Min phuar si a by F. Vanlalhriatrenga Kâwl a hnim ruai a, vanrial zaipawl thawm chung lamah a ri ham ham a. Mahni chauhva inah awmin lunglênna lo thleng mek chuan min ṭhuai nâ leh dawn tih ka hai lo. Chhum rawn lêng chum chum kâra rual mal far chuan lunglên a tizual ngei mai. Ka chuktawlh ka han hmet nung a, Spi zai ka ngaithla ta vang vang a. Lunglenna siamtu kan Pathian hian vawiin chauh zawng min thik phal bik hian ka ring lo! A bulṭanna : Chu in ropui taka nu pakhat, la valai tak chunga hmelṭha, ngaihawm tawk chiaha nui mawi leh lung tilêng tur tawk tinga pianfuh tân zing ṭiana an kawmchhak arpa khuang ál ál chuan a nunah lunglênna a rawn thlen tih reng a hre lo. Chhak lam a han thlir a, khawvel lehlama a nula rim bansanin helamah lungawina rawn zawngin Ni pawh a rawn êng chhuak sen riai bawk a. Chu nu nuna lunglênna rawn thleng chuan ngaih a neihtir a, a nuna lunglênna rawn thleng chuan natna amaha a rawn thlen tih tuma’n an hriatpui lo. Khuma a pasal thaw ri bawrh bawrh chu a han ngaithla vang vang a, a ngaihtuahnaa awm reng ṭhina nen a han khaikhin ṭhin a, a lung a awi mawlh lo! A demawm inti anih chuan hmangaihna hi a demawm a ni ang a sin! Inchhûng chet zai reltir thei lotu, a hraite chhawn tura harsatna siamtu; mi zawng zawng zinga riang chuanga siamtu chuan a zûnlêng a ban anih si chuan, hmangaihna la tawng lo mi tân chuan eng hriamhrei nge lekchhuaka a thinlung runtu chu hnehchhiah tura a lo hmachhawn thiam ang ni? A indap ngial pawhin hriamhrei lek tur a hre ngang lova, hnehin a awm ta a ni zawk! Shakespeare-a ṭawngkam mawi lutuk a chhiar hnu kha a hrechhuak zuai a, a lunglên a zual ngei mai. But there, where I have garnered up my heart, Where either I must live, or bear no life, The fountain from which my current runs, Or else dries up: to be discarded thence! Bawhar lungmawl a lo pauva, Ka chung turnipui pawh Chhak lenkâwlah a lo êng ṭan leh ta Zing ṭiang lunglên a zual chuang e Chhun ni a rei dawn ngei A riang ka tân i zûn ngaih a zual ṭhin e. Lungchhiatthlak : Inchhûngkhur sekrek khawihin a han ṭul zawk zawk a, a fate sikul lamah liampuiin a pasal pawh ofis lamah a liam ta. Zing aiin chu hun thawlah chuan lunglênna chuan a buan nâ zual sauh a! A hringnuna harsatna a tawh hrethiam lek lovin hun chu a dân pangngaiin a liam leh mai dawn. Theih ni se, rem ti lul se; hun ngei chuan a thinlunga a mipa a ngaihna; di zûn tia an sawi ngei chu amah zahngaihpuiin an liampui tur a ni ngai a! There’s beggary in love that can be reckoned, kan puin a tih lawm lawm hi he hun hian a hriatthiampui lova ni! Kiang tura a duh chuan kiansan zai reng a rel thei lo, liam tura a duh chuan liam mai a tum nahek lo! Chu nun hreawmah chuan tunge lungawi thei ngai ang ni? Turnipui pawh van zawl kaiin, Ka chantur dawn lo hian; Thlang lenkâwlah herliam zel mah se, I zûn ngaia tlaini lên hian kianzai a rel si lo; Chantawk khuarelah lungawi a har ṭhin e. A tlai lua a ni! : Mihring tluka mahni hmasial an awm ngai em ni? Sual hmasa ber chapona pu lo mihring kan awm ngai ang maw? Love is a smoke and is made with the fume of sighs a lo ti mathlawn lovin hmangaihna chuan mitdel chang a nei a ni zawk a. Chu mitdelnaah chuan he nu hian ama hma ngai taka duhthu a sam anih chuan keini lo dem chi a ni lul lovang! Duhthusam chuan daltu a nei theiin a hlawhtlin loh nâna a kallai khamtu a nei ve ngai a ni lawm ni? Fa a nei duah tawh tih a inhriat a, hmangaihna pahnih insual thawm chu i hre pha ve em? A fate a hmangaihna nge nasa, a thinlunga riak reng a mipa a hmangaihna chu? He zawhna hi tumahin an chhansak thei lo. A fate kalsan tur em chuan a huaisen tawk lova, nu sual lah a ni hek lo. Chumi avang chuan a mipa chu a hmangaih lo tihna a ni si lo! Mahse tinkim ka dawn chang hian, Thliah lohte’n i vul tur; Ka phal thei lo a riang suihlungmawl hian, Mahse bawihte a rem si lo nang nen runhmun lêndun Kei zawng lungrun hrai duhleng ka chawi tawh si Ka chantawk : Sakhmel dar ang ka tawn a tlai lua e; helai verse hian engkim a va sawichiangin a va lungrun mawi tak êm! A chang chuan rûn chhûngah mi â ang maia chet chang neihtirtu hnenah a duhzawng tinreng sawi lo tura insumtheihna a nei hi mi namai lo anihzia a lanna a ni! A huntêa rah ṭhin chu a nunah a thleng dik ve ngai dawn lo tih a hria. Hmangaihna tuipuiin a bual nut phut lai pawhin a chhia leh ṭha hriatna chuan an kiansan vek lo a ni zawk a. Nutling tâna mawi leh mawi lo thliar thiam turin Hmangaihna Pathian chuan a ensan lo a ni zawk. Engtik lai maha a ta ni ngai lo tur a hmangaihna zûn chuan kumkhua atân a phuar reng dawn a ni si a. Hneh zawng a hnehlak lovang, phuar erawh a phuar nghet si a ni. Rauthla lungmawl ar ang a vai em ni, Sakhmel dar ang ka tawn a tlai lua e; A mawi love biahzai nêm hlan ka tân, Mahse a zûnzâm chuan e min phuar si a.
2023 sahmulphah thla ah pawh hian a la nalh vawng2 mai.....😪😪😥 Mahse tinkim ka dawn chang hian, Thliahloh ten i vul tur Ka phalthei lo Ariang suihlung mawl hian,. Mahse bawihte a remsilo Nangnen runhmun lendun Keizawng lungrun... Hraiduh leng ka chawi tawh si... 😢😢
Sakhmel dar ang ka tawn a tlai lua e. A mawi lo ve biahzai nem hlan ka tan mahse a zûnzam chuan min phuar si a.... Nang zawng lungrun hrai duh leng i chawi tawh siii.... 😢😢😢😢 ka duh tawp theilo
2022 Jan thla ah pawh ala nalh reng mai.❤️ Sakhmel dar ang ka tawn a tlai lua e. A mawi lo ve biahzai nem hlan ka tan. Mahse a zûnzâm chuan e min phuar si a😥😥
2024, kum 7 alo liam ve ta reng mai. Tunah chuan pasal fanau neiin i awm ve tawh awm sia, helai chang hnihna hi i ngaihthlak chuan min lo hriatchhuah ve thin tal ka beisei. Kalo thawn che kha
Ka thil tih sual hian mi va vua let chiang tak em!😢 Ka ngai takzet che Bawiha I aw hriat leh mawlh ka van chak tak em!😭😭 Khuanu ruat ni hram ila I sawi ang khan ka lo nghak reng ang che...
he hla hi a hma kha chuan nalh ka ti ngai miah lo mahse tun hnu hi chuan ka ngaihthlak nasat Ber pawl a ni , ngaihbel tur pawh nei lem lo hian a feel veng² theih tlat a mak lutuk 😍😅
Spi zai hi chu alunglenthlak thei ngawt mai..a hla hi analh hlwm bawk sia..lunglai hi a khai ve chiang a ni.tun thleg pawn ala mawi..ala inhmeh em em vek zel
Rp...2007 khan in lo kal a..thenzawl.ah khan🙃😊ka la hre reng he hla hi,i duh thu min hrilh kha...Mami varte in - Vawng dun zel ang aw..tih nen khan😁🙃...hei kum alo vei tam ta hle mai....zan in ,12/7/2022 10:26pm hian ka ngaithla teh nawlh a...ka hrechhuak nghal che🙃...a lunglenthlak teh e ti raw...Nghilhbik suh aw RP.tih lai te kha😁🙃
pi SP minphuar sia tig hla i sak hi ka tana an lo phuah ve reng ni awm takin ka va duh teh lul em. a tlar tin mai hi ka duh bon top. lo damzela pathianzarah hla tha tak takin mipuite min awi zel ang che aw. ka lawm e.
