం అంతా చేసే పంచదశీవిద్య ,మన్మథ విద్య,కామరాజ విద్య *ఆత్మ విద్యా మహావిద్య శ్రీ విద్యా* *కామసేవితా* 11.ఇంద్రుడు 12.బలరాముడు 13.దత్తాత్రేయుడు 14.దూర్వాసుడు
*మాతృకావర్ణ రూపిణీ* అక్షరాలన్నీ అమ్మ అయ్యల రూపం *శివఃశక్త్యాయుక్తః* కకారాది క్షకారాంతా వర్ణాస్తే శివరూపిణః |. సమస్త వ్యస్తరూపేణ షట్త్రింశత్ తత్త్వవిగ్రహః అకారాది విసర్గాంతాః స్వరాః షోడశ శక్తయః ||. అకారం నుండి క్ష కారం వరకు అక్షరాలు. క నుండి క్ష వరకు - శివ రూపములు(34) అ నుంచి అః.వరకు - శక్తి రూపములు
చలన రహితమైన జడమైన (ప్రేతల యందు )వాటి యందు అమ్మ ఆసీనురాలైంది. జడముగా వున్నివి ఐదు వున్నాయి. అవి 1.బ్రహ్మ 2.విష్ణు 3.రుద్ర 4.మహేశ్వర 5.సదాశివ చైతన్యం ఒక్కసారిగా వచ్చివీటిలో ప్రవేశించటం వల్ల పంచ బ్రహ్మ లుగా ప్రకాశించిపోతున్నాయి. ఏవిధంగా అయితే ఒక మైకు లో కరెంటు అనే చైతన్యం ప్రవహించక పోతే జడముగా వుండి, చైతన్యం అయిన కరెంటు ప్రవేశిస్తే కదలిక వచ్చి పంచబ్రహ్మ లు వలే దాని కర్తవ్యాన్ని నిర్వహిస్తున్నది. *నచే దేవం దేవో నఖలు కుశల స్పందితుమపి*
