Alhoewel Steve 'n groot bloubul ondersteuner is en ek 'n BLOU OVAAL (Ford) ondersteuner, is ek 'n groot Steve ondersteuner. Maar ek wil graag die volgende met julle deel. Ek het beide sy Toeka dvd's gekoop en altyd met oop ketels gespeel. Ttv my ouers se kuier by ons, het ek toe Toeka 1 uitgehaal sodat ons daarna kon luister. My pa laat my toe verstaan dat hy nie 'n Steve liefhebber is nie, maar dat hy daarna sou luister. Toe my pa na sy mannewales luister en lekker gelag het en VERAL toe hy gesien het watter vergete kunstenaars Steve opgespoor en die verhoog mee gedeel het, kon jy sien dat sy se waardering en genieting na vore gekom het. Nadat ek Toeka 2 ook gespeel het, was sy woorde "Dankie my seun, noudat ek gesien en gehoor het wat hy vir ons pragtige taal, ons Geskiedenis en ons "vergete kunstenaars" doen, sal ek my opinie jeens Steve moet verander" en nodeloos om te sê was my pa agterna ook 'n GROOT Steve ondersteuner.
