ذكرتني كيف كنت نتكيف 😂 محلاها قعدة السيقارو و محلاها كيف يبدا سيقارو في يدك و تتكيف تحس روحك تسرح معاه و عامل جو. متغشش، فرحان ، تضحك ، تبكي ، اول حاجة تشعل سيقارو.. اما بعد ما بطلت حسيتها بالحق حكايا فارغة والله. الجلدة متع وجهك تولي مبعد تقول كرضونة و خلي عاد على القطران الي يشطح في قلبك و رواريك و عروقك، حتي بش تجري تخلط على التران ما تقدش روحك. توا وليت نعمل جو كيف نعمل footing على البحر وحدي والا مع صاحبتي ، نضحكو نغنيو نشطحو ..، بالدنيا والله ، مرتين والا تلاثة في الجمعة بعد القراية، صيف والا شتاء كيف كيف.. شوفو جو اخر و نقصو من القعدة في القهاوي خاصة في المدة الاولى الي بش تبطلو فيها.. نحمد ربي الي بطلتو والله الحمد لله !!العاقبة للي مزالو يتكيفو 💗
