Роберто Митев можеби е момчето со најубави желби, а, најнесреќен живот. Роден е и пораснат во селото Павлешенци, со соништа кои се топат пред секојдневниот селски кошмар кој го живее со семејството. Сиот живот тој и семејството работеле земјоделие и сточарство. Но, последните две години работите почнале да се движат по надолна линија. Почвата станува неплодна, ја губат социјалната помош, Роберто сакајќи да донесе денар плус дома оди да работи во Скопје и сериозно се разболува. Се разболува и мајката, која освен што добива два мозочни удари, го губи и видот на двете очи. Како капак на се им умира и стоката од која ваделе пари за леб. Денес,Роберто и родителите не се во состојба ниту да пливаат во семејните проблеми. Одамна се дават во непредвидливиот хаос кој им го сервира животот. Домашните работи ги извршува таткото, а сите заедно јадат еднолична храна со месеци и се молат да не надојде тешко невреме, како она во нивните животи, па да ги затрупаат циглте засекогаш. Зашто во оваа стара и дотраана куќа нема агол и дупка од која не тече кога врне и дува. И, знам дека иако вели дека како е пишано така ќе живее, сепак верувам дека ова момче во некое идно време ќе се избори за место под сонцето, ќе успее и еден ден благодарение на сите нас ќе ги раскажува сегашните тешки времиња како едно лошо минато кое го победил со многу храброст, ентузијазам и илузии.
#НашетоМалкуНекомуМожеДаЗначиСе♥️
Живко Змејковски е татко борец за поубав живот на својата ќерка Елизабета која му е се што има во животот. Роден како личност со хендикеп, сиот живот ќе биде поттурнуван од блиските и претпоставените. Прави погрешен избор женејќи се со погрешна личност исто така со посебни потреби, и создаваат дете со посебни потреби, кое од бебе само ќе го изгледа - вели тој.Елизабета на целата состојба млада доживува и мозочен удар. Има само 57 години. Млад останува без работа како стечаен работник и повеќе не успева да се снајде за да заработи. До смртта на родителите живеел од нивните пари. Подоцна и двајцата му умираат на раце. Можеби погрешната одлука на неговиот татко и чичко да живеат во една куќа со ист влез, денес како данок со лош исход го плаќа Живко. Тој со минималната државна помош не може ниту да купи лекови.Со ќерката јадат само доколку ги запишат во тетратка со вересија, за да купи суво лепче. Храна јадат ако добијат помош или му дадат некои добри луѓе кои ги има се поретко-вели Живко. Куќата е со необелени ѕидови и мебел стар уште од неговото детство. Нефункционални апарати и оџак кој се заканува по нивното здравје. И, иако овој човек има желби милион и синоним на неговото име е да живее, сепак, овој несреќен татко секојдневнее венее и тоне во солзите кои ги лие заедно со својата ќерка.
#НашетоМалкуНекомуМожеДаЗначиСе♥️
21 янв 2023
