StarTalk一氣呵成版丨袁偉豪指劇中鐵三角感情昇華 蔡潔呻與關楚耀感情戲透支極大
袁偉豪 同 蔡潔 喺劇集《法證先鋒VI倖存者的救贖》再度合作，呢日佢哋就嚟到《StarTalk》同主播 詹可琳 傾下佢哋劇中角色有咩轉變。
對於自己法醫科高級醫生嘅角色可以喺續集中延續落去，再開展新嘅故事，蔡潔就話相當榮幸，加上再次同黃宗澤、袁偉豪合作，佢哋嘅友誼同默契都昇華咗，所以呢啲感情都可以用返喺劇中，蔡潔仲笑住話今次佢哋3個終於係互相踐踏，而唔係只係踐踏袁偉豪一個呀。
講到佢哋感情昇華嘅最佳例子，袁偉豪指佢哋可以互相調侃，唔再介意自己角色嘅高低，更加冇分上下靶，所以觀眾睇後會感受到佢哋3個嘅友誼。
而今集飾演Dr.范嘅蔡潔，就話自己呢輯嘅情緒起伏會好大，劇中仲有伏線係由上一輯已經埋下，去到今輯影響到佢劇中嘅性格。至於講到新一輯再遇全新角色嘅關楚耀，蔡潔形容同對方嘅感情戲相當沉重，好多時都冇辦法一take過搞掂，佢仲話拍完深圳一段戲，令佢身心都透支得好緊要，就好似喺兩個月內經歷咗好多事咁。至於講到今輯會唔會再有好似上輯瞓解剖床嘅半裸演出？蔡潔就話自己之前曾經喺社交平台Po片預告過，當時網民都忍唔係留言問點解又中招，不過講到原因，蔡潔就叫大家要細心收睇喇！
袁偉豪拍呢套劇時撞正太太張寶兒生B，問到佢有冇因為唔可以陪住太太而自責？袁偉豪就話如果自己唔開工陪住太太反而會更自責，因為佢覺得自己應該出去賺多啲錢畀太太同BB。袁偉豪又指命運嘅安排係好好，由於Bowie產後去咗深圳坐月，所以令佢當時可以專心專注喺拍劇之餘，收工後又可以做返個盡責嘅新手爸爸。
#StarTalk #法證先鋒VI倖存者的救贖 #蔡潔 #袁偉豪 #黃宗澤 #詹可琳 #一氣呵成版 #關楚耀 #新手爸爸 #互相踐踏 #友誼 #昇華 #透支
#TVB #娛樂新聞 #TVB娛樂新聞台
#ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0
12 сен 2024
