അമ്മേ ശരണം🙏🙏🙏 കദംബ കാനനവാസാം കദംബകുസുമപ്രിയാം കുംഭസംഭവ സംപൂജ്യാം കൽപ്പവല്ലി മുപാസ്മഹേ കോടല്ലൂർ തമ്പുരാൻ തളിപ്പറമ്പപ്പനെ തൊഴുതു വരാൻ പല്ലക്കിൽ കടമ്പേരി വഴി പോകവേ കടമ്പേരി അമ്പലത്തിന്റെ മൂലസ്ഥാനമായ #വള്ളിക്കെട്ട് കാവിൽ സൗന്ദര്യവതിയായ സ്ത്രീ കടമ്പ് വൃക്ഷത്തിൽ ഊഞ്ഞാലാടുന്നതായി കാണപ്പെട്ടു. ആ യുവതിയുടെ സൗന്ദര്യത്തിൽ ആകൃഷ്ടനായി തമ്പുരാൻ അടുത്തേക്ക് ചെന്നപ്പോഴേക്കും നിമിഷനേരങ്ങൾ കൊണ്ട് ആ സ്ത്രീ അപ്രത്യക്ഷയായി. എല്ലാം അമ്മയുടെ പരീക്ഷണം ആയിരുന്നു. കടമ്പ് വൃക്ഷത്തിൽ ഭഗവതി ഏറിയതുകൊണ്ട് ആ സ്ഥലം പിന്നീട് #കടമ്പേരി ആയി മാറി എന്നാണ് ഐതിഹ്യം. ഇതിന്റെ സ്മരണയ്ക്കായി ഇന്നും ഉത്സവ സമയത്ത് പല്ലക്ക് എഴുന്നള്ളത്ത് നടക്കുന്നു. കടമ്പേരി പാട്ടുത്സവം നടക്കുന്നത് മകരം 1 മുതൽ 14 ദിവസങ്ങൾ വരെയാണ് . #ലോകത്തിലെ_ഏറ്റവും_വലിയ_തിരുമുടി_കടമ്പേരി_ഭഗവതിയമ്മയുടേതാണ്. കളിയാട്ട ഉത്സവം നടന്നിട്ട് ഇപ്പോൾ 50 വർഷങ്ങൾക്ക് മുകളിലായി . കടമ്പേരി ഉത്സവം ഇപ്പോൾ നാല് ദിവസങ്ങളിൽ മാത്രമായി ഒതുങ്ങി. 108 ദുർഗ്ഗാലയങ്ങളിൽ പ്രസിദ്ധിയാർജ്ജിച്ച ശക്തിപീഠമാണ് കടമ്പേരി ക്ഷേത്രം. കുട്ടിക്കാലം മുതൽ കടമ്പേരി പാട്ടുൽസവം ഒരു ഹരമായിരുന്നു. ആനപ്പുറത്ത് എഴുന്നള്ളത്ത്, തിടമ്പുനൃത്തം, ഉത്സവചന്ത അങ്ങനെ പോകുന്നു ഉത്സവ ആഘോഷങ്ങൾ, കാഴ്ച്ചകൾ . ചന്തയിൽ പോയി കളിപ്പാട്ടങ്ങൾ വാങ്ങിക്കുക. കുട്ടികളുമൊത്ത് ഉത്സവപറമ്പിൽ കളിക്കുക. പക്ഷേ കളിയാട്ടം തിരുമുടി ഇന്ന് വരെ കാണാൻ ഭാഗ്യം ഉണ്ടായിട്ടില്ല. കടമ്പേരി ഭഗവതിയമ്മയുടെ കളിയാട്ടം കാണണമെന്ന അതിയായ മനസ്സിൽ കളിയാടി നിൽക്കുന്നു. ഒരു ക്ഷേത്രം പുരോഗമിച്ചാൽ ആ നാടും പുരോഗമിക്കും. അമ്മയുടെ ഭക്തരായ മക്കൾ വിചാരിച്ചാൽ #കളിയാട്ടം നമുക്ക് ഭംഗിയായി നടത്താം. അതിനായി നാം മുഴുവൻ കടമ്പേരി നാട്ടുകാരും ജാതി- മത - രാഷ്ട്രീയ ഭേദമന്യേ അണി ചേരുക 👍
